Danieli 6:2 - Sura Magasaꞌ: Bahangapa sura Pototowiá to Sae hai Pototowiá to Woꞌu

² Dáriu mogáláꞌ kadatuána mewaliꞌ hangatu rompuloꞌ poropensi, hai hambuaꞌ-hambuaꞌ poropensi natadulakoi hadua biti mágáuꞌ.

Danieli 6:2 Iomraidhean Croise

Eteꞌ 7:4

láwiꞌ kaiꞌ toIahudiꞌ rapobaluꞌmongkaiꞌ bona rapapate. Ane rápáꞌna rapobaluꞌ peangkaiꞌ ina rapohawiꞌ, kupengkaniika peá hai ketiꞌarantoaꞌ mosalempori datu. Agáiáná kaiꞌ, raliwomongkaiꞌ ina rapatuna.”

Danieli 5:16

Agáiáná kuhádi miꞌi mokana i hio. Nubuku mopatongawaꞌ upu-upu to tewuniángi, hai nuisá mopakanótó lempóna apa to maꞌángkárá rapekiri. Mewaliꞌ, ane nubuku mobásá ukiꞌ iti, hai nuhángáꞌáꞌáꞌaꞌ woꞌo lempóna, ina kuweꞌikoꞌ badu kadatuá to rabábehi hangko i báná to makámumu, hai awóló rante to hangko i buláwá, hai ina kuángkáꞌkoꞌ mewaliꞌ topopárentá to katálu hangko i kódóꞌ.”

Danieli 5:29

Mewaliꞌ hawiáꞌ miꞌi Datu Belesasa mopárentái topobágóꞌna bona mobadui Danieli hai kumbá to malóe to rabábehi hangko i báná to makámumu, hai raꞌáwólói rante buláwá. Hai napahaweꞌ miꞌi datu i tauna to handaꞌ kamoángkáꞌna miꞌi Danieli mewaliꞌ tauna to katálu mepárentá hangko i datu.

Danieli 5:7

Onoꞌ miꞌi haneꞌi ia molaluita napasimbuku bona upu-upu tauna to handaꞌ pangisáraꞌ, topebao hai upu-upu tauna to moisá mampeita betue, raꞌánti lao i hia. I kahaweꞌraꞌ peá, molaluita miꞌi datu, nauliꞌ, “Heáná peá to moisá mobásá ukiꞌ iti hai mopahaweꞌ lempóna, ina kuweꞌi kumbá kadatuá to makámumu, hai awóló rante to hangko i buláwá, tandaꞌ pebiláꞌkuꞌ i hia. Hai ina kuángkáꞌ mewaliꞌ tauna to katálu mepárentá hangko i datu.”

Danieli 6:1

I kamatena Belesasa, Dáriu toMedia mewaliꞌ datu i tampoꞌ Bábeli. Tempó iti, umuruꞌna ini puloꞌna hai rompare.

Matiu 18:23

Bona niꞌisá moapa riꞌi haneꞌi hangaa-ngaa moámpungikou rángámi, ina Kupahaweꞌákou ngkóráꞌ pándiriꞌ deꞌe. Pueꞌ Ala rapándiriꞌ nodo hadua datu to mopáresáꞌ indáraꞌ hawiꞌna.

Lukasi 16:2

Onoꞌ miꞌi haneꞌi topebuku iti mokióꞌ miꞌi topokádipurá dóiꞌna, haneꞌi nahángáꞌá, ‘Kuhádi miꞌi bámbárina katiꞌárána maroꞌa pobágóꞌmu. Mewaliꞌ, upu-upu suramu hangaa-ngaa nuánti mai i kódóꞌ, láwiꞌ io, tiꞌarapokoꞌ mewaliꞌ topokádipurá dóiꞌkuꞌ hai párewángkuꞌ.’

1 Korintu 4:2

To paraluu i huoꞌá, hangaa-ngaa mampeuláꞌiheꞌ oaꞌ hawaꞌna to i reáraꞌ.