Danieli 5:8 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁸ Mewaliꞌ lao mpuꞌumoheꞌ hadua-hadua mampehukáꞌ mobásá ukiꞌ iti, agáiáná tiꞌara ara haweꞌ hadua to peisá mobásá ba molempónga.

Danieli 5:8 Iomraidhean Croise

Pewaliꞌána 41:8

Mearó miꞌi mepulo, tiꞌara maroꞌa pekirina, onoꞌ miꞌi haneꞌi napopekióꞌheꞌ upu-upu topodoti hai tauna to mapánde i tampoꞌ Másiriꞌ, haneꞌi natuntuáheꞌ paturuna iti, agáiáná tiꞌara ara to peisá molempónga paturuna iti.

Danieli 2:27

Mehániꞌ Danieli, nauliꞌ, “Tauna to handaꞌ pangisáraꞌ, topodoti, ba topebao, tiꞌara rabuku mopahaweꞌ apa to tewuniángi i hio, datu.

Danieli 4:18

Iti miꞌi to kuita i lalu paturungkuꞌ. Mewaliꞌ deꞌe-deꞌe Beletasaꞌ, kupembiáꞌ bona nuhángáꞌáꞌáꞌaꞌ lempóna. Hangko i oloꞌraꞌ upu-upu to handaꞌ pangisáraꞌ to ara i lalu kadatuángkuꞌ deꞌe, tiꞌara ara haweꞌ hadua to nabuku mopakanótó lempóna. Ngkáliꞌna peá io to mobuku molempónga láwiꞌ nateteꞌkoꞌ kuasaꞌ to magasaꞌ.”

Danieli 4:4

Kódóꞌ Datu Nebukanesa, toroꞌaꞌ i támbingkuꞌ i katinda lalu, hai tueꞌaꞌ i lalu kagóeꞌ-góeꞌ.

Danieli 4:7

Hangko ionoꞌ, upu-upu tauna to handaꞌ pangisáraꞌ, topebao, hai to moisá mampeita betue, maiheꞌ i kódóꞌ, haneꞌi kupodarita i hira paturungkuꞌ iti, agáiáná tiꞌara rabuku molempónga paturungkuꞌ iti.

Danieli 5:15

Upu-upu tauna to handaꞌ pangisáraꞌ hai topebao, kukióꞌmoheꞌ bona mobásáheꞌ ukiꞌ deꞌe hai mohángáꞌáꞌáꞌaꞌ lempóna ukiꞌ iti, agáiáná tiꞌara ara to moisá.