Danieli 5:5 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁵ Tempó onoꞌ, iaperái hangkaꞌ ara tae to moukiꞌ i rindi támbi kadatuá i kamahingkaaꞌána láwiꞌ nahimbaꞌi huluꞌ, onoꞌ miꞌi haneꞌi tongawaꞌ ntepuꞌu kanaitána datu tae to moukiꞌ iti.

Danieli 5:5 Iomraidhean Croise

Danieli 4:31

Tiꞌara mani hópóꞌ polaluitana, tehádi miꞌi wambaꞌ hangko i langiꞌ to manguliꞌ node: “Datu Nebukanesa, nupehádingi deꞌe: kamakuasaꞌmu mewaliꞌ datu raꞌala miꞌi hangko i hio.

Danieli 4:33

I tempó iti woꞌo, upu-upu laluita to nahádi hangko i langiꞌ tebukeki i Datu Nebukanesa. Ia rawura hangko i oloꞌraꞌ tauna, hai mandeꞌ rumpuꞌ nodo gapiꞌ. Wátána naloeꞌi namu to hangko i langiꞌ, weluáꞌna malóe nodo wulu tádáhi koꞌaaꞌ, hai kánuna nodo kánu tádáhi.

Danieli 5:15

Upu-upu tauna to handaꞌ pangisáraꞌ hai topebao, kukióꞌmoheꞌ bona mobásáheꞌ ukiꞌ deꞌe hai mohángáꞌáꞌáꞌaꞌ lempóna ukiꞌ iti, agáiáná tiꞌara ara to moisá.

Danieli 5:4

Tangaꞌraꞌ mainu, motóiáheꞌ ánituraꞌ to rabábehi hangko i buláwá, peráꞌ, tembaga, besiꞌ, kau hai watu.

Danieli 5:6

Lindoꞌna datu mewaliꞌ mabádáꞌ, hai masusa laluna. Bitina mewaliꞌ maledeꞌ, hai kuntuꞌna moridiꞌ ánti kamalááꞌna.

Danieli 5:8

Mewaliꞌ lao mpuꞌumoheꞌ hadua-hadua mampehukáꞌ mobásá ukiꞌ iti, agáiáná tiꞌara ara haweꞌ hadua to peisá mobásá ba molempónga.

Kolose 2:14

Ánti kamatena Iesu i kau mombehape, Pueꞌ Ala mowoe miꞌi upu-upu dósántaꞌ to teukiꞌ miꞌi, hai Nakábáhámokeꞌ hangko i áturá-áturá to ina moántikeꞌ i pehuku.