Danieli 5:23 - Sura Magasaꞌ: Bahangapa sura Pototowiá to Sae hai Pototowiá to Woꞌu

²³ Datu, maꞌángkáꞌmokoꞌ i lindoꞌna Pueꞌ to Makuasaꞌ i surugáꞌ. Mangku-mangku to rapakeꞌ i Támbina Pueꞌ Ala, nupopeánti mai i hio, haneꞌi datu hai upu-upu tauna to mapángkáꞌ lántiꞌraꞌ i kadatuá deꞌe, hai upu-upu toináraꞌ hai towawine to rapiaraꞌ, mainukou i mangku iti. Hai motóiákoꞌ ánitu to rabábehi peá hangko i peráꞌ, buláwá, tembaga, besiꞌ, kau hai watu. Ánitu iti tiꞌaraheꞌ peisá meita, tiꞌaraheꞌ peisá mehádi, hai tiꞌaraheꞌ woꞌo moisá apa-apa. Agáiáná Pueꞌ Ala to motibaaꞌ peinaomu hai mopakanótó rárá katueꞌmu, tiꞌara nubiláꞌ.

Danieli 5:23 Iomraidhean Croise

Pewaliꞌána 14:19

nauliꞌ: “Nawátiꞌkoꞌ Pueꞌ Ala to i Surugáꞌ to mampopewaliꞌ duniáꞌ hai upu-upu óntóꞌna.

Pewaliꞌána 2:7

Hangko ionoꞌ, PUEꞌ Ala moala tampoꞌ haneꞌi moteru hadua tauna. Roo onoꞌ, natawueꞌ PUEꞌ Ala inao ngkatueꞌ i lalu bóbeꞌ hilóna, haneꞌi tueꞌ mpuꞌu miꞌi tauna iti.

Danieli 11:12

I kamenangina daturaꞌ toMásiriꞌ, ia ina mampepemahile láwiꞌ handaꞌ ewálina to mate, agáiáná ia tiꞌara ina makuasaꞌ oaꞌ.

Danieli 4:37

Mewaliꞌ deꞌe-deꞌe kódóꞌ Nebukanesa, kutóiá hai kupomahile hangaꞌna Pueꞌ Ala to mepárentá i surugáꞌ. Upu-upu to Nabábehi manótó hai bukeꞌ timbá, hai Nabuku mopaiwóiꞌ tauna to maꞌángkáꞌ.

Danieli 8:11

Mogalo riꞌi Tadulako Surudadoꞌ i Surugáꞌ, naewaꞌ, hai popenómbá to rahuhuꞌ alo-alona i Pueꞌ, napekóntói. Noꞌonoꞌ woꞌo Támbina Pueꞌ Ala to magasaꞌ ina nagero.

Surona Pueꞌ Iesu 17:25

Ia tiꞌara ara kamakuraꞌNa to hangaa-ngaa radureiá tauna, láwiꞌ Ia to mampoweꞌikeꞌ katueꞌtaꞌ, peinaontaꞌ hai hinángkáꞌna to taparaluu.

1 Korintu 8:4

Mewaliꞌ, mokana i pandeꞌ to rapopenómbá i ánitu, peisá taꞌandeꞌ, láwiꞌ taisá katiꞌárána ara pueꞌ ntániꞌna, bateꞌna peá Pueꞌ Ala. Hai taisá: hangko i upu-upu ánitu to rapenómbái, tiꞌara ara haweꞌ hangaa to toꞌu.

1 Timotiu 3:6

Ane ara hadua tauna to tiꞌara mani marue mepoinálái i Pueꞌ Iesu, ia tiꞌara mani peisá rapileꞌi mewaliꞌ pinátuá, bona ia tiꞌara mewaliꞌ maꞌángkáꞌ hai kahópóꞌána molámbiꞌ pehuku nodo karahukuna Datu Tokadake ánti kamaꞌángkáꞌna.

Iberani 4:13

Tiꞌara ara hampákáꞌ to tewuniángi i peitáNa. Upu-upuna to ara, makaaꞌ hai tongawaꞌ ntepuꞌu i Hia. Hai hangaa-ngaa tapangákuꞌ i lindoꞌNa upu-upu bábehiántaꞌ.

Pampetudeꞌá 9:20

Agáiáná pentáráꞌána tauna to tiꞌara rapapate i pepopeahiahiꞌ iti, bateꞌraꞌ peá tiꞌara mau menosoꞌ hangko i bábehiáraꞌ to kadake. Tiꞌaraheꞌ mau menosoꞌ hangko i pepapateraꞌ, pedotiraꞌ, panakoraꞌ, hai bábehiáraꞌ to metitidiꞌi. Tiꞌaraheꞌ woꞌo mokábáhá penómbáraꞌ i setáꞌ hai i lenggeꞌ ánitu kehapiꞌ to rapenómbái iti rabábehi peá haduduáraꞌ hangko i buláwá, peráꞌ, tembaga, watu, ba hangko i kau. Hai lenggeꞌ iti, tiꞌaraheꞌ meita, tiꞌaraheꞌ mehádi, hai tiꞌaraheꞌ woꞌo peisá molumao.