Danieli 5:21 - Sura Magasaꞌ: Bahangapa sura Pototowiá to Sae hai Pototowiá to Woꞌu

²¹ Ia rawura hangko i oloꞌraꞌ tauna, hai pekirina mewaliꞌ hibali hai pekiri binataꞌ. Ia tueꞌ hingkakani hai kalide to maila. Pandeꞌna rumpuꞌ hibali hai gapiꞌ, hai wátána naloeꞌi namu to hangko i langiꞌ. Upu-upuna iti mewaliꞌ duuꞌna ia mopangákuꞌ Pueꞌ Ala to i Surugáꞌ to makuasaꞌ i kadatuá tauna, hai Ia peisá moángkáꞌ heáná peá tauna to Napileꞌi mewaliꞌ datu.

Danieli 5:21 Iomraidhean Croise

Danieli 4:14

Ia molaluita napasimbuku, nauliꞌ, ‘Tiwi kau iti! Upu-upu dáꞌána nitátáꞌ. Niránáꞌ upu-upu taweꞌna, hai nihawuka wuaꞌna. Upu-upu binataꞌ to mebóungá i wóiꞌna, niwuraheꞌ, noꞌonoꞌ woꞌo upu-upu tádáhi to mohárá i dáꞌána!

Danieli 4:17

Hawaꞌ deꞌe kabotuꞌángkiꞌ sangkani, kaiꞌ malaꞌeka to mekámpái. Tunggáiángkiꞌ bona upu-upu tauna mopangákuꞌ kaPueꞌ Alana to i Surugáꞌ to mokuasaꞌi kadatuá tauna, hai kadatuá iti peisá Napeweꞌi i heáná peá tauna to Napokana, tepasuaꞌ i tauna to i wóiꞌ tueꞌna.’

Danieli 4:22

Ó datu! Kau iti ia miꞌi datu! Kadatuámu mahile hai maróhó. Kamakuasaꞌmu mantámbái haweꞌ i langiꞌ, haweꞌ-haweꞌ i wuntu duniáꞌ.

Danieli 4:25

Datu ina rawura hangko i oloꞌraꞌ tauna, hai datu ina roo i oloꞌraꞌ binataꞌ i pádá. Datu ina mandeꞌ rumpuꞌ nodo gapiꞌ, hai ina maturu i pádá, álána ina naloeꞌi namu to hangko i langiꞌ. Iti ina mewaliꞌ pitu parena kamaruena, duuꞌna datu mopangákuꞌ Pueꞌ Ala to i Surugáꞌ peá to makuasaꞌ i kadatuá tauna, hai to mampeweꞌi kadatuá iti i tauna to Napileꞌi.

Danieli 4:26

To nauliꞌ malaꞌeka, ‘Nipatodáhi tóáꞌna iti i lalu tampoꞌ,’ lempóna: datu ina mewaliꞌ huleꞌ datu, ane datu mopangákuꞌ Pueꞌ Ala peá to makuasaꞌ i humalele duniáꞌ.

Danieli 4:34

Kaliuna peá tempó to tepakanótó, ia miꞌi pitu parena, kódóꞌ Nebukanesa mengoaꞌaꞌ i langiꞌ, hai pekiringkuꞌ manótó miꞌi huleꞌ. Hangko ionoꞌ, kutóiá Pueꞌ Ala to i Surugáꞌ, hai kupomahile hangaꞌna Ia to Tueꞌ Haweꞌ i Rue-ruena, kuꞌuliꞌ: Pueꞌ Ala to mewaliꞌ datu haweꞌ i rue-ruena. KamakuasaꞌNa hai popárentáNa tiꞌara mokahópóꞌá.

Danieli 4:35

Upu-upu tauna i duniáꞌ tiꞌara mobunduꞌ i peitáNa. Pueꞌ Ala mokuasaꞌi malaꞌeka to i surugáꞌ hai upu-upu tauna i duniáꞌ. Tiꞌara ara to nabuku meꞌewaꞌ, hai tiꞌara ara to pebáiꞌ mekuneꞌ apa to Nabábehi.

Danieli 4:37

Mewaliꞌ deꞌe-deꞌe kódóꞌ Nebukanesa, kutóiá hai kupomahile hangaꞌna Pueꞌ Ala to mepárentá i surugáꞌ. Upu-upu to Nabábehi manótó hai bukeꞌ timbá, hai Nabuku mopaiwóiꞌ tauna to maꞌángkáꞌ.

Danieli 5:18

Datu, Pueꞌ Ala to i Surugáꞌ mampoweꞌi miꞌi Datu Nebukanesa pueꞌmu, kamakuasaꞌ, pebiláꞌ hai kapeawaꞌ.