Danieli 5:16 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹⁶ Agáiáná kuhádi miꞌi mokana i hio. Nubuku mopatongawaꞌ upu-upu to tewuniángi, hai nuisá mopakanótó lempóna apa to maꞌángkárá rapekiri. Mewaliꞌ, ane nubuku mobásá ukiꞌ iti, hai nuhángáꞌáꞌáꞌaꞌ woꞌo lempóna, ina kuweꞌikoꞌ badu kadatuá to rabábehi hangko i báná to makámumu, hai awóló rante to hangko i buláwá, hai ina kuángkáꞌkoꞌ mewaliꞌ topopárentá to katálu hangko i kódóꞌ.”

Danieli 5:16 Iomraidhean Croise

Pewaliꞌána 40:8

Mehániꞌheꞌ, “Iakáindi mampaturuáꞌangkaiꞌ, agáiáná tiꞌara ara to peisá molempónga paturungkiꞌ iti.” Nauliꞌ Iusupu, “Bateꞌna peá Pueꞌ Ala to peisá mopakanótó lempóna paturu. Nituntu mai iti paturumi.”

Pewaliꞌána 41:15

Nauliꞌ Piraoꞌ i hia, “Kódóꞌ mampaturuáꞌaꞌ, agáiáná tiꞌara ara haweꞌ hadua to peisá molempónga paturungkuꞌ iti. Ara to mopahaweꞌ i kódóꞌ, io to peisá molempónga paturu.”

Danieli 2:48

Hangko ionoꞌ, Datu Nebukanesa moádái Danieli hai napoweꞌi handaꞌ párewá to maroꞌa, hai ia woꞌo molántiꞌ Danieli mewaliꞌ tadulako i poropensi Bábeli hai motadulakoi upu-upu tauna to handaꞌ pangisáraꞌ.

Danieli 2:6

Agáiáná ane niꞌisá paturungkuꞌ, hai niꞌisá woꞌo lempóna, ina kuweꞌikou parasee to maroꞌa ntepuꞌu hai mababe, hai ina kupomahilekou i kadatuá deꞌe. Mewaliꞌ deꞌe-deꞌe nihángáꞌáꞌámoꞌ apa óntóꞌna paturungkuꞌ iti hai apa lempóna.”

Danieli 5:29

Mewaliꞌ hawiáꞌ miꞌi Datu Belesasa mopárentái topobágóꞌna bona mobadui Danieli hai kumbá to malóe to rabábehi hangko i báná to makámumu, hai raꞌáwólói rante buláwá. Hai napahaweꞌ miꞌi datu i tauna to handaꞌ kamoángkáꞌna miꞌi Danieli mewaliꞌ tauna to katálu mepárentá hangko i datu.

Danieli 5:7

Onoꞌ miꞌi haneꞌi ia molaluita napasimbuku bona upu-upu tauna to handaꞌ pangisáraꞌ, topebao hai upu-upu tauna to moisá mampeita betue, raꞌánti lao i hia. I kahaweꞌraꞌ peá, molaluita miꞌi datu, nauliꞌ, “Heáná peá to moisá mobásá ukiꞌ iti hai mopahaweꞌ lempóna, ina kuweꞌi kumbá kadatuá to makámumu, hai awóló rante to hangko i buláwá, tandaꞌ pebiláꞌkuꞌ i hia. Hai ina kuángkáꞌ mewaliꞌ tauna to katálu mepárentá hangko i datu.”

Danieli 6:2

Dáriu mogáláꞌ kadatuána mewaliꞌ hangatu rompuloꞌ poropensi, hai hambuaꞌ-hambuaꞌ poropensi natadulakoi hadua biti mágáuꞌ.

Surona Pueꞌ Iesu 8:18

Naita Simoꞌ, heáná peá to rapekakaeá Peturuꞌ hai Iohane, hira to motarima Inao to Magasaꞌ. Onoꞌ miꞌi haneꞌi Simoꞌ moánti miꞌi dóiꞌ lao i Peturuꞌ hai Iohane,