Danieli 4:9 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁹ Kuꞌuliꞌ node: “Ee Beletasaꞌ, tadulako tauna to handaꞌ pangisáraꞌ! Kuisá io nateteꞌkoꞌ kuasaꞌ to magasaꞌ, onoꞌ miꞌi haneꞌi upu-upu to tewuniángi tiꞌara nupomapári mopatongawaꞌ! Mewaliꞌ ina kupolaluita i hio apa to kuita i lalu paturungkuꞌ, hai nuhángáꞌáꞌáꞌaꞌ lempóna.

Danieli 4:9 Iomraidhean Croise

Pewaliꞌána 41:38

Nauliꞌ Piraoꞌ i hira, “Ara mani paꞌi to hibali hai Iusupu, to nateteꞌ Inaona Pueꞌ Ala?”

Danieli 1:20

I pákáꞌ-pákáꞌna to mewaliꞌ to moparaluu kanótó lalu hai kapánde, datu mekuneꞌ i hira, hai tongawaꞌ ntepuꞌu kamapánderaꞌ to ibaheꞌ iti melumbuꞌ hampuloꞌ kánina hangko i upu-upu tauna to handaꞌ pangisáraꞌ i humalele kadatuá.

Danieli 2:47

Molaluita miꞌi Datu Nebukanesa i Danieli, nauliꞌ, “Pueꞌ Ala to nupenómbái, Ia miꞌi Pueꞌ Ala to toꞌu hai melumbuꞌ kuasaꞌNa hangko i upu-upu to rapenómbái, hai makuasaꞌ i upu-upu datu. Nabuku mopatongawaꞌ upu-upu to tewuniángi. Upu-upuna iti kuisá láwiꞌ nubuku mopakanótó paturu hai molempónga.”

Danieli 2:48

Hangko ionoꞌ, Datu Nebukanesa moádái Danieli hai napoweꞌi handaꞌ párewá to maroꞌa, hai ia woꞌo molántiꞌ Danieli mewaliꞌ tadulako i poropensi Bábeli hai motadulakoi upu-upu tauna to handaꞌ pangisáraꞌ.

Danieli 4:18

Iti miꞌi to kuita i lalu paturungkuꞌ. Mewaliꞌ deꞌe-deꞌe Beletasaꞌ, kupembiáꞌ bona nuhángáꞌáꞌáꞌaꞌ lempóna. Hangko i oloꞌraꞌ upu-upu to handaꞌ pangisáraꞌ to ara i lalu kadatuángkuꞌ deꞌe, tiꞌara ara haweꞌ hadua to nabuku mopakanótó lempóna. Ngkáliꞌna peá io to mobuku molempónga láwiꞌ nateteꞌkoꞌ kuasaꞌ to magasaꞌ.”

Danieli 4:5

Agáiáná hangkani tempó tangaꞌkuꞌ letaꞌ i paturuángkuꞌ, mampaturuáꞌaꞌ hai molámbiꞌaꞌ pampetudeꞌá to melááꞌ-lááꞌi.

Danieli 4:8

Kahópóꞌána, Danieli to rahangaꞌ woꞌo Beletasaꞌ mouláꞌ hangaꞌ ánitungkuꞌ, mai i kódóꞌ. Ia nateteꞌ kuasaꞌ to magasaꞌ, mewaliꞌ kupodarita mpuꞌu miꞌi paturungkuꞌ i hia.

Danieli 5:11

I lalu kadatuá deꞌe, ara hadua tauna to naporángá oaꞌ kuasaꞌ to magasaꞌ! I tempóna pueꞌmu mepárentá hangkoia, tauna iti tongawaꞌ ntepuꞌu kamanótóna laluna hai kamapándena nodo kamapánderaꞌ ánitu. Datu Nebukanesa pueꞌmu, moángkáꞌ tauna iti mewaliꞌ tadulakoraꞌ upu-upu tauna to handaꞌ pangisáraꞌ, topebao, hai tauna to moisá mampeita betue.