Danieli 4:6 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁶ Hangko ionoꞌ, kupehawaꞌá bona upu-upu tauna to handaꞌ pangisáraꞌ to ara i Bábeli raꞌántiheꞌ mai i kódóꞌ, bona rapakanótóáꞌaꞌ lempóna paturungkuꞌ.

Danieli 4:6 Iomraidhean Croise

Danieli 1:17

I ánáꞌntomoane to ibaheꞌ iti, Pueꞌ Ala mampoweꞌi kapánde, bona peisáheꞌ molempónga darita to teukiꞌ, hai handaꞌ to raisá kana i duniáꞌ. Hai Pueꞌ woꞌo mampoweꞌi kapánde i Danieli bona naisá molempónga mampopengaa paturu hai pampetudeꞌá.

Danieli 2:2

Mewaliꞌ ia mohuoꞌ bona upu-upu tauna to moisá mampeita betue, upu-upu topodoti, topebao, hai to handaꞌ pangisáraꞌ, rakióꞌ bona molempónga paturuna iti. Mewaliꞌ lao mpuꞌumoheꞌ i hia.

Danieli 2:48

Hangko ionoꞌ, Datu Nebukanesa moádái Danieli hai napoweꞌi handaꞌ párewá to maroꞌa, hai ia woꞌo molántiꞌ Danieli mewaliꞌ tadulako i poropensi Bábeli hai motadulakoi upu-upu tauna to handaꞌ pangisáraꞌ.

Danieli 4:15

Agáiáná nipatodáhi miꞌi tóáꞌna i lalu tampoꞌ, tetakaꞌ hai rante hangko i besiꞌ hai tembaga, hai nipálehi i pádá. Nipatodáhimode naloeꞌi namu to hangko i langiꞌ hingkakani hai binataꞌ, hai rumpuꞌ to tueꞌ i pádá ina mewaliꞌ pandeꞌna.

Danieli 5:11

I lalu kadatuá deꞌe, ara hadua tauna to naporángá oaꞌ kuasaꞌ to magasaꞌ! I tempóna pueꞌmu mepárentá hangkoia, tauna iti tongawaꞌ ntepuꞌu kamanótóna laluna hai kamapándena nodo kamapánderaꞌ ánitu. Datu Nebukanesa pueꞌmu, moángkáꞌ tauna iti mewaliꞌ tadulakoraꞌ upu-upu tauna to handaꞌ pangisáraꞌ, topebao, hai tauna to moisá mampeita betue.

Danieli 5:7

Onoꞌ miꞌi haneꞌi ia molaluita napasimbuku bona upu-upu tauna to handaꞌ pangisáraꞌ, topebao hai upu-upu tauna to moisá mampeita betue, raꞌánti lao i hia. I kahaweꞌraꞌ peá, molaluita miꞌi datu, nauliꞌ, “Heáná peá to moisá mobásá ukiꞌ iti hai mopahaweꞌ lempóna, ina kuweꞌi kumbá kadatuá to makámumu, hai awóló rante to hangko i buláwá, tandaꞌ pebiláꞌkuꞌ i hia. Hai ina kuángkáꞌ mewaliꞌ tauna to katálu mepárentá hangko i datu.”