Danieli 4:34 - Sura Magasaꞌ: Bahangapa sura Pototowiá to Sae hai Pototowiá to Woꞌu

³⁴ Kaliuna peá tempó to tepakanótó, ia miꞌi pitu parena, kódóꞌ Nebukanesa mengoaꞌaꞌ i langiꞌ, hai pekiringkuꞌ manótó miꞌi huleꞌ. Hangko ionoꞌ, kutóiá Pueꞌ Ala to i Surugáꞌ, hai kupomahile hangaꞌna Ia to Tueꞌ Haweꞌ i Rue-ruena, kuꞌuliꞌ: Pueꞌ Ala to mewaliꞌ datu haweꞌ i rue-ruena. KamakuasaꞌNa hai popárentáNa tiꞌara mokahópóꞌá.

Danieli 4:34 Iomraidhean Croise

Danieli 12:7

Tauna iti moángkáꞌ taena rombali i langiꞌ, modándi i lalu hangaꞌna Pueꞌ Ala to tueꞌ duuꞌna i rue-ruena, nauliꞌ, “Upu-upu to mewaliꞌ deꞌe, ina mewaliꞌ tálu parena hantangaꞌ kamaruena. Ane upu-upu taunána Pueꞌ Ala mehárungá i Hia, tiꞌara piꞌi mehárungá i kuasaꞌraꞌ haduduáraꞌ, hangko hópóꞌ riꞌi pepopeahiahiꞌ to metingkáráki iti.”

Danieli 2:44

I tempóna kadatuá to kaꞌiba mokuasaꞌi duniáꞌ, Pueꞌ Ala to ara i surugáꞌ ina moaró hambuaꞌ kadatuá to tiꞌara ina magero haweꞌ i rue-ruena. Kamaróhóna hai peawaꞌna tiꞌara ina melimbá i kadatuá to ntániꞌna. Kadatuá iti ina mogero hai mopatuna hinángkáꞌ kadatuá to ntániꞌna.

Danieli 4:2

Deꞌe-deꞌe kuꞌundeꞌ ina mampodarita tandaꞌ kuasaꞌ hai tandaꞌ-tandaꞌ to metingkáráki to nabábehi Pueꞌ Ala to i Surugáꞌ i kódóꞌ.

Danieli 4:26

To nauliꞌ malaꞌeka, ‘Nipatodáhi tóáꞌna iti i lalu tampoꞌ,’ lempóna: datu ina mewaliꞌ huleꞌ datu, ane datu mopangákuꞌ Pueꞌ Ala peá to makuasaꞌ i humalele duniáꞌ.

Danieli 4:3

Metingkáráki ntepuꞌu tandaꞌ-tandaꞌ to Nabábehi, hai mehelei ntepuꞌu tandaꞌ kuasaꞌ to Nabábehi! KadatuáNa ia miꞌi kadatuá to tiꞌara mokahópóꞌá, hai popárentáNa ina ara oaꞌ haweꞌ i rue-ruena!

Danieli 4:32

Io ina rawurakoꞌ hangko i oloꞌraꞌ tauna, hai ina tueꞌkoꞌ hingkakani hai binataꞌ i pádá. I lalu pitu parena kamaruena, ina mandeꞌkoꞌ rumpuꞌ nodo gapiꞌ. Iti miꞌi to ina mewaliꞌ i hio duuꞌmu mopangákuꞌ Pueꞌ Ala to i Surugáꞌ to makuasaꞌ i kadatuá tauna, hai kadatuá iti peisá Napeweꞌi i heáná peá to Napileꞌi!”

Danieli 4:36

I tempóna manótó miꞌi huleꞌ pekiringkuꞌ, upu-upu peawaꞌna hai peraeꞌna kadatuángkuꞌ mesuleꞌ miꞌi huleꞌ i kódóꞌ. Upu-upu topepatentengkuꞌ hai tauna to mapángkáꞌ lántiꞌraꞌ i kadatuángkuꞌ maiaꞌ modupaꞌ, haneꞌi rapopasuleꞌaꞌ huleꞌ i lántiꞌkuꞌ hangkoia, hai kapeawaꞌna kadatuángkuꞌ melumbuꞌ hangko i rungu-runguna.

Danieli 5:18

Datu, Pueꞌ Ala to i Surugáꞌ mampoweꞌi miꞌi Datu Nebukanesa pueꞌmu, kamakuasaꞌ, pebiláꞌ hai kapeawaꞌ.

Danieli 5:21

Ia rawura hangko i oloꞌraꞌ tauna, hai pekirina mewaliꞌ hibali hai pekiri binataꞌ. Ia tueꞌ hingkakani hai kalide to maila. Pandeꞌna rumpuꞌ hibali hai gapiꞌ, hai wátána naloeꞌi namu to hangko i langiꞌ. Upu-upuna iti mewaliꞌ duuꞌna ia mopangákuꞌ Pueꞌ Ala to i Surugáꞌ to makuasaꞌ i kadatuá tauna, hai Ia peisá moángkáꞌ heáná peá tauna to Napileꞌi mewaliꞌ datu.

Danieli 6:26

Roo onoꞌ, Datu Dáriu mopakatu sura i upu-upu roboꞌ hai i upu-upu pueꞌ básá i humalele tampoꞌ to nakuasaꞌi. Óntóꞌna sura node: “Tabeá. Hampóáꞌworia ina mantámbái kamaroꞌana katueꞌmi.

Danieli 7:14

Ia raweꞌi kuasaꞌ mepárentá bona rabiláꞌ, onoꞌ miꞌi haneꞌi upu-upu tauna hangko iumbá-umbá peá kaꞌaraꞌáraꞌ, hai upu-upu básá, mouláꞌheꞌ hawaꞌna. Kamakuasaꞌna iti ina ara duuꞌna i rue-ruena, hai kadatuána tiꞌara ina tuna.

Danieli 7:27

Upu-upu kadatuá hai kamakuasaꞌ i duniáꞌ ina napeweꞌi Pueꞌ Ala to i Surugáꞌ i taunáNa, hai kamakuasaꞌraꞌ mepárentá tiꞌara ina mokahópóꞌá. Upu-upu to makuasaꞌ to ara i duniáꞌ ina mampeuláꞌi hawaꞌraꞌ.”

Danieli 9:14

Ó PUEꞌ Ala to kipenómbái, Nuhukumongkaiꞌ hai kapári to Nupatimama miꞌi ami. Upu-upuna to Nubábehi hintotoꞌ hai manótó, agáiáná tiꞌara maniangkaiꞌ mampehádingi laluitaMu.

Iunu 1:14

Hangko ionoꞌ, mekakaeheꞌ i PUEꞌ, “Ó PUEꞌ. Kipembiáꞌ bona ineeꞌangkaiꞌ Nuhuku ánti kaꞌina mopapatengkiꞌ tauna deꞌe to tiꞌara ara salaꞌna i kaiꞌ. Láwiꞌ upu-upuna deꞌe mewaliꞌ hiolaꞌ hai peundeꞌáMu.”

Lukasi 1:33

Ánáꞌmu iti ina mopárentá toSáráeliꞌ duuꞌna i rue-ruena, hai popárentáNa iti tiꞌara ina mokahópóꞌá.”

Lukasi 18:13

Agáiáná toperóróꞌ ásele iti, meángkáꞌ peá ngkaraoꞌ, hai tiꞌara pebáiꞌ mengoaꞌ i langiꞌ. Ánti kanaisána dósána, ia motápáꞌ-tápáꞌ pondána tandaꞌ penosoꞌna, nauliꞌ, ‘Ó Pueꞌ Ala! Nupokaꞌahiꞌaꞌ wongkódóꞌá, láwiꞌ kódóꞌ deꞌe tauna to madósáꞌaꞌ!’ ”

Iohane 5:26

UmáNgkuꞌ makuasaꞌ mampoweꞌi katueꞌ. Noꞌonoꞌ woꞌo, NaweꞌiMoꞌ kuasaꞌ mampoweꞌi katueꞌ to tiꞌara mokahópóꞌá.

1 Timotiu 1:17

Hintotoꞌ ntepuꞌu tabiláꞌ hai tatóiá Pueꞌ Ala, Datuntaꞌ to mepárentá duuꞌna i rue-ruena, hai to tiꞌara mokahópóꞌá, to tiꞌara peisá teita, hai to tiꞌara ara kahibaliáNa. Tapomahile hai tatóiá hangaꞌNa duuꞌna i rue-ruena. Ami.

1 Timotiu 6:16

Bateꞌna peá Ia to tiꞌara ara kahópóꞌána. Ia toroꞌ i lalu kamabaaꞌána to meawaꞌ ntepuꞌu. Tiꞌara ara haweꞌ hadua to peisá mohungkuki ba moita, láwiꞌ Ia tiꞌara peisá teita. Bateꞌna peá Ia to hintotoꞌ rabiláꞌ hai to hintotoꞌ mepárentá duuꞌna i rue-ruena. Ami.

Pampetudeꞌá 10:6

haneꞌi modándi i lalu hangaꞌna Pueꞌ Ala to tueꞌ duuꞌna i rue-ruena, to mampopewaliꞌ langiꞌ, duniáꞌ, tahiꞌ hai upu-upu óntóꞌna. I podándina nauliꞌ node: “Ane malaꞌeka to kapitu motawueꞌ tamburuꞌna, i tempó iti pemiꞌi Pueꞌ Ala ina mampopewaliꞌ tunggáiáNa to marue miꞌi tewuniángi. TunggáiáNa iti bateꞌna ina hawiáꞌ mewaliꞌ, mouláꞌ apa to Napopaisáꞌáheꞌ huoꞌáNa hangkoia, ia miꞌi nabiꞌ-nabiꞌ to moánti ngkóráꞌNa.”

Pampetudeꞌá 11:15

Malaꞌeka to kapitu motawueꞌ tamburuꞌna, hai araheꞌ to molaluita rapasimbuku i lalu surugáꞌ, rauliꞌ: “Deꞌe-deꞌe, upu-upu kadatuá i duniáꞌ napárentá miꞌi Pueꞌ Ala Pueꞌtaꞌ, hingkakani hai Ia to Napileꞌi miꞌi mewaliꞌ Datu Topehómpóꞌ, bona mepárentá duuꞌna i rue-ruena.”

Pampetudeꞌá 4:10

totosae to rompuloꞌ hai iba mopalumbáheꞌ menómbá i lindoꞌna Hadua to tueꞌ oaꞌ duuꞌna i rue-ruena to mehoda i pehodaꞌá kadatuá. Motelángaheꞌ tataliraꞌ i lindoꞌna pehodaꞌáNa iti, tandaꞌ pebiláꞌraꞌ. Roo onoꞌ, rauliꞌ:

Pampetudeꞌá 4:9

Pinatueꞌ itiheꞌ manguliꞌ handaꞌ kamaroꞌana, mobiláꞌ hai mampomahileheꞌ hangaꞌna Hadua to mehoda i pehodaꞌá kadatuá hai to tueꞌ oaꞌ duuꞌna i rue-ruena. I popahaweꞌraꞌ petóiáraꞌ,