Danieli 4:27 - Sura Magasaꞌ: Bahangapa sura Pototowiá to Sae hai Pototowiá to Woꞌu

²⁷ Mewaliꞌ deꞌe-deꞌe datu, kupembiáꞌ bona datu mampeuláꞌi paturoꞌkuꞌ deꞌe: datu hangaa-ngaa mengkaroo mobábehi dósá, ngkáliꞌna riꞌi to nabábehi datu ia miꞌi bábehiá to maroꞌa hai hintotoꞌ, hai hangaa-ngaa maꞌahiꞌ i tauna to meahiahiꞌ tueꞌraꞌ. Ane onoꞌ to nabábehi datu, babilaꞌ ina maroꞌa katueꞌna datu.”

Danieli 4:27 Iomraidhean Croise

Pewaliꞌána 11:4

Roo onoꞌ, mangkaliwo wopaheꞌ, rauliꞌ, “Maroꞌa ntepuꞌu ane taꞌaró hambuaꞌ kótá, hai taꞌaró woꞌo hambuaꞌ támbi peántóꞌá to mahile hai tapamapángkáꞌ duuꞌna haweꞌ i langiꞌ. Hangaa-ngaa tabábehi noꞌonoꞌ bona tebámbári kamahilena hangaꞌtaꞌ hai bona tiꞌarakeꞌ tegááꞌ-gááꞌ i humalele duniáꞌ.”

Iunu 3:9

Babilaꞌ PUEꞌ ina mobáliki tunggáiáNa hai tiꞌara piꞌi ina mabukoꞌ, haneꞌi tiꞌarakeꞌ ina marugiꞌ.”

Matiu 3:8

Ane toꞌu-toꞌu mpuꞌu menosoꞌmokou hangko i dósámi, hangaa-ngaa nibábehi bábehiá to maroꞌa.

Lukasi 11:41

Apa to ara i kómu, hangaa-ngaa niweꞌiheꞌ tauna to meahiahiꞌ tueꞌraꞌ hangko i lalumi ntepuꞌu. Ane noꞌonoꞌ to nibábehi, ina mewaliꞌ ntepuꞌukou tauna to magasaꞌ.

Surona Pueꞌ Iesu 24:25

Paulu mampolaluita i Peliꞌ noumbá rárána tauna hangaa-ngaa manótó laluraꞌ, hai hangaa-ngaa momeeꞌheꞌ peundeꞌána laluraꞌ, láwiꞌ ina haweꞌ Alo Pehukuna Pueꞌ Ala. Kanahádina Peliꞌ laluitana Paulu iti, malááꞌ miꞌi, haneꞌi nauliꞌ, “Gáná miꞌi sieruꞌ! Peisákoꞌ mesuleꞌ! Ina kukióꞌramokoꞌ ane ara logángkuꞌ.”

Surona Pueꞌ Iesu 26:20

Onoꞌ miꞌi haneꞌi kupahaweꞌ i upu-upu tauna, hangaa-ngaa menosoꞌheꞌ hangko i dósáraꞌ hai mengkoruꞌheꞌ i Pueꞌ Ala, hai hangaa-ngaa mobábehiheꞌ apa to maroꞌa bona tongawaꞌ penosoꞌraꞌ. Rungu-runguna bámbári iti kupahaweꞌ i kótá Damasiꞌ, roo onoꞌ i Ierusale hai i humalele tampoꞌ Iudá, haneꞌi i tauna ntániꞌna to tiꞌaraheꞌ toIahudiꞌ.

Surona Pueꞌ Iesu 8:22

Menosoꞌmokoꞌ hangko i tunggáiámu to kadake iti, hai mekakaekoꞌ i Pueꞌ bona Ia moámpungi tunggáiána lalumu to kadake iti;

2 Korintu 5:11

Mewaliꞌ malááꞌangkaiꞌ mobábehi apa peá to tiꞌara hintotoꞌ hai peundeꞌána Pueꞌ, láwiꞌ kiꞌisá Ia ina mopáresáꞌ bábehiáraꞌ upu-upu tauna. Onoꞌ miꞌi haneꞌi kipári-pári mopahaweꞌ Ngkóráꞌ Marasa, bona tauna ina mepoinálái i Pueꞌ Iesu. Pueꞌ Ala moisá lalungkiꞌ. Peundeꞌángkiꞌ bona kómu upu-upu, ina niꞌisá woꞌo kabulána lalungkiꞌ.

Galatia 5:13

Tunggáiána Pueꞌ Ala mokióꞌkou halalu-halalu, bona tekábáhákou. Agáiáná ineeꞌ niuliꞌ node: “Ane tekábáhá mpuꞌukeꞌ hangko i áturá-áturá to teukiꞌ i Paturoꞌna Musa, peisákeꞌ mobábehi ba apa peá mouláꞌ peundeꞌántaꞌ.” Ngkáliꞌna riꞌi hangaa-ngaa mombepokaꞌahiꞌkou hai mombetulungikou hadua hai hadua.

Galatia 5:22

Agáiáná ane nateteꞌkeꞌ Inao to Magasaꞌ, bábehiántaꞌ node: mombepokaꞌahiꞌkeꞌ, góeꞌkeꞌ, tinda laluntaꞌ, sabaraꞌkeꞌ, maroꞌa laluntaꞌ, maroꞌa bábehiántaꞌ; tetidaꞌkeꞌ,

Galatia 5:6

Ane mohintuwuꞌkeꞌ hai Kerisitu Iesu, tiꞌara ádá petileꞌ to paraluu, agáiáná to paraluu ntepuꞌu ia miꞌi pepoinálái to tongawaꞌ i kamaꞌahiꞌtaꞌ i hángká rángántaꞌ.

Epesu 4:28

Tauna to manako, ineeꞌ wopaheꞌ manako. Rángiraꞌ mobágóꞌ matimi, bona molámbiꞌheꞌ apa to raparaluu hai peisáheꞌ woꞌo motulungi tauna ntániꞌna to tiꞌara nakaꞌarai.

1 Peturuꞌ 4:8

To melumbuꞌ hangko i upu-upuna iti, hangaa-ngaa mombepokaꞌahiꞌkou hadua hai hadua hangko i lalumi ntepuꞌu, láwiꞌ ane nibábehi noꞌonoꞌ, ina nibuku woꞌo moámpungi dósáraꞌ hángká rángámi.