Danieli 3:29 - Sura Magasaꞌ: Bahangapa sura Pototowiá to Sae hai Pototowiá to Woꞌu

²⁹ Onoꞌ miꞌi haneꞌi kupaꞌara hawaꞌ bona heáná peá hangko i upu-upu kaꞌaraꞌá, hai upu-upu roboꞌ, ba upu-upu básá, to mopakadake hangaꞌna Pueꞌ Ala to rapenómbái Sadara, Mesaꞌ hai Abeꞌnego, ina rabóhóꞌ-bóhóꞌ duuꞌraꞌ mate, hai támbina ina ragero duuꞌna maropuꞌ, láwiꞌ tiꞌara ara ala to ntániꞌna to nabuku mobábehi apa to Nabábehi i Sadara, Mesaꞌ hai Abeꞌnego.”

Danieli 3:29 Iomraidhean Croise

Danieli 1:19

Datu molaluita hai hira upu-upu, hai tongawaꞌ hangko i pehániꞌraꞌ, tiꞌara ara to hibali kamapánderaꞌ nodo Danieli, Hanaia, Misaeli hai Asaria. Hangko ionoꞌ, mantepuꞌumoheꞌ mobágóꞌ i támbi kadatuá.

Danieli 1:7

Asepena to motadulakoi támbi kadatuá, mobáliki hangaꞌraꞌ hadua-hadua: Danieli mewaliꞌ Beletasaꞌ, Hanaia mewaliꞌ Sadara, Misaeli mewaliꞌ Mesaꞌ, hai Asaria mewaliꞌ Abeꞌnego.

Danieli 2:17

Mewaliꞌ Danieli mesuleꞌ lao i támbina haneꞌi mampolaluita apa to pewaliꞌ iti i Hanaia, Misaeli, hai Asaria, hai napopaisá woꞌo kanapokanana datu pembiáꞌna.

Danieli 2:47

Molaluita miꞌi Datu Nebukanesa i Danieli, nauliꞌ, “Pueꞌ Ala to nupenómbái, Ia miꞌi Pueꞌ Ala to toꞌu hai melumbuꞌ kuasaꞌNa hangko i upu-upu to rapenómbái, hai makuasaꞌ i upu-upu datu. Nabuku mopatongawaꞌ upu-upu to tewuniángi. Upu-upuna iti kuisá láwiꞌ nubuku mopakanótó paturu hai molempónga.”

Danieli 2:49

Ánti pembiáꞌna Danieli, Datu Nebukanesa molántiꞌheꞌ woꞌo Sadara, Mesaꞌ hai Abeꞌnego bona modureiheꞌ Danieli mepárentá i kadatuá Bábeli. Agáiáná Danieli toroꞌ i támbi kadatuá mewaliꞌ topepaturoꞌna datu.

Danieli 2:5

Nahánikiheꞌ datu, nauliꞌ, “Kubutusi miꞌi, hangaa-ngaa nihángáꞌáꞌáꞌaꞌ apa óntóꞌna paturu to kupaturuá iti, hai hangaa-ngaa nihángáꞌáꞌáꞌaꞌ woꞌo apa lempóna. Ane tiꞌara nibuku molempó paturungkuꞌ, kómu ina rabóhóꞌ-bóhóꞌkou haweꞌ mate, hai támbimi ina ragero duuꞌna maropuꞌ.

Danieli 3:12

Agáiáná araheꞌ bahangapa toIahudiꞌ to napoinálái datu mampopolumao hawaꞌ i poropensi Bábeli deꞌe, iamoheꞌ Sadara, Mesaꞌ hai Abeꞌnego. Taunaheꞌ deꞌe tiꞌara mampeuláꞌi hawaꞌna datu. Tiꞌaraheꞌ woꞌo mau motóiá ánituna datu, hai tiꞌaraheꞌ menómbá i watu buláwá to napopeángkáꞌ datu.”

Danieli 3:15

Noumbá deꞌe-deꞌe ane nihádi miꞌi musi mokániꞌ, maukou menómbá ba tiꞌara? Ane tiꞌarakou mau, ina ratibekou i lalu walombo api to mahile. Ánitu apa paꞌi to nabuku mokábáhákou hangko i tae kamakuasaꞌkuꞌ?”

Danieli 3:17

Ane Pueꞌ Ala to kipenómbái Nabuku mokábáháꞌangkaiꞌ hangko i api to roreꞌ iti hai hangko i tae kamakuasaꞌmu, kaiꞌ hangaa-ngaa ina Nakábáháꞌangkaiꞌ.

Danieli 3:28

Mewaliꞌ nauliꞌ Datu Nebukanesa, “Tetóiá mpuꞌu Pueꞌ Ala to rapenómbái Sadara, Mesaꞌ hai Abeꞌnego. Ia mohuoꞌ miꞌi mai malaꞌekaNa bona mopelae hawiꞌNa to mepoinálái i Hia. Hira moliungimoheꞌ hawaꞌkuꞌ, láwiꞌ mouláꞌ pekiriraꞌ, rángiraꞌ miꞌi mate haneꞌi menómbá i ánitu, hai bateꞌ-bateꞌna Pueꞌ Alaraꞌ peá to rapenómbái.

Danieli 6:28

Ia mepelae hai metulungi. Ia nabuku mobábehi tandaꞌ kuasaꞌ i langiꞌ hai i tampoꞌ. Ia miꞌi to mokábáhá Danieli hangko i singá to handaꞌ.”