Danieli 3:12 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹² Agáiáná araheꞌ bahangapa toIahudiꞌ to napoinálái datu mampopolumao hawaꞌ i poropensi Bábeli deꞌe, iamoheꞌ Sadara, Mesaꞌ hai Abeꞌnego. Taunaheꞌ deꞌe tiꞌara mampeuláꞌi hawaꞌna datu. Tiꞌaraheꞌ woꞌo mau motóiá ánituna datu, hai tiꞌaraheꞌ menómbá i watu buláwá to napopeángkáꞌ datu.”

Danieli 3:12 Iomraidhean Croise

Eteꞌ 3:8

Hangko ionoꞌ, lao mpuꞌu miꞌi Haman mampombelámbiꞌá datu haneꞌi molaluita, nauliꞌ, “Ee, pueꞌkuꞌ datu! Mahile mpuꞌu tueꞌmu! Araheꞌ hantina tauna to mahawuꞌ i humalele kadatuána datu. Taunaheꞌ iti montaniꞌ ntepuꞌu ádáraꞌ, pelumbuꞌna miꞌi tiꞌaraheꞌ mau mampeuláꞌi áturána datu. Mewaliꞌ maroꞌa mani ane tiꞌarapoheꞌ nupatodáhi toroꞌ i kadatuámu.

Danieli 1:7

Asepena to motadulakoi támbi kadatuá, mobáliki hangaꞌraꞌ hadua-hadua: Danieli mewaliꞌ Beletasaꞌ, Hanaia mewaliꞌ Sadara, Misaeli mewaliꞌ Mesaꞌ, hai Asaria mewaliꞌ Abeꞌnego.

Danieli 2:48

Hangko ionoꞌ, Datu Nebukanesa moádái Danieli hai napoweꞌi handaꞌ párewá to maroꞌa, hai ia woꞌo molántiꞌ Danieli mewaliꞌ tadulako i poropensi Bábeli hai motadulakoi upu-upu tauna to handaꞌ pangisáraꞌ.

Danieli 2:49

Ánti pembiáꞌna Danieli, Datu Nebukanesa molántiꞌheꞌ woꞌo Sadara, Mesaꞌ hai Abeꞌnego bona modureiheꞌ Danieli mepárentá i kadatuá Bábeli. Agáiáná Danieli toroꞌ i támbi kadatuá mewaliꞌ topepaturoꞌna datu.

Danieli 3:11

Hai heáná to tiꞌara mau molingkudu menómbá, hangaa-ngaa ratibe i lalu walombo api to mahile.

Danieli 3:16

Mehániꞌheꞌ Sadara, Mesaꞌ hai Abeꞌnego i datu, rauliꞌ, “Tiꞌara ara bunduꞌna kihániki apa to nukuneꞌangkaiꞌ deꞌe.

Danieli 3:29

Onoꞌ miꞌi haneꞌi kupaꞌara hawaꞌ bona heáná peá hangko i upu-upu kaꞌaraꞌá, hai upu-upu roboꞌ, ba upu-upu básá, to mopakadake hangaꞌna Pueꞌ Ala to rapenómbái Sadara, Mesaꞌ hai Abeꞌnego, ina rabóhóꞌ-bóhóꞌ duuꞌraꞌ mate, hai támbina ina ragero duuꞌna maropuꞌ, láwiꞌ tiꞌara ara ala to ntániꞌna to nabuku mobábehi apa to Nabábehi i Sadara, Mesaꞌ hai Abeꞌnego.”

Danieli 3:30

Hangko ionoꞌ, datu mampopengkaheꞌ wopiꞌi lántiꞌraꞌ Sadara, Mesaꞌ hai Abeꞌnego mewaliꞌ to mapángkáꞌ lántiꞌraꞌ i poropensi Bábeli.

Danieli 6:13

Karaitána Danieli mekakae i Pueꞌ Alana, liliuheꞌ lao i datu. Mekuneꞌheꞌ, “Tiꞌara paꞌi datu motandaꞌ tae miꞌi sura párentá, bona tiꞌara ara haweꞌ hadua tauna rapaliu mekakae i ánitu ba i tauna, ngkáliꞌna peá i datu? Hai heáná peá to moliungi hawaꞌ iti ina ranawoꞌ i lalu balamba singá.” Nahániki datu, “Toꞌu! Iti mewaliꞌ miꞌi sura párentá to tiꞌara peisá radiiꞌ huleꞌ mouláꞌ áturá toMedia hai toPeresia.”

Danieli 6:14

Haneꞌi rapolaluita i datu, rauliꞌ, “Danieli, hadua to ratawani hangko i tampoꞌ Iudá hangkoia, tiꞌara mobiláꞌ datu, hai tiꞌara mampeuláꞌi hawaꞌna datu. Ia mekakae oaꞌ i Pueꞌ Alana tálu kánina i lalu hangaloá.”

Surona Pueꞌ Iesu 17:7

Hai Iaso deꞌe, motarimaheꞌ i lalu támbina! Hira iti to moewaꞌ hawaꞌna datuntaꞌ i Roma. Rauliꞌ kaꞌárána datu ntániꞌna to rahangaꞌ Iesu.”

Surona Pueꞌ Iesu 5:28

“Kikóntómokou iatoliu, ineeꞌkou mepaturoꞌ kana tauna iti. Peita to nibábehi! I humalele kótá Ierusale, handaꞌ tauna mampehádingi paturoꞌmi iti! Ba niuliꞌ ripaꞌi kaiꞌ to masalaꞌ i karapapatena tauna iti?”