Danieli 3:1 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹ Hangkani tempó, Datu Nebukanesa mobábehi hambuaꞌ watu penómbáꞌá hangko i buláwá. Kamapángkáꞌna rompuloꞌ hai pitu mete, hai kamapepaꞌna wátána hungkuꞌ tálu mete. Napopeángkáꞌ i lembo Dura i poropensi Bábeli.

Danieli 3:1 Iomraidhean Croise

Eteꞌ 1:1

Tempóna Ahasiwero mewaliꞌ datu i Peresia, kadatuána tegáláꞌ mewaliꞌ hangatu rompuloꞌ hai pitu poropensi, mantepuꞌu hangko i India haweꞌ i Etiopia.

Danieli 2:48

Hangko ionoꞌ, Datu Nebukanesa moádái Danieli hai napoweꞌi handaꞌ párewá to maroꞌa, hai ia woꞌo molántiꞌ Danieli mewaliꞌ tadulako i poropensi Bábeli hai motadulakoi upu-upu tauna to handaꞌ pangisáraꞌ.

Danieli 2:49

Ánti pembiáꞌna Danieli, Datu Nebukanesa molántiꞌheꞌ woꞌo Sadara, Mesaꞌ hai Abeꞌnego bona modureiheꞌ Danieli mepárentá i kadatuá Bábeli. Agáiáná Danieli toroꞌ i támbi kadatuá mewaliꞌ topepaturoꞌna datu.

Danieli 3:14

Mewaliꞌ molaluita Datu Nebukanesa, napekuneꞌ i hira, “Sadara, Mesaꞌ hai Abeꞌnego! Kuhádi tiꞌarakou mau menómbá i ánitungkuꞌ hai tiꞌarakou mau molingkudu menómbá i lindoꞌna watu penómbáꞌá to hangko i buláwá to kupopeángkáꞌ iti. Toꞌu ba tiꞌara laluita iti?

Danieli 3:30

Hangko ionoꞌ, datu mampopengkaheꞌ wopiꞌi lántiꞌraꞌ Sadara, Mesaꞌ hai Abeꞌnego mewaliꞌ to mapángkáꞌ lántiꞌraꞌ i poropensi Bábeli.

Danieli 5:23

Datu, maꞌángkáꞌmokoꞌ i lindoꞌna Pueꞌ to Makuasaꞌ i surugáꞌ. Mangku-mangku to rapakeꞌ i Támbina Pueꞌ Ala, nupopeánti mai i hio, haneꞌi datu hai upu-upu tauna to mapángkáꞌ lántiꞌraꞌ i kadatuá deꞌe, hai upu-upu toináraꞌ hai towawine to rapiaraꞌ, mainukou i mangku iti. Hai motóiákoꞌ ánitu to rabábehi peá hangko i peráꞌ, buláwá, tembaga, besiꞌ, kau hai watu. Ánitu iti tiꞌaraheꞌ peisá meita, tiꞌaraheꞌ peisá mehádi, hai tiꞌaraheꞌ woꞌo moisá apa-apa. Agáiáná Pueꞌ Ala to motibaaꞌ peinaomu hai mopakanótó rárá katueꞌmu, tiꞌara nubiláꞌ.

Danieli 5:4

Tangaꞌraꞌ mainu, motóiáheꞌ ánituraꞌ to rabábehi hangko i buláwá, peráꞌ, tembaga, besiꞌ, kau hai watu.

Surona Pueꞌ Iesu 17:29

Mewaliꞌ, ánti kakitaꞌna ánáꞌna Pueꞌ Ala, tiꞌara maroꞌa ane mopahibalikeꞌ Pueꞌ Ala hai lenggeꞌ to rabábehi hangko i buláwá ba peráꞌ ba watu, hiolaꞌ hai kapánde tauna peá.

Surona Pueꞌ Iesu 19:26

Agáiáná kehapiꞌ noꞌonoꞌ, niꞌita hai nihádi miꞌi apa to nabábehi hadua tauna to rahangaꞌ Paulu. Nauliꞌ apa to rabábehi hai tae tauna haneꞌi rapenómbái, tiꞌara ara kuasaꞌna. Ánti paturoꞌna iti, handaꞌheꞌ tauna to meuláꞌ i Paulu, hai tiꞌara peá i Epesu. I humalele poropensi Asia, bateꞌna woꞌo noꞌonoꞌ.

Pampetudeꞌá 9:20

Agáiáná pentáráꞌána tauna to tiꞌara rapapate i pepopeahiahiꞌ iti, bateꞌraꞌ peá tiꞌara mau menosoꞌ hangko i bábehiáraꞌ to kadake. Tiꞌaraheꞌ mau menosoꞌ hangko i pepapateraꞌ, pedotiraꞌ, panakoraꞌ, hai bábehiáraꞌ to metitidiꞌi. Tiꞌaraheꞌ woꞌo mokábáhá penómbáraꞌ i setáꞌ hai i lenggeꞌ ánitu kehapiꞌ to rapenómbái iti rabábehi peá haduduáraꞌ hangko i buláwá, peráꞌ, tembaga, watu, ba hangko i kau. Hai lenggeꞌ iti, tiꞌaraheꞌ meita, tiꞌaraheꞌ mehádi, hai tiꞌaraheꞌ woꞌo peisá molumao.