Danieli 2:9 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁹ Ane tiꞌara nibuku molempó paturungkuꞌ iti, ina kuhukukou upu-upu. Hai kuisá woꞌo, himpudumokou bona nidongkokiaꞌ hai nipopowadi-wadi peaꞌ, bona peisá peá kubáliki tunggáiángkuꞌ. Mewaliꞌ nipolaluita miꞌi paturungkuꞌ iti bona tongawaꞌ kaniꞌisána woꞌo lempóna.”

Danieli 2:9 Iomraidhean Croise

Eteꞌ 4:11

Tewái iti ia miꞌi: “Ara áturá to manguliꞌ, upu-upu tauna, maroꞌa tobaleilo, maroꞌa towawine, ane mesuaꞌi i lintuꞌ potarimaꞌána datu torare, agáiáná ane tiꞌarai nakióꞌ datu, hangaa-ngaa rahuku mate. Iti mewaliꞌ miꞌi hambuaꞌ hawaꞌ to tepakanótó. Mewaliꞌ upu-upu tauna, maroꞌa topobágóꞌ i kadatuá haweꞌ-haweꞌ i tauna to ara i upu-upu poropensi, moisámoheꞌ hawaꞌ iti. Hampákáꞌ peá rárá, bona tauna peisá mesuaꞌ i lintuꞌ potarimaꞌána datu torare: ane datu motudoꞌ tauna hai laiꞌ buláwána, lempóna tauna iti tiꞌara ina rapapate. Deꞌe-deꞌe hambulámoꞌ tiꞌaraꞌaꞌ nakióꞌ-kióꞌ datu.”

Danieli 2:16

Hangko ionoꞌ, lao miꞌi Danieli mampombelámbiꞌá datu, hai napembiáꞌ bona raweꞌi tempó mopahaweꞌ lempóna paturu iti.

Danieli 2:21

Io makuasaꞌ mopakanótó upu-upu tempó. Io makuasaꞌ mampopengkaroo datu, hai molántiꞌ datu. Io to moweꞌi kapánde i tauna to bukeꞌ pekiri.

Danieli 2:8

Kanahádina peá datu polaluitaraꞌ, nauliꞌ node: “Toꞌu ntepuꞌu to i pekiringkuꞌ! Nitunggái moulu-ulu tempó, láwiꞌ niꞌisá ara tunggáiángkuꞌ i kómu.

Danieli 3:15

Noumbá deꞌe-deꞌe ane nihádi miꞌi musi mokániꞌ, maukou menómbá ba tiꞌara? Ane tiꞌarakou mau, ina ratibekou i lalu walombo api to mahile. Ánitu apa paꞌi to nabuku mokábáhákou hangko i tae kamakuasaꞌkuꞌ?”

Danieli 5:28

FARSIN lempóna ragáláꞌ, láwiꞌ kadatuána datu ragáláꞌ miꞌi mewaliꞌ ronggáláꞌ hai raweꞌimoheꞌ toMedia hai toPeresia.”

Danieli 7:25

Ia ina mohuwárá laluita to mopakóiꞌ Pueꞌ Ala to i Surugáꞌ, hai ina mampopeahiahiꞌ taunána Pueꞌ Ala. Ia ina mopári-pári mobáliki áturá-áturá poagama hai alo posusaꞌáraꞌ taunána Pueꞌ Ala, hai ia ina makuasaꞌ tálu parena hantangaꞌ.

2 Korintu 2:17

Láwiꞌ kaiꞌ, tiꞌaraꞌangkaiꞌ nodo tauna to mampeliꞌ peá porasiꞌáraꞌ hangko i popahaweꞌraꞌ ngkóráꞌna Pueꞌ. Ngkáliꞌna riꞌi, láwiꞌ kiꞌisá Pueꞌ Ala to mopileꞌiangkaiꞌ mampopolumao bágóꞌNa, hai Ia mampeita pobágóꞌkiꞌ iti, onoꞌ miꞌi haneꞌi kipahaweꞌ ngkóráꞌna Pueꞌ hangko i lalungkiꞌ ntepuꞌu ánti pohintuwuꞌkiꞌ hai Kerisitu.