Danieli 2:48 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁴⁸ Hangko ionoꞌ, Datu Nebukanesa moádái Danieli hai napoweꞌi handaꞌ párewá to maroꞌa, hai ia woꞌo molántiꞌ Danieli mewaliꞌ tadulako i poropensi Bábeli hai motadulakoi upu-upu tauna to handaꞌ pangisáraꞌ.

Danieli 2:48 Iomraidhean Croise

Danieli 2:6

Agáiáná ane niꞌisá paturungkuꞌ, hai niꞌisá woꞌo lempóna, ina kuweꞌikou parasee to maroꞌa ntepuꞌu hai mababe, hai ina kupomahilekou i kadatuá deꞌe. Mewaliꞌ deꞌe-deꞌe nihángáꞌáꞌámoꞌ apa óntóꞌna paturungkuꞌ iti hai apa lempóna.”

Danieli 3:1

Hangkani tempó, Datu Nebukanesa mobábehi hambuaꞌ watu penómbáꞌá hangko i buláwá. Kamapángkáꞌna rompuloꞌ hai pitu mete, hai kamapepaꞌna wátána hungkuꞌ tálu mete. Napopeángkáꞌ i lembo Dura i poropensi Bábeli.

Danieli 3:12

Agáiáná araheꞌ bahangapa toIahudiꞌ to napoinálái datu mampopolumao hawaꞌ i poropensi Bábeli deꞌe, iamoheꞌ Sadara, Mesaꞌ hai Abeꞌnego. Taunaheꞌ deꞌe tiꞌara mampeuláꞌi hawaꞌna datu. Tiꞌaraheꞌ woꞌo mau motóiá ánituna datu, hai tiꞌaraheꞌ menómbá i watu buláwá to napopeángkáꞌ datu.”

Danieli 3:30

Hangko ionoꞌ, datu mampopengkaheꞌ wopiꞌi lántiꞌraꞌ Sadara, Mesaꞌ hai Abeꞌnego mewaliꞌ to mapángkáꞌ lántiꞌraꞌ i poropensi Bábeli.

Danieli 4:6

Hangko ionoꞌ, kupehawaꞌá bona upu-upu tauna to handaꞌ pangisáraꞌ to ara i Bábeli raꞌántiheꞌ mai i kódóꞌ, bona rapakanótóáꞌaꞌ lempóna paturungkuꞌ.

Danieli 4:9

Kuꞌuliꞌ node: “Ee Beletasaꞌ, tadulako tauna to handaꞌ pangisáraꞌ! Kuisá io nateteꞌkoꞌ kuasaꞌ to magasaꞌ, onoꞌ miꞌi haneꞌi upu-upu to tewuniángi tiꞌara nupomapári mopatongawaꞌ! Mewaliꞌ ina kupolaluita i hio apa to kuita i lalu paturungkuꞌ, hai nuhángáꞌáꞌáꞌaꞌ lempóna.

Danieli 5:11

I lalu kadatuá deꞌe, ara hadua tauna to naporángá oaꞌ kuasaꞌ to magasaꞌ! I tempóna pueꞌmu mepárentá hangkoia, tauna iti tongawaꞌ ntepuꞌu kamanótóna laluna hai kamapándena nodo kamapánderaꞌ ánitu. Datu Nebukanesa pueꞌmu, moángkáꞌ tauna iti mewaliꞌ tadulakoraꞌ upu-upu tauna to handaꞌ pangisáraꞌ, topebao, hai tauna to moisá mampeita betue.

Danieli 5:16

Agáiáná kuhádi miꞌi mokana i hio. Nubuku mopatongawaꞌ upu-upu to tewuniángi, hai nuisá mopakanótó lempóna apa to maꞌángkárá rapekiri. Mewaliꞌ, ane nubuku mobásá ukiꞌ iti, hai nuhángáꞌáꞌáꞌaꞌ woꞌo lempóna, ina kuweꞌikoꞌ badu kadatuá to rabábehi hangko i báná to makámumu, hai awóló rante to hangko i buláwá, hai ina kuángkáꞌkoꞌ mewaliꞌ topopárentá to katálu hangko i kódóꞌ.”

Danieli 5:29

Mewaliꞌ hawiáꞌ miꞌi Datu Belesasa mopárentái topobágóꞌna bona mobadui Danieli hai kumbá to malóe to rabábehi hangko i báná to makámumu, hai raꞌáwólói rante buláwá. Hai napahaweꞌ miꞌi datu i tauna to handaꞌ kamoángkáꞌna miꞌi Danieli mewaliꞌ tauna to katálu mepárentá hangko i datu.

Danieli 5:7

Onoꞌ miꞌi haneꞌi ia molaluita napasimbuku bona upu-upu tauna to handaꞌ pangisáraꞌ, topebao hai upu-upu tauna to moisá mampeita betue, raꞌánti lao i hia. I kahaweꞌraꞌ peá, molaluita miꞌi datu, nauliꞌ, “Heáná peá to moisá mobásá ukiꞌ iti hai mopahaweꞌ lempóna, ina kuweꞌi kumbá kadatuá to makámumu, hai awóló rante to hangko i buláwá, tandaꞌ pebiláꞌkuꞌ i hia. Hai ina kuángkáꞌ mewaliꞌ tauna to katálu mepárentá hangko i datu.”

Danieli 8:27

Karoongkuꞌ molámbiꞌ pampetudeꞌá moliu paturungkuꞌ, kódóꞌ Danieli maledeꞌ ntepuꞌuaꞌ hai tiꞌara kulalu bahanoumbá alona kamaruena. I kakulaluna miꞌi, timama wopaꞌaꞌ mampopolumao bágóꞌ to nahawaꞌiáꞌaꞌ Datu Belesasa, agáiáná masusa oaꞌ lalungkuꞌ mampekiri apa lempóna pampetudeꞌá iti.