Danieli 2:47 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁴⁷ Molaluita miꞌi Datu Nebukanesa i Danieli, nauliꞌ, “Pueꞌ Ala to nupenómbái, Ia miꞌi Pueꞌ Ala to toꞌu hai melumbuꞌ kuasaꞌNa hangko i upu-upu to rapenómbái, hai makuasaꞌ i upu-upu datu. Nabuku mopatongawaꞌ upu-upu to tewuniángi. Upu-upuna iti kuisá láwiꞌ nubuku mopakanótó paturu hai molempónga.”

Danieli 2:47 Iomraidhean Croise

Pewaliꞌána 41:39

Hangko ionoꞌ, nauliꞌ Piraoꞌ i Iusupu, “Láwiꞌ Pueꞌ Ala to mampopaisá upu-upuna iti i hio, tongawaꞌ io to mapánde hai bukeꞌ timbá hangko i tauna ntániꞌna.

Danieli 11:36

Malaꞌeka mopaliliu polaluitana, nauliꞌ, “Datu hangko tándáꞌ i wongko iti ina mampeuláꞌi peá peundeꞌána haduduána. Ánti kamaꞌángkáꞌna, ina nauliꞌ ia melumbuꞌ hangko i hinángkáꞌna ánitu to ara, hai ina mohuwárá woꞌo laluita to tiꞌara hintotoꞌ mokana i Pueꞌ Ala to melumbuꞌ kuasaꞌNa hangko i upu-upu to rapenómbái. Upu-upuna iti ina nabábehi duuꞌna hópóꞌ tempó kamabukoꞌna Pueꞌ Ala, láwiꞌ upu-upu to napakanótó miꞌi Pueꞌ Ala bateꞌna ina mewaliꞌ.

Danieli 2:19

Káindi iti woꞌo moliu pampetudeꞌá, Pueꞌ Ala mopahaweꞌ apa to tewuniángi iti i Danieli. Mewaliꞌ Danieli motóiá Pueꞌ Ala to ara i surugáꞌ,

Danieli 2:22

Io miꞌi to mopatongawaꞌ upu-upu to tiꞌara tongawaꞌ hai mowungkeꞌ upu-upu to tewuniángi. Nuisá upu-upu to ara i kakáindiána, hai tueꞌKoꞌ i kamabaaꞌána.

Danieli 2:28

Agáiáná Pueꞌ Ala to ara i surugáꞌ, Ia miꞌi to mopatongawaꞌ hinángkáꞌ to tewuniángi. Ia mopahaweꞌ miꞌi i Datu Nebukanesa apa to ina mewaliꞌ i alo to ina haweꞌ. Deꞌe miꞌi paturu hai hinángkáꞌ to naita datu i tempóna datu letaꞌ i paturuá:

Danieli 2:29

Tempóna datu maturu-turu, mampekirikoꞌ mokana i apa to ina mewaliꞌ i alo to ina haweꞌ, hai Pueꞌ Ala mopatongawaꞌ pampetudeꞌá moliu paturu. Pueꞌ Ala to mopatongawaꞌ hinángkáꞌ to tewuniángi, hai Ia to mampopaitaꞌá miꞌi datu apa to ina mewaliꞌ.

Danieli 2:30

Upu-upu to tewuniángi iti rahángáꞌáꞌámoꞌ, tiꞌara riꞌi láwiꞌ hawiꞌmu deꞌe to melumbuꞌ kamapándena hangko i tauna ntániꞌna, ngkáliꞌna riꞌi bona naisá datu lempóna paturu, hai bona naisá woꞌo datu apa to ara i lalu pekirina datu.

Danieli 2:37

Datu to kubiláꞌ, to makuasaꞌ hangko i upu-upu datu. Pueꞌ Ala to ara i surugáꞌ mampopewaliꞌmokoꞌ datu, hai mampoweꞌimokoꞌ kuasaꞌ, kamaróhó hai kameawaꞌ.

Danieli 3:15

Noumbá deꞌe-deꞌe ane nihádi miꞌi musi mokániꞌ, maukou menómbá ba tiꞌara? Ane tiꞌarakou mau, ina ratibekou i lalu walombo api to mahile. Ánitu apa paꞌi to nabuku mokábáhákou hangko i tae kamakuasaꞌkuꞌ?”

Danieli 3:28

Mewaliꞌ nauliꞌ Datu Nebukanesa, “Tetóiá mpuꞌu Pueꞌ Ala to rapenómbái Sadara, Mesaꞌ hai Abeꞌnego. Ia mohuoꞌ miꞌi mai malaꞌekaNa bona mopelae hawiꞌNa to mepoinálái i Hia. Hira moliungimoheꞌ hawaꞌkuꞌ, láwiꞌ mouláꞌ pekiriraꞌ, rángiraꞌ miꞌi mate haneꞌi menómbá i ánitu, hai bateꞌ-bateꞌna Pueꞌ Alaraꞌ peá to rapenómbái.

Danieli 3:29

Onoꞌ miꞌi haneꞌi kupaꞌara hawaꞌ bona heáná peá hangko i upu-upu kaꞌaraꞌá, hai upu-upu roboꞌ, ba upu-upu básá, to mopakadake hangaꞌna Pueꞌ Ala to rapenómbái Sadara, Mesaꞌ hai Abeꞌnego, ina rabóhóꞌ-bóhóꞌ duuꞌraꞌ mate, hai támbina ina ragero duuꞌna maropuꞌ, láwiꞌ tiꞌara ara ala to ntániꞌna to nabuku mobábehi apa to Nabábehi i Sadara, Mesaꞌ hai Abeꞌnego.”

Danieli 4:17

Hawaꞌ deꞌe kabotuꞌángkiꞌ sangkani, kaiꞌ malaꞌeka to mekámpái. Tunggáiángkiꞌ bona upu-upu tauna mopangákuꞌ kaPueꞌ Alana to i Surugáꞌ to mokuasaꞌi kadatuá tauna, hai kadatuá iti peisá Napeweꞌi i heáná peá tauna to Napokana, tepasuaꞌ i tauna to i wóiꞌ tueꞌna.’

Danieli 4:25

Datu ina rawura hangko i oloꞌraꞌ tauna, hai datu ina roo i oloꞌraꞌ binataꞌ i pádá. Datu ina mandeꞌ rumpuꞌ nodo gapiꞌ, hai ina maturu i pádá, álána ina naloeꞌi namu to hangko i langiꞌ. Iti ina mewaliꞌ pitu parena kamaruena, duuꞌna datu mopangákuꞌ Pueꞌ Ala to i Surugáꞌ peá to makuasaꞌ i kadatuá tauna, hai to mampeweꞌi kadatuá iti i tauna to Napileꞌi.

Danieli 4:32

Io ina rawurakoꞌ hangko i oloꞌraꞌ tauna, hai ina tueꞌkoꞌ hingkakani hai binataꞌ i pádá. I lalu pitu parena kamaruena, ina mandeꞌkoꞌ rumpuꞌ nodo gapiꞌ. Iti miꞌi to ina mewaliꞌ i hio duuꞌmu mopangákuꞌ Pueꞌ Ala to i Surugáꞌ to makuasaꞌ i kadatuá tauna, hai kadatuá iti peisá Napeweꞌi i heáná peá to Napileꞌi!”

Danieli 5:11

I lalu kadatuá deꞌe, ara hadua tauna to naporángá oaꞌ kuasaꞌ to magasaꞌ! I tempóna pueꞌmu mepárentá hangkoia, tauna iti tongawaꞌ ntepuꞌu kamanótóna laluna hai kamapándena nodo kamapánderaꞌ ánitu. Datu Nebukanesa pueꞌmu, moángkáꞌ tauna iti mewaliꞌ tadulakoraꞌ upu-upu tauna to handaꞌ pangisáraꞌ, topebao, hai tauna to moisá mampeita betue.

1 Korintu 14:25

hai upu-upu to tewuniángi i laluna ina tebungkáhi. Kahópóꞌána, ia ina molingkudu menómbá i Pueꞌ Ala, haneꞌi manguliꞌ, “Toꞌu ntepuꞌu Pueꞌ Ala ara i oloꞌmi!”

1 Timotiu 6:15

Tempó kahaweꞌáNa huleꞌ iti ina mewaliꞌ i tempó to napakanótó miꞌi Pueꞌ Ala mouláꞌ peundeꞌáNa haduduáNa. Bateꞌna peá Ia to makuasaꞌ hai hintotoꞌ ratóiá. Ia miꞌi Datu to melumbuꞌ kamakuasaꞌNa hangko i upu-upu datu, Ia miꞌi Pueꞌ to melumbuꞌ kamakuasaꞌNa hangko i upu-upu pueꞌ.

Pampetudeꞌá 1:5

hai hangko i Iesu Kerisitu to rungu-runguna rapopearó hangko i oloꞌraꞌ tauna to mate. Iesu Kerisitu ia miꞌi Sabiꞌ to manguliꞌ oaꞌ apa to toꞌu, hai Ia miꞌi Tadulako to mopárentái upu-upu datu i duniáꞌ. Iesu mampokaꞌahiꞌkeꞌ, hai mampehuhuꞌá wátáNa rapapate bona tekábáhákeꞌ hangko i dósá,

Pampetudeꞌá 17:14

Ina mampombealaꞌáheꞌ Iesu to rapándiriꞌ nodo Ánáꞌ Dimbá. Agáiáná Ánáꞌ Dimbá ina monangiheꞌ, láwiꞌ ia miꞌi Pueꞌ to melumbuꞌ kamakuasaꞌNa hangko i upu-upu pueꞌ, hai Datu to melumbuꞌ kamakuasaꞌNa hangko i upu-upu datu. Ánáꞌ Dimbá iti ina raporángá taunáNa to Nakióꞌ hai Napileꞌi, to meuláꞌheꞌ oaꞌ i Hia.”

Pampetudeꞌá 19:16

I kumbáNa tándáꞌ i páꞌáNa teukiꞌ hambuaꞌ hangaꞌ: “Datu to Melumbuꞌ Kamakuasaꞌna Hangko i Upu-Upu Datu, Pueꞌ to Melumbuꞌ Kamakuasaꞌna Hangko i Upu-Upu Pueꞌ.”