Danieli 2:45 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁴⁵ Nodo miꞌi to naita datu, tiꞌara ara haweꞌ hadua tauna to mohungkiꞌ mai watu hangko i buluꞌ haneꞌi morupuꞌ besiꞌ, tembaga, tampoꞌ pólóꞌ, peráꞌ hai buláwá. Pueꞌ Ala to makuasaꞌ mopahaweꞌ miꞌi i datu apa to ina mewaliꞌ i alo to ina haweꞌ. Paturu iti peisá rapoinálái hai toꞌu lempóna.”

Danieli 2:45 Iomraidhean Croise

Pewaliꞌána 41:26

Pitu báꞌána gapiꞌ to maruduꞌ hai pitu wulina pare to moꞌóntóꞌ, lempóna pitu parena ina maroꞌa katueꞌraꞌ tauna; rompákáꞌ iti hibali peá lempóna.

Pewaliꞌána 41:28

Deꞌe miꞌi to kupahaweꞌ i hio Piraoꞌ, láwiꞌ Pueꞌ Ala mopatongawaꞌ miꞌi i pueꞌkuꞌ Piraoꞌ apa to ina Nabábehi.

Pewaliꞌána 41:32

Rongkani miꞌi pueꞌkuꞌ Piraoꞌ mampaturuá. Lempóna, Pueꞌ Ala mopakanótó miꞌi peundeꞌáNa, hai kawiáꞌ kaꞌina Nabábehina.

Danieli 2:24

Hangko ionoꞌ, lao miꞌi Danieli i Ario to napohawaꞌá miꞌi datu ina mopatuna tauna to handaꞌ pangisáraꞌ i Bábeli. Molaluita miꞌi Danieli i Ario, nauliꞌ, “Tauna to handaꞌ pangisáraꞌ i Bábeli, ineeꞌheꞌ nupatuna! Nuántimoꞌ lao i datu bona kupahaweꞌ lempóna paturuna iti.”

Danieli 2:28

Agáiáná Pueꞌ Ala to ara i surugáꞌ, Ia miꞌi to mopatongawaꞌ hinángkáꞌ to tewuniángi. Ia mopahaweꞌ miꞌi i Datu Nebukanesa apa to ina mewaliꞌ i alo to ina haweꞌ. Deꞌe miꞌi paturu hai hinángkáꞌ to naita datu i tempóna datu letaꞌ i paturuá:

Danieli 2:29

Tempóna datu maturu-turu, mampekirikoꞌ mokana i apa to ina mewaliꞌ i alo to ina haweꞌ, hai Pueꞌ Ala mopatongawaꞌ pampetudeꞌá moliu paturu. Pueꞌ Ala to mopatongawaꞌ hinángkáꞌ to tewuniángi, hai Ia to mampopaitaꞌá miꞌi datu apa to ina mewaliꞌ.

Danieli 2:44

I tempóna kadatuá to kaꞌiba mokuasaꞌi duniáꞌ, Pueꞌ Ala to ara i surugáꞌ ina moaró hambuaꞌ kadatuá to tiꞌara ina magero haweꞌ i rue-ruena. Kamaróhóna hai peawaꞌna tiꞌara ina melimbá i kadatuá to ntániꞌna. Kadatuá iti ina mogero hai mopatuna hinángkáꞌ kadatuá to ntániꞌna.

Danieli 8:25

Ánti kamapándena meákálángi, handaꞌ tauna to tiꞌara mosangka-sangka kaꞌina napapateraꞌ. Apa peá to nabábehi hangaa-ngaa mewaliꞌ, onoꞌ miꞌi haneꞌi ia ina mewaliꞌ maꞌángkáꞌ ntepuꞌu, hai ina pebáiꞌ moewaꞌ Pueꞌ Ala, Datu to melumbuꞌ kamakuasaꞌNa hangko i upu-upu datu. Agáiáná ina haweꞌ tempóna datu iti ina manangi, agáiáná tiꞌara tauna to ina monangi.

Matiu 21:24

Nahániki Iesu, “Ara woꞌo hampákáꞌ pekuneꞌKuꞌ i kómu. Ane nihánikiAꞌ, hangko Kuhángáꞌárakou kaheánána to mampoweꞌiAꞌ kuasaꞌ mobábehi upu-upuna iti.

Matiu 24:35

Langiꞌ hai duniáꞌ ina magero, agáiáná laluitaNgkuꞌ bateꞌna ina ara oaꞌ haweꞌ i rue-ruena.”

Lukasi 17:20

Bahangapa toParisi mekuneꞌheꞌ i Iesu, ba impirái kaꞌina haweꞌna popárentána Pueꞌ Ala i duniáꞌ. Nahániki Iesu, “Tiꞌara ara tandaꞌ-tandaꞌ to peisá raita tauna i kahaweꞌna popárentána Pueꞌ Ala i duniáꞌ.

Pampetudeꞌá 1:19

Mewaliꞌ, deꞌe-deꞌe hangaa-ngaa nuꞌukiꞌ apa to nuita ininá, apa to mewaliꞌ i tempó deꞌe, hai apa to ina mewaliꞌ upu deꞌe.

Pampetudeꞌá 19:17

Roo onoꞌ, kuita hadua malaꞌeka to meángkáꞌ i alo. Malaꞌeka iti mokióꞌheꞌ upu-upu tádáhi to membara-mbara i laerawa, nauliꞌ napasimbuku, “Maimokou i posusa mahile to napaꞌara Pueꞌ Ala.

Pampetudeꞌá 4:1

Roo onoꞌ, ara wopiꞌi pampetudeꞌá to kuita. Kódóꞌ Iohane moitaꞌaꞌ babaꞌ to tebungkáhi i surugáꞌ, hai kuhádi wopiꞌi wambaꞌ nodo to kuhádi rungu-runguna. Pokániꞌna nodo tamburuꞌ. Molaluita, nauliꞌ, “Mengkaheꞌmokoꞌ mai! Ina Kutudeꞌákoꞌ apa to hangaa-ngaa mewaliꞌ i alo to ina haweꞌ.”