Danieli 2:44 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁴⁴ I tempóna kadatuá to kaꞌiba mokuasaꞌi duniáꞌ, Pueꞌ Ala to ara i surugáꞌ ina moaró hambuaꞌ kadatuá to tiꞌara ina magero haweꞌ i rue-ruena. Kamaróhóna hai peawaꞌna tiꞌara ina melimbá i kadatuá to ntániꞌna. Kadatuá iti ina mogero hai mopatuna hinángkáꞌ kadatuá to ntániꞌna.

Danieli 2:44 Iomraidhean Croise

Pewaliꞌána 49:10

Iudá ina motibaaꞌ laiꞌ kadatuá, hai pemuleꞌána ina mepárentá oaꞌ duuꞌna haweꞌ hadua to hintotoꞌ ntepuꞌu mepárentá. Tauna hangko i upu-upu kadatuá ina moánti popenómbáraꞌ i hia, hai ina motóngkóꞌheꞌ hai mengkoruꞌheꞌ i lindoꞌna.

Danieli 2:28

Agáiáná Pueꞌ Ala to ara i surugáꞌ, Ia miꞌi to mopatongawaꞌ hinángkáꞌ to tewuniángi. Ia mopahaweꞌ miꞌi i Datu Nebukanesa apa to ina mewaliꞌ i alo to ina haweꞌ. Deꞌe miꞌi paturu hai hinángkáꞌ to naita datu i tempóna datu letaꞌ i paturuá:

Danieli 2:34

Tangaꞌna napeita datu, iaperái tehungkiꞌ mai hambuaꞌ watu hangko i pingke, to tiꞌaranto nahungkiꞌ tauna, lao morokaꞌ bitina watutauna iti to rabábehi hangko i besiꞌ hai tampoꞌ pólóꞌ, onoꞌ haneꞌi marupuꞌ.

Danieli 2:35

Mewaliꞌ besiꞌ, tampoꞌ pólóꞌ, tembaga hai buláwá hangkani lao marupuꞌ nodo awu to nahimbáróka wui i tempó alo, to membara duuꞌna tiꞌara ara to mentárá. Agáiáná watu to morokaꞌ watutauna iti, kalao-lao mewaliꞌ buluꞌ to mahile hai mobukeki duniáꞌ.

Danieli 2:37

Datu to kubiláꞌ, to makuasaꞌ hangko i upu-upu datu. Pueꞌ Ala to ara i surugáꞌ mampopewaliꞌmokoꞌ datu, hai mampoweꞌimokoꞌ kuasaꞌ, kamaróhó hai kameawaꞌ.

Danieli 2:43

Nodo miꞌi to naita datu, besiꞌ to mogalo hai tampoꞌ pólóꞌ iti molempónga kadatuá iti ina mopaꞌara pohintuwuꞌ moliu pohamboko. Agáiáná kehapiꞌ miꞌi noꞌonoꞌ, pohintuwuꞌraꞌ tiꞌara woꞌo ina mantaha, nodo besiꞌ tiꞌara peisá mogalo hai tampoꞌ pólóꞌ.

Danieli 4:3

Metingkáráki ntepuꞌu tandaꞌ-tandaꞌ to Nabábehi, hai mehelei ntepuꞌu tandaꞌ kuasaꞌ to Nabábehi! KadatuáNa ia miꞌi kadatuá to tiꞌara mokahópóꞌá, hai popárentáNa ina ara oaꞌ haweꞌ i rue-ruena!

Danieli 4:34

Kaliuna peá tempó to tepakanótó, ia miꞌi pitu parena, kódóꞌ Nebukanesa mengoaꞌaꞌ i langiꞌ, hai pekiringkuꞌ manótó miꞌi huleꞌ. Hangko ionoꞌ, kutóiá Pueꞌ Ala to i Surugáꞌ, hai kupomahile hangaꞌna Ia to Tueꞌ Haweꞌ i Rue-ruena, kuꞌuliꞌ: Pueꞌ Ala to mewaliꞌ datu haweꞌ i rue-ruena. KamakuasaꞌNa hai popárentáNa tiꞌara mokahópóꞌá.

Danieli 6:26

Roo onoꞌ, Datu Dáriu mopakatu sura i upu-upu roboꞌ hai i upu-upu pueꞌ básá i humalele tampoꞌ to nakuasaꞌi. Óntóꞌna sura node: “Tabeá. Hampóáꞌworia ina mantámbái kamaroꞌana katueꞌmi.

Danieli 6:27

Bona niꞌisá: kuweꞌikou párentá. Upu-upu tauna i humalele kadatuángkuꞌ hangaa-ngaa mengkoruꞌ hai mobiláꞌ Pueꞌ Ala to napenómbái Danieli, láwiꞌ Ia miꞌi Pueꞌ Ala to tueꞌ haweꞌ i rue-ruena, hai popárentáNa tiꞌara ina tuna, kuasaꞌNa tiꞌara ina mokahópóꞌá.

Danieli 7:27

Upu-upu kadatuá hai kamakuasaꞌ i duniáꞌ ina napeweꞌi Pueꞌ Ala to i Surugáꞌ i taunáNa, hai kamakuasaꞌraꞌ mepárentá tiꞌara ina mokahópóꞌá. Upu-upu to makuasaꞌ to ara i duniáꞌ ina mampeuláꞌi hawaꞌraꞌ.”

Danieli 8:25

Ánti kamapándena meákálángi, handaꞌ tauna to tiꞌara mosangka-sangka kaꞌina napapateraꞌ. Apa peá to nabábehi hangaa-ngaa mewaliꞌ, onoꞌ miꞌi haneꞌi ia ina mewaliꞌ maꞌángkáꞌ ntepuꞌu, hai ina pebáiꞌ moewaꞌ Pueꞌ Ala, Datu to melumbuꞌ kamakuasaꞌNa hangko i upu-upu datu. Agáiáná ina haweꞌ tempóna datu iti ina manangi, agáiáná tiꞌara tauna to ina monangi.

Matiu 28:18

Nahungkukiheꞌ Iesu, haneꞌi Nahángáꞌáheꞌ, “Upu-upu kuasaꞌ i surugáꞌ hai i duniáꞌ naweꞌiMoꞌ Pueꞌ Ala.

Iohane 12:34

Rauliꞌ tauna to handaꞌ, “I lalu Sura Magasaꞌ kibásá: Datu Topehómpóꞌ tueꞌ duuꞌna i rue-ruena. Moapa riꞌi haneꞌi Nuꞌuliꞌ Ánáꞌ Mánusiá hangaa-ngaa rapamapángkáꞌ i kau mombehape? Ánáꞌ Mánusiá to noumbá to Nutunggái?”

Iberani 12:28

Mewaliꞌ halalu-halalu, ánti kaꞌina molámbiꞌtaꞌ gáláꞌtaꞌ i lalu popárentána Pueꞌ Ala to tiꞌara peisá raenggo, onoꞌ miꞌi haneꞌi hangaa-ngaa tauliꞌ handaꞌ kamaroꞌana i Pueꞌ Ala, hai hangaa-ngaa menómbá mpuꞌukeꞌ i Hia mouláꞌ peundeꞌáNa. Hangaa-ngaa tabiláꞌ hai tapengkoruꞌi ntepuꞌu,

Pampetudeꞌá 11:15

Malaꞌeka to kapitu motawueꞌ tamburuꞌna, hai araheꞌ to molaluita rapasimbuku i lalu surugáꞌ, rauliꞌ: “Deꞌe-deꞌe, upu-upu kadatuá i duniáꞌ napárentá miꞌi Pueꞌ Ala Pueꞌtaꞌ, hingkakani hai Ia to Napileꞌi miꞌi mewaliꞌ Datu Topehómpóꞌ, bona mepárentá duuꞌna i rue-ruena.”