Danieli 2:39 - Sura Magasaꞌ: Bahangapa sura Pototowiá to Sae hai Pototowiá to Woꞌu

³⁹ Agáiáná ane hópóꞌ miꞌi kamakuasaꞌna datu, ina ara hambuaꞌ kadatuá to ntániꞌna to tiꞌara hibali kamakuasaꞌna hai kamakuasaꞌna datu. Hangko ionoꞌ, ina meusungi wopiꞌi kadatuá to katálu to rapándiriꞌ hai tembaga. Kadatuá iti ina makuasaꞌ ntepuꞌu i duniáꞌ.

Danieli 2:39 Iomraidhean Croise

Danieli 10:20

Mewaliꞌ nauliꞌ wopiꞌi, “Ba nuisá tunggáiángkuꞌ haneꞌiaꞌ mai i hio? Tiꞌara marue ina mesuleꞌaꞌ huleꞌ lao mampombealaꞌá malaꞌeka to mokámpái Peresia. Hai ane upu miꞌi, malaꞌeka to mokámpái tampoꞌ Iunani ina haweꞌ.

Danieli 2:32

Wuáꞌna rabábehi hangko i buláwá to magasaꞌ ntepuꞌu, pondána hai taena rabábehi hangko i peráꞌ, taꞌina hai páꞌána rabábehi hangko i tembaga,

Danieli 2:38

Pueꞌ Ala woꞌo to mampopewalikoꞌ to makuasaꞌ bona mokuasaꞌikoꞌ upu-upu tauna hai hinángkáꞌ to tueꞌ i duniáꞌ deꞌe. To natunggái hai wuáꞌ buláwá i watutauna iti, ia miꞌi datu.

Danieli 2:40

Hangko ionoꞌ, ina ara wopiꞌi hambuaꞌ kadatuá to kaꞌiba. Kamaróhóna hibali hai besiꞌ. Nodo besiꞌ moropuꞌ hai mogero, noꞌonoꞌ woꞌo kadatuá iti ina mogero hai mopamarupuꞌ upu-upu kadatuá to ntániꞌna.

Danieli 7:23

Mewaliꞌ tauna iti mohánikiaꞌ node: “Binataꞌ to kaꞌiba iti ia miꞌi kadatuá to kaꞌiba to ina mokuasaꞌi humalele duniáꞌ. Kadatuá iti ina montaniꞌ hangko i kadatuá to ntániꞌna. Ina moropuꞌ upu-upu óntóꞌ duniáꞌ, hai pelábiána ina napopeahiahiꞌheꞌ hai nagero.

Danieli 8:20

Mokana dimbá to nuita iti to motánduꞌ rombuaꞌ, molempónga rodua datu, ia miꞌi daturaꞌ toMedia hai daturaꞌ toPeresia.

Danieli 8:21

Bekeꞌ laki iti, molempónga kadatuá Iunani, hai tánduꞌ to mahile to tueꞌ i hiliꞌ mátána, molempónga datu to rungu-runguna i kadatuá iti.