Danieli 2:34 - Sura Magasaꞌ: Bahangapa sura Pototowiá to Sae hai Pototowiá to Woꞌu

³⁴ Tangaꞌna napeita datu, iaperái tehungkiꞌ mai hambuaꞌ watu hangko i pingke, to tiꞌaranto nahungkiꞌ tauna, lao morokaꞌ bitina watutauna iti to rabábehi hangko i besiꞌ hai tampoꞌ pólóꞌ, onoꞌ haneꞌi marupuꞌ.

Danieli 2:34 Iomraidhean Croise

Danieli 2:33

bitina hangko i besiꞌ, hai karaweꞌ bitina hanggááꞌ hangko i besiꞌ hai to hanggááꞌ woꞌo hangko i tampoꞌ pólóꞌ.

Danieli 7:27

Upu-upu kadatuá hai kamakuasaꞌ i duniáꞌ ina napeweꞌi Pueꞌ Ala to i Surugáꞌ i taunáNa, hai kamakuasaꞌraꞌ mepárentá tiꞌara ina mokahópóꞌá. Upu-upu to makuasaꞌ to ara i duniáꞌ ina mampeuláꞌi hawaꞌraꞌ.”

Danieli 8:25

Ánti kamapándena meákálángi, handaꞌ tauna to tiꞌara mosangka-sangka kaꞌina napapateraꞌ. Apa peá to nabábehi hangaa-ngaa mewaliꞌ, onoꞌ miꞌi haneꞌi ia ina mewaliꞌ maꞌángkáꞌ ntepuꞌu, hai ina pebáiꞌ moewaꞌ Pueꞌ Ala, Datu to melumbuꞌ kamakuasaꞌNa hangko i upu-upu datu. Agáiáná ina haweꞌ tempóna datu iti ina manangi, agáiáná tiꞌara tauna to ina monangi.

Matiu 16:18

Mewaliꞌ, io miꞌi Peturuꞌ, to ralempónga ‘watu.’ Hai i wongko watu deꞌe ina Kupahirámpu upu-upu tauna to mepoinálái i Kódóꞌ. Hai kuasaꞌ kapate tiꞌara peisá monangiheꞌ.

Iohane 1:13

Mewaliꞌheꞌ ánáꞌna Pueꞌ Ala tiꞌara ánti toioruraꞌ, ba ánti pohambokona tauna, ba ánti peundeꞌáraꞌ tauna. Bateꞌna peá Pueꞌ Ala to mampopewaliꞌheꞌ ánáꞌNa.

Surona Pueꞌ Iesu 4:11

Ia miꞌi to natunggái i lalu Sura Magasaꞌ to manguliꞌ node: ‘Watu to ratibe topoaró támbi, mole watu onoꞌ riꞌi to mewaliꞌ pehodaꞌá támbi.’ ” (Sura Petóiá 118:22) Hai kómu miꞌi to rapándiriꞌ nodo topoaró támbi iti.

2 Korintu 5:1

Wátántaꞌ i duniáꞌ deꞌe peisá rapándiriꞌ nodo bambaruꞌ. Hai taisá, ane bambaruꞌtaꞌ deꞌe ragero, lempóna: ane matekeꞌ, Pueꞌ Ala ina mopatimamaꞌákeꞌ hambuaꞌ támbi i surugáꞌ to tiꞌara rabábehi tauna hai to tiꞌara ina mokahópóꞌá, lempóna: wátántaꞌ to woꞌu.

Iberani 9:24

Láwiꞌ támbi penómbáꞌá to napesuaꞌi Kerisitu, tiꞌara támbi to rabábehi tauna to rapahibali peá hai to i surugáꞌ, ngkáliꞌna riꞌi, támbi penómbáꞌá to napesuaꞌi Kerisitu ia miꞌi surugáꞌ. Hai deꞌe-deꞌe, Ia motangaꞌ-tangaꞌikeꞌ i lindoꞌna Pueꞌ Ala.

1 Peturuꞌ 2:7

I kómu to mepoinálái, watu iti mahile ntepuꞌu pobunduꞌána. Agáiáná i tauna to tiꞌara mepoinálái: “Watu to ratibe topoaró támbi, mole watu onoꞌ riꞌi to mewaliꞌ pehodaꞌá támbi.” (Sura Petóiá 118:22) Hai: “Watu iti mewaliꞌ woꞌo watu katehubeáraꞌ láwiꞌ mopakanawoꞌheꞌ.” (Iesaia 8:14-15)

Pampetudeꞌá 11:15

Malaꞌeka to kapitu motawueꞌ tamburuꞌna, hai araheꞌ to molaluita rapasimbuku i lalu surugáꞌ, rauliꞌ: “Deꞌe-deꞌe, upu-upu kadatuá i duniáꞌ napárentá miꞌi Pueꞌ Ala Pueꞌtaꞌ, hingkakani hai Ia to Napileꞌi miꞌi mewaliꞌ Datu Topehómpóꞌ, bona mepárentá duuꞌna i rue-ruena.”

Pampetudeꞌá 17:14

Ina mampombealaꞌáheꞌ Iesu to rapándiriꞌ nodo Ánáꞌ Dimbá. Agáiáná Ánáꞌ Dimbá ina monangiheꞌ, láwiꞌ ia miꞌi Pueꞌ to melumbuꞌ kamakuasaꞌNa hangko i upu-upu pueꞌ, hai Datu to melumbuꞌ kamakuasaꞌNa hangko i upu-upu datu. Ánáꞌ Dimbá iti ina raporángá taunáNa to Nakióꞌ hai Napileꞌi, to meuláꞌheꞌ oaꞌ i Hia.”