Danieli 2:30 - Sura Magasaꞌ: Bahangapa sura Pototowiá to Sae hai Pototowiá to Woꞌu

³⁰ Upu-upu to tewuniángi iti rahángáꞌáꞌámoꞌ, tiꞌara riꞌi láwiꞌ hawiꞌmu deꞌe to melumbuꞌ kamapándena hangko i tauna ntániꞌna, ngkáliꞌna riꞌi bona naisá datu lempóna paturu, hai bona naisá woꞌo datu apa to ara i lalu pekirina datu.

Danieli 2:30 Iomraidhean Croise

Pewaliꞌána 41:16

Mehániꞌ Iusupu, “Tiꞌara kódóꞌ, Piraoꞌ, agáiáná Pueꞌ Ala to ina molempónga paturumu.”

Danieli 1:17

I ánáꞌntomoane to ibaheꞌ iti, Pueꞌ Ala mampoweꞌi kapánde, bona peisáheꞌ molempónga darita to teukiꞌ, hai handaꞌ to raisá kana i duniáꞌ. Hai Pueꞌ woꞌo mampoweꞌi kapánde i Danieli bona naisá molempónga mampopengaa paturu hai pampetudeꞌá.

Danieli 2:47

Molaluita miꞌi Datu Nebukanesa i Danieli, nauliꞌ, “Pueꞌ Ala to nupenómbái, Ia miꞌi Pueꞌ Ala to toꞌu hai melumbuꞌ kuasaꞌNa hangko i upu-upu to rapenómbái, hai makuasaꞌ i upu-upu datu. Nabuku mopatongawaꞌ upu-upu to tewuniángi. Upu-upuna iti kuisá láwiꞌ nubuku mopakanótó paturu hai molempónga.”

Danieli 2:49

Ánti pembiáꞌna Danieli, Datu Nebukanesa molántiꞌheꞌ woꞌo Sadara, Mesaꞌ hai Abeꞌnego bona modureiheꞌ Danieli mepárentá i kadatuá Bábeli. Agáiáná Danieli toroꞌ i támbi kadatuá mewaliꞌ topepaturoꞌna datu.

Matiu 24:22

Agáiáná tempó kapári iti ina napahawiáꞌ Pueꞌ Ala, láwiꞌ ane tiꞌara Napahawiáꞌ, tiꞌara ara haweꞌ hadua to ina rapelae. Agáiáná ánti kamaꞌahiꞌNa i tauna to Napileꞌi, onoꞌ miꞌi haneꞌi ina Napahawiáꞌ tempó kapári iti.

Marakusi 13:20

Agáiáná tempó kapári iti ina napakawiáꞌ Pueꞌ Ala, láwiꞌ ane tiꞌara Napakawiáꞌ, tiꞌara ina ara hadua to tueꞌ. Mewaliꞌ, ánti kamaꞌahiꞌna Pueꞌ Ala i tauna to Napileꞌi, onoꞌ miꞌi haneꞌi ina Napakawiáꞌ tempó kapári iti.

Surona Pueꞌ Iesu 3:12

Kanaitána Peturuꞌ tauna to handaꞌ iti, nahángáꞌáheꞌ, “Halalungkuꞌ toSáráeliꞌ! Moapa riꞌi haneꞌi nipotingkáráꞌ apa to niꞌita deꞌe? Moapa riꞌi haneꞌi nitótóiangkaiꞌ oaꞌ? Ba niuliꞌ ripaꞌi, tauna deꞌe molumao ánti kuasaꞌkiꞌ, ba hangko i kamagasaꞌna lalungkiꞌ? Tiꞌara!

Roma 8:28

Ane mampokaꞌahiꞌkeꞌ Pueꞌ Ala hai Ia mokióꞌkeꞌ hiolaꞌ hai tunggáiáNa, upu-upu to mewaliꞌ i lalu katueꞌtaꞌ bateꞌna napakeꞌ Pueꞌ Ala bona mobunduꞌ i kitaꞌ,

2 Korintu 4:15

Upu-upu kapári to nilámbiꞌ mobunduꞌ ntepuꞌu i kómu, bona kahandaꞌ-handaꞌá tauna ina mohádiá kamaꞌahiꞌna Pueꞌ Ala. Onoꞌ miꞌi haneꞌi kitaꞌ upu-upu ina manguliꞌ handaꞌ kamaroꞌana i Pueꞌ Ala, álána hangaꞌNa rapomahile.