Danieli 2:29 - Sura Magasaꞌ: Bahangapa sura Pototowiá to Sae hai Pototowiá to Woꞌu

²⁹ Tempóna datu maturu-turu, mampekirikoꞌ mokana i apa to ina mewaliꞌ i alo to ina haweꞌ, hai Pueꞌ Ala mopatongawaꞌ pampetudeꞌá moliu paturu. Pueꞌ Ala to mopatongawaꞌ hinángkáꞌ to tewuniángi, hai Ia to mampopaitaꞌá miꞌi datu apa to ina mewaliꞌ.

Danieli 2:29 Iomraidhean Croise

Pewaliꞌána 41:25

Roo onoꞌ, nauliꞌ Iusupu i Piraoꞌ, “Rompákáꞌ paturu iti, hibali peá lempóna. Pueꞌ Ala mopatongawaꞌ miꞌi i pueꞌkuꞌ Piraoꞌ apa to ina Nabábehi.

Danieli 2:22

Io miꞌi to mopatongawaꞌ upu-upu to tiꞌara tongawaꞌ hai mowungkeꞌ upu-upu to tewuniángi. Nuisá upu-upu to ara i kakáindiána, hai tueꞌKoꞌ i kamabaaꞌána.

Danieli 2:23

Ó Pueꞌ Ala to rapenómbái toiorungkuꞌ, kutóiá hai kupomahileKoꞌ, láwiꞌ Nupoweꞌimoꞌ kanótó lalu hai kamaróhó, hai deꞌe-deꞌe Nubukeki miꞌi pembiáꞌkuꞌ. Nupatongawaꞌámongkaiꞌ apa to mopawuli pekirina datu.”

Danieli 2:28

Agáiáná Pueꞌ Ala to ara i surugáꞌ, Ia miꞌi to mopatongawaꞌ hinángkáꞌ to tewuniángi. Ia mopahaweꞌ miꞌi i Datu Nebukanesa apa to ina mewaliꞌ i alo to ina haweꞌ. Deꞌe miꞌi paturu hai hinángkáꞌ to naita datu i tempóna datu letaꞌ i paturuá:

Danieli 2:45

Nodo miꞌi to naita datu, tiꞌara ara haweꞌ hadua tauna to mohungkiꞌ mai watu hangko i buluꞌ haneꞌi morupuꞌ besiꞌ, tembaga, tampoꞌ pólóꞌ, peráꞌ hai buláwá. Pueꞌ Ala to makuasaꞌ mopahaweꞌ miꞌi i datu apa to ina mewaliꞌ i alo to ina haweꞌ. Paturu iti peisá rapoinálái hai toꞌu lempóna.”

Danieli 2:47

Molaluita miꞌi Datu Nebukanesa i Danieli, nauliꞌ, “Pueꞌ Ala to nupenómbái, Ia miꞌi Pueꞌ Ala to toꞌu hai melumbuꞌ kuasaꞌNa hangko i upu-upu to rapenómbái, hai makuasaꞌ i upu-upu datu. Nabuku mopatongawaꞌ upu-upu to tewuniángi. Upu-upuna iti kuisá láwiꞌ nubuku mopakanótó paturu hai molempónga.”