Danieli 2:23 - Sura Magasaꞌ: Bahangapa sura Pototowiá to Sae hai Pototowiá to Woꞌu

²³ Ó Pueꞌ Ala to rapenómbái toiorungkuꞌ, kutóiá hai kupomahileKoꞌ, láwiꞌ Nupoweꞌimoꞌ kanótó lalu hai kamaróhó, hai deꞌe-deꞌe Nubukeki miꞌi pembiáꞌkuꞌ. Nupatongawaꞌámongkaiꞌ apa to mopawuli pekirina datu.”

Danieli 2:23 Iomraidhean Croise

Pewaliꞌána 18:17

Nauliꞌ PUEꞌ i laluna, “Tiꞌara maroꞌa ane Kuwuniángi hangko i Burahima apa to ina Kubábehi,

Pewaliꞌána 31:42

Ane ketiꞌaraꞌaꞌ naporángá Pueꞌ Ala to napenómbái pueꞌkuꞌ Burahima hai to napomahile umángkuꞌ Isakiꞌ, kehangaa-ngaa mesuleꞌaꞌ ntooꞌ. Agáiáná Pueꞌ Ala moita miꞌi kamapáringkuꞌ i pobágóꞌkuꞌ, onoꞌ miꞌi haneꞌi iakáindi moliu paturumu, napakanótó miꞌi Pueꞌ kamasalaꞌmu.”

Danieli 1:17

I ánáꞌntomoane to ibaheꞌ iti, Pueꞌ Ala mampoweꞌi kapánde, bona peisáheꞌ molempónga darita to teukiꞌ, hai handaꞌ to raisá kana i duniáꞌ. Hai Pueꞌ woꞌo mampoweꞌi kapánde i Danieli bona naisá molempónga mampopengaa paturu hai pampetudeꞌá.

Danieli 2:18

Mewaliꞌ nahuoꞌmoheꞌ Danieli mekakae i Pueꞌ Ala to ara i surugáꞌ bona mopatongawaꞌ kamaꞌahiꞌNa i hira, hai rabuku mopahaweꞌ apa to tewuniángi iti, hai bona moliu petulungina Pueꞌ, hira hai tauna ntániꞌna to handaꞌ pangisáraꞌ i Bábeli, tiꞌaraheꞌ mewaliꞌ rapapate.

Matiu 11:25

I tempó iti, mekakae miꞌi Iesu, Nauliꞌ, “Ó Umaꞌ, Pueꞌ langiꞌ hai duniáꞌ hai upu-upu óntóꞌna! KutóiáKoꞌ, láwiꞌ upu-upu to tewuniángi hangkoia, Nupopaisáꞌámoheꞌ tauna to mengkaiwóiꞌ, agáiáná Nuwuniángiáheꞌ tauna to mampekiri hira miꞌi to mapánde.

Lukasi 10:21

I tempó iti, Iesu nakuasaꞌi Inao to Magasaꞌ, hai hangko i kagóeꞌna laluNa, Nauliꞌ, “Ó Umaꞌ, Pueꞌ langiꞌ hai duniáꞌ hai upu-upu óntóꞌna! KutóiáKoꞌ, láwiꞌ upu-upu to tewuniángi hangkoia Nupopaisáꞌámoheꞌ tauna to mengkaiwóiꞌ, agáiáná Nuwuniángiáheꞌ tauna to mampekiri hira miꞌi to mapánde. Ó Umaꞌ! Upu-upuna iti Nubábehi láwiꞌ iti miꞌi peundeꞌáMu.”

Iohane 11:41

Mewaliꞌ araheꞌ to lao mobungkáhi watu petuko popatawuána Lasaru iti. Iesu mengoaꞌ i langiꞌ haneꞌi Nauliꞌ, “UmáNgkuꞌ, Kuꞌuliꞌ handaꞌ kamaroꞌana i Hio, láwiꞌ Nuhádi miꞌi pembiáꞌKuꞌ deꞌe.

Iohane 15:15

Tiꞌarapokou Kuꞌuliꞌ topobágóꞌKuꞌ, láwiꞌ hadua topobágóꞌ tiꞌara moisá apa to i lalu pekirina pueꞌna. Deꞌe-deꞌe, rángáNgkuꞌ mpuꞌumokou, láwiꞌ upu-upu to nahángáꞌáꞌáꞌAꞌ UmáNgkuꞌ Kupahaweꞌámokou.

Pampetudeꞌá 1:1

I lalu sura deꞌe, moliu pampetudeꞌána Iesu Kerisitu, Pueꞌ Ala mopahaweꞌ i kitaꞌ huoꞌáNa apa to hangaa-ngaa hawiáꞌ mewaliꞌ. Iesu mohuoꞌ malaꞌekaNa lao mampetudeꞌá upu-upuna iti i kódóꞌ Iohane, huoꞌáNa.

Pampetudeꞌá 5:5

Roo onoꞌ, hadua hangko i totosae to rompuloꞌ hai iba mohángáꞌáꞌáꞌaꞌ, “Ineeꞌmokoꞌ teriaꞌ. Peita! Ara Hadua to rahangaꞌ Singá Pemuleꞌána Iudá, pemuleꞌána woꞌo Datu Daudiꞌ. Ia to menangi miꞌi, onoꞌ miꞌi haneꞌi Ia peá to makuasaꞌ mobungkáhi petándáina hai mobungkáhi sura iti.”