Danieli 2:21 - Sura Magasaꞌ: Bahangapa sura Pototowiá to Sae hai Pototowiá to Woꞌu

²¹ Io makuasaꞌ mopakanótó upu-upu tempó. Io makuasaꞌ mampopengkaroo datu, hai molántiꞌ datu. Io to moweꞌi kapánde i tauna to bukeꞌ pekiri.

Danieli 2:21 Iomraidhean Croise

Eteꞌ 1:13

Nodo biásána, ane arai to pewaliꞌ i kadatuá, datu mokióꞌheꞌ tauna to bukeꞌ timbá to moisá ntepuꞌu áturá-áturá kadatuá, bona napampekuneꞌi apa to hangaa-ngaa nabábehi.

Danieli 1:17

I ánáꞌntomoane to ibaheꞌ iti, Pueꞌ Ala mampoweꞌi kapánde, bona peisáheꞌ molempónga darita to teukiꞌ, hai handaꞌ to raisá kana i duniáꞌ. Hai Pueꞌ woꞌo mampoweꞌi kapánde i Danieli bona naisá molempónga mampopengaa paturu hai pampetudeꞌá.

Danieli 10:1

I pare katálu Datu Koresi mepárentá i Peresia, hampákáꞌ ngkóráꞌ rapatongawaꞌ i Danieli, to rauliꞌ woꞌo Beletasaꞌ. Ngkóráꞌ iti toꞌu, hai mopatongawaꞌ kaꞌina árána kapári to rumihi. Onoꞌ miꞌi haneꞌi napailalu ntepuꞌu ngkóráꞌ iti, hai napeliꞌ apa tunggáiána. Mewaliꞌ rapatongawaꞌá mpuꞌu miꞌi apa lempóna moliu pampetudeꞌá.

Danieli 11:6

Bahanoumbá parena hangko ionoꞌ, datu i tampoꞌ Másiriꞌ ina mohintuwuꞌ hai datu i Siria, ia miꞌi datu tándáꞌ i wongko. Tandaꞌ pohintuwuꞌraꞌ, datu i Másiriꞌ ina mampopohamboko ánáꞌna towawine hai datu i Siria. Agáiáná pohintuwuꞌraꞌ iti tiꞌara ina marue, láwiꞌ towawine iti, ia miꞌi ánáꞌna daturaꞌ toMásiriꞌ, ina rapapate, noꞌonoꞌ woꞌo ánáꞌna, hai toámána, hai upu-upu hawiꞌna to moántiheꞌ hangko i tampoꞌ Másiriꞌ lao i tampoꞌ Siria.

Danieli 2:20

nauliꞌ node: “Kutóiá miꞌi hangaꞌMu Pueꞌ. Io to hangko i rungu-runguna haweꞌ i rue-ruena, hai Io pentóáꞌána kanótó lalu hai kamaróhó!

Danieli 2:23

Ó Pueꞌ Ala to rapenómbái toiorungkuꞌ, kutóiá hai kupomahileKoꞌ, láwiꞌ Nupoweꞌimoꞌ kanótó lalu hai kamaróhó, hai deꞌe-deꞌe Nubukeki miꞌi pembiáꞌkuꞌ. Nupatongawaꞌámongkaiꞌ apa to mopawuli pekirina datu.”

Danieli 2:9

Ane tiꞌara nibuku molempó paturungkuꞌ iti, ina kuhukukou upu-upu. Hai kuisá woꞌo, himpudumokou bona nidongkokiaꞌ hai nipopowadi-wadi peaꞌ, bona peisá peá kubáliki tunggáiángkuꞌ. Mewaliꞌ nipolaluita miꞌi paturungkuꞌ iti bona tongawaꞌ kaniꞌisána woꞌo lempóna.”

Danieli 4:14

Ia molaluita napasimbuku, nauliꞌ, ‘Tiwi kau iti! Upu-upu dáꞌána nitátáꞌ. Niránáꞌ upu-upu taweꞌna, hai nihawuka wuaꞌna. Upu-upu binataꞌ to mebóungá i wóiꞌna, niwuraheꞌ, noꞌonoꞌ woꞌo upu-upu tádáhi to mohárá i dáꞌána!

Danieli 4:17

Hawaꞌ deꞌe kabotuꞌángkiꞌ sangkani, kaiꞌ malaꞌeka to mekámpái. Tunggáiángkiꞌ bona upu-upu tauna mopangákuꞌ kaPueꞌ Alana to i Surugáꞌ to mokuasaꞌi kadatuá tauna, hai kadatuá iti peisá Napeweꞌi i heáná peá tauna to Napokana, tepasuaꞌ i tauna to i wóiꞌ tueꞌna.’

Danieli 4:22

Ó datu! Kau iti ia miꞌi datu! Kadatuámu mahile hai maróhó. Kamakuasaꞌmu mantámbái haweꞌ i langiꞌ, haweꞌ-haweꞌ i wuntu duniáꞌ.

Danieli 4:32

Io ina rawurakoꞌ hangko i oloꞌraꞌ tauna, hai ina tueꞌkoꞌ hingkakani hai binataꞌ i pádá. I lalu pitu parena kamaruena, ina mandeꞌkoꞌ rumpuꞌ nodo gapiꞌ. Iti miꞌi to ina mewaliꞌ i hio duuꞌmu mopangákuꞌ Pueꞌ Ala to i Surugáꞌ to makuasaꞌ i kadatuá tauna, hai kadatuá iti peisá Napeweꞌi i heáná peá to Napileꞌi!”

Danieli 7:25

Ia ina mohuwárá laluita to mopakóiꞌ Pueꞌ Ala to i Surugáꞌ, hai ina mampopeahiahiꞌ taunána Pueꞌ Ala. Ia ina mopári-pári mobáliki áturá-áturá poagama hai alo posusaꞌáraꞌ taunána Pueꞌ Ala, hai ia ina makuasaꞌ tálu parena hantangaꞌ.

Lukasi 21:15

láwiꞌ Kódóꞌ haduduáNgkuꞌ to ina mopakanótóákou apa to hintotoꞌ ntepuꞌu ina nipopohánikiheꞌ, álána mapánde ntepuꞌukou. Onoꞌ miꞌi haneꞌi tiꞌara ina rabuku ewálimi mosápuáka apa to niuliꞌ.

Roma 13:1

Upu-upu tauna hangaa-ngaa mengkoruꞌ i topopárentá, láwiꞌ kuasaꞌraꞌ mepárentá mentóáꞌ hangko i Pueꞌ Ala. Onoꞌ miꞌi haneꞌi tauna to moewaꞌ topopárentá, hibali peá hai moewaꞌ Pueꞌ Ala, láwiꞌ topopárentá napakanótó miꞌi Pueꞌ Ala. Hai tauna to moewaꞌ topopárentá bateꞌna ina molámbiꞌ pehuku!

1 Korintu 1:30

Ngkáliꞌna riꞌi, peisákeꞌ mohintuwuꞌ hai Kerisitu Iesu ánti bábehiána Pueꞌ Ala, láwiꞌ Ia peá to mampobungkáhiákeꞌ rárá katehómpóꞌ. Ánti pohintuwuꞌtaꞌ hai Kerisitu Iesu, taisá kamapándena Pueꞌ Ala: Kerisitu to mopakanótókeꞌ i peitána Pueꞌ Ala, mopamagasaꞌkeꞌ, hai mampehuhuꞌá wátáNa mohómpókikeꞌ hangko i huku dósántaꞌ.

Iakobu 1:17

Upu-upu to maroꞌa hai to tiꞌara ara kamakuraꞌna mentóáꞌ hangko i Pueꞌ Ala. Ia miꞌi to mampopewaliꞌ upu-upuna to mewangkaꞌ i langiꞌ, tiꞌara ara katebálikiáNa, hai tiꞌara woꞌo ara kamakáindiNa.

Iakobu 1:5

Ane arai i oloꞌmi to tiꞌara mani gaga bukeꞌ pekiri, hangaa-ngaa napembiáꞌ i Pueꞌ Ala, hai bateꞌna ina Naweꞌikou. Láwiꞌ Pueꞌ Ala tiꞌara luleꞌ mampoweꞌikeꞌ apa to taparaluu, hai Naweꞌikeꞌ hangko i kabulá laluNa.

Pampetudeꞌá 19:16

I kumbáNa tándáꞌ i páꞌáNa teukiꞌ hambuaꞌ hangaꞌ: “Datu to Melumbuꞌ Kamakuasaꞌna Hangko i Upu-Upu Datu, Pueꞌ to Melumbuꞌ Kamakuasaꞌna Hangko i Upu-Upu Pueꞌ.”