Danieli 12:7 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁷ Tauna iti moángkáꞌ taena rombali i langiꞌ, modándi i lalu hangaꞌna Pueꞌ Ala to tueꞌ duuꞌna i rue-ruena, nauliꞌ, “Upu-upu to mewaliꞌ deꞌe, ina mewaliꞌ tálu parena hantangaꞌ kamaruena. Ane upu-upu taunána Pueꞌ Ala mehárungá i Hia, tiꞌara piꞌi mehárungá i kuasaꞌraꞌ haduduáraꞌ, hangko hópóꞌ riꞌi pepopeahiahiꞌ to metingkáráki iti.”

Danieli 12:7 Iomraidhean Croise

Danieli 10:5

Tempóngkuꞌ i wiwi uwai Tigiri, iaperái hangkaꞌ kuita hadua tauna to mopakeꞌ badu to meálu hai bulá ntepuꞌu, hai pámpouna rabábehi hangko i buláwá to magasaꞌ to hangko i tampoꞌ Upa.

Danieli 11:13

I karongkánina daturaꞌ toSiria ina morámpu surudadoꞌna, ina melumbuꞌ kahandaꞌraꞌ hangko i rungu-runguna. Hai ane haweꞌ tempóna, ia ina lao mombeala hai daturaꞌ toMásiriꞌ. Surudadoꞌna ina handaꞌ ntepuꞌu, noꞌonoꞌ woꞌo párewá pombeala to ina raꞌánti.

Danieli 12:6

To haduána mekuneꞌ i to mopakeꞌ báná to meálu hai bulá, to meángkáꞌ tándáꞌ i uluna uwai, nauliꞌ, “Impirá kaꞌina hópóꞌána upu-upu to metingkáráki deꞌe?”

Danieli 12:8

Upu-upu to nauliꞌ iti manótó kakuhádina, agáiáná tiꞌara kuisá apa tunggáiána. Mewaliꞌ kupekuneꞌ, “Tuá, noumbá kahópóꞌána upu-upuna iti?”

Danieli 4:31

Tiꞌara mani hópóꞌ polaluitana, tehádi miꞌi wambaꞌ hangko i langiꞌ to manguliꞌ node: “Datu Nebukanesa, nupehádingi deꞌe: kamakuasaꞌmu mewaliꞌ datu raꞌala miꞌi hangko i hio.

Danieli 4:34

Kaliuna peá tempó to tepakanótó, ia miꞌi pitu parena, kódóꞌ Nebukanesa mengoaꞌaꞌ i langiꞌ, hai pekiringkuꞌ manótó miꞌi huleꞌ. Hangko ionoꞌ, kutóiá Pueꞌ Ala to i Surugáꞌ, hai kupomahile hangaꞌna Ia to Tueꞌ Haweꞌ i Rue-ruena, kuꞌuliꞌ: Pueꞌ Ala to mewaliꞌ datu haweꞌ i rue-ruena. KamakuasaꞌNa hai popárentáNa tiꞌara mokahópóꞌá.

Danieli 7:21

Kuita tánduꞌ to kókóiꞌ iti moewaꞌ taunána Pueꞌ i lalu pombeala, hai hungkuꞌheꞌ ina nanangi tánduꞌ to kókóiꞌ iti.

Danieli 7:25

Ia ina mohuwárá laluita to mopakóiꞌ Pueꞌ Ala to i Surugáꞌ, hai ina mampopeahiahiꞌ taunána Pueꞌ Ala. Ia ina mopári-pári mobáliki áturá-áturá poagama hai alo posusaꞌáraꞌ taunána Pueꞌ Ala, hai ia ina makuasaꞌ tálu parena hantangaꞌ.

Danieli 8:14

Nahániki malaꞌeka to ntániꞌna, “Rosábu tálu átuna mani kánina, tiꞌaraheꞌ peisá mohuhuꞌ popenómbá alo-alona i Pueꞌ, ia miꞌi mepulo hai kalumbaꞌ. {Kamaruena iti hasábu hangatu lima puloꞌna alona.} Liu riꞌi tempó iti, {hangko peisá wopaheꞌ mohuhuꞌ popenómbáraꞌ, láwiꞌ} Támbina Pueꞌ Ala ina rapamagasaꞌ huleꞌ.”

Danieli 8:24

Ia ina mewaliꞌ maróhó, agáiáná kamaróhóna iti tiꞌara róhóna haduduána. Ia ina mopatuna upu-upu {to tiꞌara mouláꞌ párentána}. Hai apa peá to nabábehi, ina mewaliꞌ. Upu-upu tauna to makuasaꞌ ina napapate, noꞌonoꞌ woꞌo tauna to mepoinálái i Pueꞌ.

Lukasi 21:14

Hangaa-ngaa nipakaróhó lalumi, hai ineeꞌkou malááꞌ ba noumbá pehániꞌmi,

Lukasi 21:24

Araheꞌ toIerusale to ina rapapate hai pihoꞌ. Araheꞌ woꞌo to ina ratawani hai rahawuꞌ-hawuꞌheꞌ iumbá-umbá peá i humalele duniáꞌ. Hai kótá Ierusale deꞌe ina ranangi hai rakuasaꞌi tauna to tiꞌara toIahudiꞌ duuꞌna hópóꞌ tempó to napakanótó Pueꞌ Ala.”

1 Peturuꞌ 2:9

Agáiáná kómu halalu-halalu, napileꞌimokou Pueꞌ Ala mewaliꞌ taunáNa, bona peisákou mampopolumao bágóꞌna tadulako menómbá motangaꞌ-tangaꞌi tauna hai Pueꞌ Ala Datuntaꞌ. Napataniꞌmokou mewaliꞌ taunáNa to magasaꞌ. Napileꞌikou hai Nakióꞌkou hangko i kakáindiána mesuaꞌ i lalu kamabaaꞌáNa to meawaꞌ ntepuꞌu. Upu-upuna iti Nabábehi bona nipahaweꞌ i upu-upu tauna bábehiáNa to maroꞌa.

Pampetudeꞌá 12:14

Agáiáná towawine iti raweꞌi rombuaꞌ kapi to mahile, nodo kapi koꞌaaꞌ to mahile ntepuꞌu. Onoꞌ miꞌi haneꞌi membara miꞌi lao i pádá loriꞌ i katoroꞌá to rapatimamaꞌá miꞌi ami, bona tiꞌara nalámbiꞌ naga iti. Ionoꞌ, ia rakádipurá tálu parena hantangaꞌ kamaruena.

Pampetudeꞌá 12:6

Roo onoꞌ, towawine iti melangka miꞌi lao i pádá loriꞌ, haneꞌi rapatoroꞌ i katoroꞌá to napatimamaꞌá miꞌi Pueꞌ Ala. Towawine iti rakádipurá i lalu hasábu rongatu hai ini puloꞌna alona kamaruena.

Pampetudeꞌá 13:5

Binataꞌ to kadake iti rapoweꞌi tempó mohuwárá laluita to maꞌángkáꞌ hai to mopakóiꞌ Pueꞌ Ala. Ia raweꞌi woꞌo kuasaꞌ mepárentá mouláꞌ peundeꞌána haduduána i lalu iba puloꞌna hai rombulá kamaruena.

Pampetudeꞌá 4:10

totosae to rompuloꞌ hai iba mopalumbáheꞌ menómbá i lindoꞌna Hadua to tueꞌ oaꞌ duuꞌna i rue-ruena to mehoda i pehodaꞌá kadatuá. Motelángaheꞌ tataliraꞌ i lindoꞌna pehodaꞌáNa iti, tandaꞌ pebiláꞌraꞌ. Roo onoꞌ, rauliꞌ:

Pampetudeꞌá 4:9

Pinatueꞌ itiheꞌ manguliꞌ handaꞌ kamaroꞌana, mobiláꞌ hai mampomahileheꞌ hangaꞌna Hadua to mehoda i pehodaꞌá kadatuá hai to tueꞌ oaꞌ duuꞌna i rue-ruena. I popahaweꞌraꞌ petóiáraꞌ,