Danieli 12:6 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁶ To haduána mekuneꞌ i to mopakeꞌ báná to meálu hai bulá, to meángkáꞌ tándáꞌ i uluna uwai, nauliꞌ, “Impirá kaꞌina hópóꞌána upu-upu to metingkáráki deꞌe?”

Danieli 12:6 Iomraidhean Croise

Danieli 12:5

Hangko ionoꞌ, kuita rodua tobaleilo. Hadua meángkáꞌ i wiwi uwai tándáꞌ i kódóꞌ, hai to haduána meángkáꞌ tándáꞌ i hambali.

Danieli 12:8

Upu-upu to nauliꞌ iti manótó kakuhádina, agáiáná tiꞌara kuisá apa tunggáiána. Mewaliꞌ kupekuneꞌ, “Tuá, noumbá kahópóꞌána upu-upuna iti?”

Danieli 8:13

Hangko ionoꞌ, kuhádi rodua malaꞌeka mombekuneꞌheꞌ, rauliꞌ, “Hangapa mani kamaruena hangko mewaliꞌ riꞌi pampetudeꞌá deꞌe? Hangapa mani kamaruena dósá ina mokuasaꞌiheꞌ tauna to mohuhuꞌ popenómbáraꞌ i Pueꞌ? Hai hangapa mani kamaruena Pueꞌ Ala ina mopatodáhi támbi penómbáꞌá hai surudadoꞌ surugáꞌ ina nakada-kada tánduꞌ to kókóiꞌ iti?”

Danieli 8:16

Roo onoꞌ, kuhádi wopiꞌi wambaꞌ tauna to ntániꞌna hangko i uwai Ulai to molaluita, nauliꞌ node: “Gábáráeliꞌ, nupakanótóá miꞌi tobaleilo iti bona naisá apa lempóna pampetudeꞌá deꞌe.”

Matiu 24:3

Roo onoꞌ, Iesu hai topeguruNa pohuꞌheꞌ lao i buluꞌ Saitu. Tangaꞌna Iesu mehoda haduduáNa, laomoheꞌ topeguruNa mekuneꞌ i Hia, “Guru, impirá Támbina Pueꞌ Ala ina ragero nodo to Nuꞌuliꞌ ininá?” Hai mekuneꞌ wopaheꞌ, rauliꞌ, “Apa tandaꞌna kaꞌina haweꞌMu hai kahópóꞌána duniáꞌ?”

Marakusi 13:4

Rauliꞌ, “Kipembiáꞌ bona Nuhángáꞌáꞌangkaiꞌ ba impirá pewaliꞌána upu-upu to Nuꞌuliꞌ ininá, hai tandaꞌ apa to ina mewaliꞌ ane haweꞌ miꞌi tempó pewaliꞌána.”

Epesu 3:10

bona deꞌe-deꞌe moliu pohintuwuꞌraꞌ tauna to mepoinálái, maroꞌa toIahudiꞌ, maroꞌa to tiꞌara toIahudiꞌ, upu-upu topopárentá hai upu-upu to makuasaꞌ i surugáꞌ ina moisá kamapándena Pueꞌ Ala i upu-upu to Nabábehi.

1 Peturuꞌ 1:12

Hai Pueꞌ Ala mampopaisáꞌáheꞌ nabiꞌ-nabiꞌ hangkoia, bámbári to rapahaweꞌ iti tiꞌara mokana i wátáraꞌ haduduáraꞌ, ngkáliꞌna riꞌi, mokana i kómu to motarimamokou bámbári iti. Hai deꞌe-deꞌe, apa to rapahaweꞌ nabiꞌ-nabiꞌ hangkoia, rapakanótó miꞌi i kómu i katoꞌu-toꞌuána, láwiꞌ aramoheꞌ tauna to mopahaweꞌákou Ngkóráꞌ Marasa, hai apa to rapahaweꞌ iti, moliu kuasaꞌna Inao to Magasaꞌ to hangko i Pueꞌ Ala. Mogalo riꞌi malaꞌeka, mampoinaoheꞌ woꞌo moisá kana i katehómpóꞌ to nilámbiꞌ iti.

Pampetudeꞌá 15:6

Hai pitu malaꞌeka mesuwuꞌ hangko i Támbina Pueꞌ Ala, moántiheꞌ pitu wuaꞌna pemboliá to bukeꞌ hai pitu pákáꞌna pepopeahiahiꞌ. Waruꞌraꞌ malaꞌeka iti rabábehi hangko i báná to bulá hai mengkilaꞌ. Pondáraꞌ rawewehi pampou hangko i buláwá.

Pampetudeꞌá 19:14

Handaꞌ surudadoꞌ hangko i surugáꞌ to meuláꞌ i bókóꞌNa, mesaweꞌheꞌ woꞌo i dárá to bulá. Waruꞌraꞌ hangko i báná to meálu hai bulá ntepuꞌu.

Pampetudeꞌá 6:10

Mekióꞌheꞌ rapasimbuku, rauliꞌ, “Ó Pueꞌ to makuasaꞌ, magasaꞌ hai manótó! Hangapa mani kamaruena hangko Nupakanótó riꞌi hukuraꞌ tauna i duniáꞌ to mopapateangkaiꞌ, hai Nuháwángi bábehiáraꞌ iti.”