Danieli 12:1 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹ Malaꞌeka to mewaruꞌ to bulá iti, mopaliliu laluitana, nauliꞌ, “I tempó onoꞌ, ina haweꞌ Mikaeli, malaꞌeka to mokámpái tampoꞌ Sáráeliꞌ. Hangko ionoꞌ, ina ara kapári to rumihi to tiꞌara mani hangkani mewaliꞌ, mantepuꞌu i tempóna tauna mopakeꞌ básá to montaniꞌ-ntaniꞌ. Agáiáná i tempó iti, upu-upu hangka toSáráeliꞌmu to teukiꞌ hangaꞌraꞌ i Surana Pueꞌ, ia miꞌi Sura Ngkatueꞌ, ina rapelaeheꞌ.

Danieli 12:1 Iomraidhean Croise

Danieli 10:13

Malaꞌeka to mokámpái kadatuá Peresia moewaꞌaꞌ rompuloꞌ hai hangalo kamaruena. Agáiáná Mikaeli, hadua hangko i oloꞌraꞌ tadulako malaꞌeka, mai motulungiaꞌ. Hangko ionoꞌ, kupálehi Mikaeli ionoꞌ mampombelindoꞌá datu-datu to ara i Peresia.

Danieli 10:21

Agáiáná kehapiꞌ miꞌi noꞌonoꞌ, bateꞌna kuhángáꞌákoꞌ apa to teukiꞌ i lalu Sura to peisá rapoinálái. Bona nuisá, tiꞌara ara haweꞌ hadua to tándáꞌ i kódóꞌ, ngkáliꞌna peá Mikaeli tadulakomu.”

Danieli 11:45

Ia ina moaró bambaruꞌ i hiliꞌna tahiꞌ hai buluꞌ Sio to magasaꞌ hai meawaꞌ, peángkáꞌána Támbina Pueꞌ Ala. Agáiáná ia ina mampohidupaꞌá dándina, hai tiꞌara ara haweꞌ hadua to ina motulungi.”

Danieli 7:10

Hai api to roreꞌ oaꞌ mendele hangko i pehodaꞌána, hai i sábuna tauna meángkáꞌ i lindoꞌNa, timamaheꞌ ina mampeuláꞌi hawaꞌNa. Hangko ionoꞌ, pobutusi kara-kara ratepuꞌu miꞌi, hai sura poukiꞌá upu-upu bábehiá rabungkáhi miꞌi.

Danieli 9:12

Upu-upuna iti mewaliꞌ hiolaꞌ hai popakanótóMu, onoꞌ miꞌi haneꞌi kaiꞌ hai upu-upu to mopárentáꞌangkaiꞌ molámbiꞌmongkaiꞌ pehuku. Kótá Ierusale molámbiꞌ miꞌi pehuku to melumbuꞌ hangko i kótá ntániꞌna to ara i duniáꞌ.

Matiu 24:21

I tempó iti, ina haweꞌ kapári to rumihi ntepuꞌu to tiꞌara mani hangkani mewaliꞌ mantepuꞌu hangko i pewaliꞌána duniáꞌ duuꞌna haweꞌ deꞌe-deꞌe, hai tiꞌara woꞌo ara to ina mewaliꞌ noꞌonoꞌ i alo to ina haweꞌ.

Marakusi 13:19

Láwiꞌ i tempó iti, ina mewaliꞌ kapári to rumihi ntepuꞌu, to tiꞌara mani hangkani mewaliꞌ hangko i rungu-runguna i tempóna Pueꞌ Ala mampopewaliꞌ duniáꞌ duuꞌna deꞌe-deꞌe, hai tiꞌara piꞌi woꞌo ina mewaliꞌ huleꞌ i alo bókóꞌna.

Lukasi 10:20

Agáiáná kehapiꞌ noꞌonoꞌ, ineeꞌ nipokagóeꞌ pengkoruꞌraꞌ setáꞌ i kómu. Rángina riꞌi nipokagóeꞌ kateukiꞌna miꞌi hangaꞌmi i lalu surugáꞌ.”

Roma 11:15

Ánti kanasápuákana Pueꞌ Ala toIahudiꞌheꞌ iti, tebungkáhi miꞌi rárá i upu-upu tauna i duniáꞌ bona mohintuwuꞌheꞌ hai Pueꞌ Ala. Mewaliꞌ, ina morasiꞌ ntepuꞌuheꞌ tauna i duniáꞌ ane toIahudiꞌ mepoinálái i Iesu hai Pueꞌ Ala motarimaheꞌ huleꞌ. I tempó iti, peisáheꞌ rapándiriꞌ nodo tomate to tueꞌ huleꞌ.

Roma 11:26

Hangko ionoꞌ, handaꞌ toSáráeliꞌ ina tehómpóki hangko i huku dósáraꞌ. Ina tebukeki apa to teukiꞌ hangkoia i lalu Sura Magasaꞌ. Nauliꞌ Pueꞌ Ala node: “Hangkani tempó, ina mesupaꞌ Topehómpóꞌ hangko i Sio, hai Ia ina mopakaraoꞌ upu-upu salaꞌ hangko i pemuleꞌána Iako.” (Iesaia 59:20-21)

Epesu 1:21

Kuasaꞌ to naweꞌi Pueꞌ Ala i Kerisitu iti, melumbuꞌ ntepuꞌu kamaróhóna hangko i kuasaꞌraꞌ upu-upu topopárentá, upu-upu tadulako, upu-upu to makuasaꞌ, hai upu-upu to rapenómbái. Melumbuꞌ kamaróhóna kuasaꞌNa Kerisitu hangko i upu-upu to molámbiꞌ pehodaꞌá to teádái, maroꞌa to tueꞌ deꞌe-deꞌe, maroꞌa to tueꞌ i alo to ina haweꞌ.

Pilipi 4:3

Hai Susugo hampopobágóꞌkuꞌ to tetidaꞌ lalumu, kupembiáꞌ bona nutulungi wohiraꞌá towawine to rodua iti, bona ineeꞌmoheꞌ paka mosisalaꞌ. Tangaꞌkuꞌ mani hingkakani hai kómu, madotaheꞌ mamporángáꞌaꞌ mopahaweꞌ Ngkóráꞌ Marasa hingkakani hai Keleme hai hampopobágóꞌkuꞌ to ntániꞌna. Hangaꞌraꞌ upu-upu teukiꞌ miꞌi i lalu Sura Ngkatueꞌ, {láwiꞌ molámbiꞌmoheꞌ katueꞌ to tiꞌara mokahópóꞌá}.

Iudasiꞌ 1:9

Tiꞌaraheꞌ hibali hai Mikaeli, hadua malaꞌeka to motadulakoi upu-upu malaꞌeka. Ia tiꞌara pebáiꞌ mopakeꞌ kuasaꞌna mosalaꞌi Datu Tokadake i tempóraꞌ mamposisalaꞌi wátámandoꞌna nabiꞌ Musa, ba heáná to ina moala, agáiáná nahángáꞌá peá Mikaeli, “Kupembiáꞌ bona Pueꞌ haduduáNa to ina mokambáróákoꞌ!”

Pampetudeꞌá 1:5

hai hangko i Iesu Kerisitu to rungu-runguna rapopearó hangko i oloꞌraꞌ tauna to mate. Iesu Kerisitu ia miꞌi Sabiꞌ to manguliꞌ oaꞌ apa to toꞌu, hai Ia miꞌi Tadulako to mopárentái upu-upu datu i duniáꞌ. Iesu mampokaꞌahiꞌkeꞌ, hai mampehuhuꞌá wátáNa rapapate bona tekábáhákeꞌ hangko i dósá,

Pampetudeꞌá 12:7

Hangko ionoꞌ, kuita pombeala to mahile i surugáꞌ. Handaꞌ malaꞌeka natadulakoiheꞌ Mikaeli moewaꞌ naga iti. Hai naga iti radurei woꞌo malaꞌekana to kadake moewaꞌ Mikaeli.

Pampetudeꞌá 13:8

Handaꞌheꞌ tauna to toroꞌ i duniáꞌ ina menómbá i hia. To tiꞌara menómbá i hia, bateꞌna peá tauna to teukiꞌ miꞌi hangaꞌraꞌ i lalu Sura Ngkatueꞌ hangko tiꞌara mani duniáꞌ rapopewaliꞌ. Sura Ngkatueꞌ iti ia miꞌi surana Iesu to rapándiriꞌ nodo Ánáꞌ Dimbá to rasambale.

Pampetudeꞌá 17:14

Ina mampombealaꞌáheꞌ Iesu to rapándiriꞌ nodo Ánáꞌ Dimbá. Agáiáná Ánáꞌ Dimbá ina monangiheꞌ, láwiꞌ ia miꞌi Pueꞌ to melumbuꞌ kamakuasaꞌNa hangko i upu-upu pueꞌ, hai Datu to melumbuꞌ kamakuasaꞌNa hangko i upu-upu datu. Ánáꞌ Dimbá iti ina raporángá taunáNa to Nakióꞌ hai Napileꞌi, to meuláꞌheꞌ oaꞌ i Hia.”

Pampetudeꞌá 20:12

Hai kuitaheꞌ tauna to mate to rapatueꞌ huleꞌ, mantepuꞌu to i wóiꞌ tueꞌraꞌ, haweꞌ-haweꞌ i to mokahangaꞌiá tueꞌraꞌ, meángkáꞌheꞌ i lindoꞌna Pueꞌ Ala to mehoda i pehodaꞌá iti. Tauna to mate i tahiꞌ, hai upu-upu tauna to i katoroꞌá tomate, rapatueꞌ huleꞌ, haneꞌiheꞌ meángkáꞌ upu-upu i lindoꞌna Pueꞌ Ala. Roo onoꞌ, sura-sura rabungkáhi. I lalu sura-sura iti, teukiꞌ bábehiáraꞌ upu-upu tauna. Mewaliꞌ, upu-upu tomate ina rahukuheꞌ hintotoꞌ hai apa to teukiꞌ i lalu sura-sura iti. Karahukuraꞌ iti hintotoꞌ hai bábehiáraꞌ haduduáraꞌ. Hai rabungkáhi miꞌi woꞌo sura to ntániꞌna, hangaꞌna Sura Ngkatueꞌ. {Ionoꞌ teukiꞌ hangaꞌ-hangaꞌ tauna to ina molámbiꞌ katueꞌ to maroꞌa to tiꞌara mokahópóꞌá.}

Pampetudeꞌá 20:15

Hai heáná peá to tiꞌara teukiꞌ hangaꞌna i lalu Sura Ngkatueꞌ, ina ratibe woꞌo i lalu tahiꞌ api iti.

Pampetudeꞌá 3:5

Heáná to menangi, ina rabaduiheꞌ woꞌo waruꞌ to bulá, hai hangaꞌraꞌ tiꞌara ina Kuwoe hangko i Sura Ngkatueꞌ. Ina Kupangákuꞌ ntepuꞌu i lindoꞌna UmáNgkuꞌ hai malaꞌekaNa, kahirana miꞌi taunáNgkuꞌ.

Pampetudeꞌá 7:14

Kuhániki, “Tuá, io to moisá. Nuhángáꞌáꞌáꞌaꞌ.” Mewaliꞌ nauliꞌ, “Hira iti tauna to roomoheꞌ mamporárái to rauliꞌ Tempó Pepopeahiahiꞌ to Rumihi Ntepuꞌu. Motibaaꞌheꞌ oaꞌ pepoináláiraꞌ i Iesu to rapándiriꞌ nodo Ánáꞌ Dimbá to rasambale. Ia to mohómpókiheꞌ hangko i huku dósáraꞌ i kamabubuNa waheꞌNa i kamateNa.