Danieli 11:6 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁶ Bahanoumbá parena hangko ionoꞌ, datu i tampoꞌ Másiriꞌ ina mohintuwuꞌ hai datu i Siria, ia miꞌi datu tándáꞌ i wongko. Tandaꞌ pohintuwuꞌraꞌ, datu i Másiriꞌ ina mampopohamboko ánáꞌna towawine hai datu i Siria. Agáiáná pohintuwuꞌraꞌ iti tiꞌara ina marue, láwiꞌ towawine iti, ia miꞌi ánáꞌna daturaꞌ toMásiriꞌ, ina rapapate, noꞌonoꞌ woꞌo ánáꞌna, hai toámána, hai upu-upu hawiꞌna to moántiheꞌ hangko i tampoꞌ Másiriꞌ lao i tampoꞌ Siria.

Danieli 11:6 Iomraidhean Croise

Danieli 11:13

I karongkánina daturaꞌ toSiria ina morámpu surudadoꞌna, ina melumbuꞌ kahandaꞌraꞌ hangko i rungu-runguna. Hai ane haweꞌ tempóna, ia ina lao mombeala hai daturaꞌ toMásiriꞌ. Surudadoꞌna ina handaꞌ ntepuꞌu, noꞌonoꞌ woꞌo párewá pombeala to ina raꞌánti.

Danieli 11:15

Roo onoꞌ, daturaꞌ toSiria hai surudadoꞌna ina laoheꞌ mosuaki tampoꞌ Másiriꞌ, hai ina ralibuꞌ kótá to rabente, hai ina menangiheꞌ. Surudadoꞌ toMásiriꞌ, tiꞌaraheꞌ ina mantaha. Mogalo riꞌi surudadoꞌ to tepileꞌi láwiꞌ keate ntepuꞌu, tiꞌaraheꞌ woꞌo ina mantaha moewaꞌ toSiria.

Danieli 11:40

Agáiáná i kahópóꞌána duniáꞌ, datu tándáꞌ i wóiꞌ ina lao mampombealaꞌá datu tándáꞌ i wongko. Agáiáná datu tándáꞌ i wongko ina timama woꞌo mombeala. Mewaliꞌ ia ina mopatimama handaꞌ kereta pombeala, surudadoꞌ topodárá, hai duanga-duanga tahiꞌ, haneꞌi ina laoheꞌ aha mombeala hai mosuaki handaꞌ tampoꞌ. Kahandaꞌraꞌ ina nodoheꞌ uwai to melábóꞌ.

Danieli 11:7

Tiꞌara marue hangko ionoꞌ, halaluna towawine to rapapate iti ina mewaliꞌ datu i tampoꞌ Másiriꞌ mopaháwángi umána. Mewaliꞌ datu to woꞌu iti ina lao mampombealaꞌá daturaꞌ toSiria. Ia ina mesuaꞌ i lalu kótáraꞌ to rabente, hai ia ina menangi.