Danieli 11:21 - Sura Magasaꞌ: Bahangapa sura Pototowiá to Sae hai Pototowiá to Woꞌu

²¹ Molaluita wopiꞌi malaꞌeka iti, nauliꞌ, “Datu to ina mepaháwángi i kadatuá Siria, ia miꞌi hadua tauna to tiꞌara raundeꞌ-undeꞌ tauna, hai ia woꞌo tiꞌara hintotoꞌ mewaliꞌ datu. Agáiáná hangkaꞌ-hangkaꞌ perái ia ina haweꞌ hai moala kadatuá iti moliu peákálángi, onoꞌ miꞌi haneꞌi ia peisá mewaliꞌ datu i kadatuá iti.

Danieli 11:21 Iomraidhean Croise

Danieli 11:20

I kamatena daturaꞌ toSiria iti, ia ina rapaháwángi. Hai tauna to mepaháwángi iti ina mohuoꞌ topobágóꞌna bona mopasaꞌheꞌ tauna mohuhuꞌ ásele. Tunggáiána bona motámbái kapebukuna datu to woꞌu iti. Agáiáná tiꞌara marue hangko ionoꞌ, datu iti ina mate, hai rárá kamatena iti, tiꞌara mate i pombealaꞌá agáiáná ia ina mate ngkániiꞌ-niiꞌ.”

Danieli 11:32

Hai upu-upu tauna to tiꞌarapoheꞌ mampeuláꞌi áturá poágámáraꞌ, ina naembaꞌ-embaꞌ hai laluita to mopamalulu laluraꞌ bona mauheꞌ medurei. Agáiáná tauna to mengkoruꞌ i Pueꞌ Ala, ina maróhóheꞌ oaꞌ hai ina meꞌewaꞌheꞌ woꞌo.

Danieli 11:34

Tangaꞌna pepapate iti mewaliꞌ, ina ara hantóiꞌ peá petulungi i taunána Pueꞌ Ala. Handaꞌheꞌ tauna ina mohintuwuꞌ hai hira, agáiáná tiꞌara i katoꞌu-toꞌuána, láwiꞌ ina mampeliꞌ peheꞌ porasiꞌáraꞌ haduduáraꞌ.

Danieli 11:7

Tiꞌara marue hangko ionoꞌ, halaluna towawine to rapapate iti ina mewaliꞌ datu i tampoꞌ Másiriꞌ mopaháwángi umána. Mewaliꞌ datu to woꞌu iti ina lao mampombealaꞌá daturaꞌ toSiria. Ia ina mesuaꞌ i lalu kótáraꞌ to rabente, hai ia ina menangi.

Danieli 4:17

Hawaꞌ deꞌe kabotuꞌángkiꞌ sangkani, kaiꞌ malaꞌeka to mekámpái. Tunggáiángkiꞌ bona upu-upu tauna mopangákuꞌ kaPueꞌ Alana to i Surugáꞌ to mokuasaꞌi kadatuá tauna, hai kadatuá iti peisá Napeweꞌi i heáná peá tauna to Napokana, tepasuaꞌ i tauna to i wóiꞌ tueꞌna.’

Danieli 7:8

Tangaꞌna kupepeita tánduꞌna binataꞌ iti, iaperái mesupaꞌ tánduꞌ to ntániꞌna hangko i hiliꞌna tánduꞌ to hampuloꞌ. Tánduꞌ to mesupaꞌ iti kókóiꞌ. I kamesupaꞌna peá tánduꞌ iti, tálu wuaꞌna tánduꞌ to ioru mapupuhi, hai tánduꞌ to kókóiꞌ iti pomata hai pohume nodo tauna. Upu-upu laluita to nahuwárá, laluita to maꞌángkáꞌ.

Danieli 8:23

I tempó kahópóꞌána kadatuá iti, bábehiá tauna ina mantámbái ntepuꞌu kakadakena. I tempó onoꞌ woꞌo, hadua datu to masodo ntepuꞌu hai mapánde meákálángi ina mantepuꞌu mepárentá.

Danieli 8:25

Ánti kamapándena meákálángi, handaꞌ tauna to tiꞌara mosangka-sangka kaꞌina napapateraꞌ. Apa peá to nabábehi hangaa-ngaa mewaliꞌ, onoꞌ miꞌi haneꞌi ia ina mewaliꞌ maꞌángkáꞌ ntepuꞌu, hai ina pebáiꞌ moewaꞌ Pueꞌ Ala, Datu to melumbuꞌ kamakuasaꞌNa hangko i upu-upu datu. Agáiáná ina haweꞌ tempóna datu iti ina manangi, agáiáná tiꞌara tauna to ina monangi.

Danieli 8:9

Hangko i hambuaꞌ tánduꞌ to iba iti, mesupaꞌ hambuaꞌ tánduꞌ to kókóiꞌ, hai tueꞌ duuꞌna mahile ntepuꞌu. Kamakuasaꞌna haweꞌ-haweꞌ tándáꞌ i wóiꞌ, tándáꞌ i pembetoá alo, hai haweꞌ woꞌo tándáꞌ i tampoꞌ Sáráeliꞌ, tampoꞌ to meawaꞌ.