Danieli 11:10 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹⁰ Hangko ionoꞌ, ánáꞌna datu toSiria paka tobaleilo ina mopatimamaheꞌ lao mombeala, hai ina morámpuheꞌ surudadoꞌ to handaꞌ. Hadua hangko i oloꞌraꞌ ina motadulakoiheꞌ lao mampombealaꞌá datu toMásiriꞌ to tándáꞌ i wóiꞌ. Ina nodoheꞌ pelábóꞌna uwai láwiꞌ handaꞌ ntepuꞌuheꞌ, hai i karongkánina deꞌe, ina haweꞌheꞌ i benteraꞌ ewáliraꞌ.

Danieli 11:10 Iomraidhean Croise

Danieli 11:22

Upu-upu surudadoꞌ to meꞌewaꞌ, ina napatunaheꞌ, mogalo riꞌi hadua Tadulako Menómbá Mahile to mopaꞌara podándi ina napapate.

Danieli 11:26

Mogalo riꞌi tauna to molámbiꞌ pandeꞌraꞌ hangko i datu iti, ina mopakanawoꞌ. Handaꞌheꞌ surudadoꞌna daturaꞌ toMásiriꞌ ina rapapate hai rapatuna.

Danieli 11:7

Tiꞌara marue hangko ionoꞌ, halaluna towawine to rapapate iti ina mewaliꞌ datu i tampoꞌ Másiriꞌ mopaháwángi umána. Mewaliꞌ datu to woꞌu iti ina lao mampombealaꞌá daturaꞌ toSiria. Ia ina mesuaꞌ i lalu kótáraꞌ to rabente, hai ia ina menangi.

Danieli 11:9

Roo onoꞌ, daturaꞌ toSiria ina lao i tampoꞌ Másiriꞌ, haneꞌi ina mesuleꞌ peá huleꞌ lao i tampoꞌna.

Danieli 9:26

I kahópóꞌána tempó to tepakanótó iti, tadulako to napileꞌi Pueꞌ Ala ina rapapate, kehapiꞌ tiꞌaranto masalaꞌ. Hai ina haweꞌ surudadoꞌna datu to maróhó, haneꞌiheꞌ ina mogero kótá Ierusale hai Támbina Pueꞌ Ala. Kahópóꞌána iti ina mewaliꞌ hangkaꞌ-hangkaꞌ nodo pelábóꞌna uwai. Hai haweꞌ i kahópóꞌána duniáꞌ, ina ara oaꞌ pombeala hai kamaropuꞌ. Upu-upuna iti ina mewaliꞌ hiolaꞌ hai apa to tepakanótó miꞌi.