Danieli 10:6 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁶ Wátána mewangkaꞌ nodo watu tarsis to mengkilaꞌ ntepuꞌu, lindoꞌna makaaꞌ nodo kiláꞌ, mátána roreꞌ nodo api, taena hai bitina mengkilaꞌ nodo tembaga, hai wambaꞌna nodo pohewona tauna to handaꞌ.

Danieli 10:6 Iomraidhean Croise

Matiu 17:2

Tangaꞌraꞌ ionoꞌ, tebáliki miꞌi lenggeꞌna Iesu mewaliꞌ meawaꞌ. LindoꞌNa mewangkaꞌ nodo alo, hai waruꞌNa mengkilaꞌ.

Matiu 28:3

Lenggeꞌna mewangkaꞌ nodo kiláꞌ, hai waruꞌna bulá ntepuꞌu.

Lukasi 9:29

TangaꞌNa mekakae, tebáliki miꞌi lindoꞌNa, waruꞌNa mewaliꞌ bulá hai mengkilaꞌ.

Pampetudeꞌá 10:1

Roo onoꞌ, kuita hadua malaꞌeka to maróhó ntepuꞌu mendáulu mai hangko i surugáꞌ. Malaꞌeka iti napótóꞌ gawu, hai wuáꞌna natolelingi mpárágiá. Lindoꞌna mewangkaꞌ nodo alo, bitina nodo áriꞌi to keapi.

Pampetudeꞌá 19:12

Mátána mewangkaꞌ nodo api to roreꞌ ntepuꞌu, hai i wuáꞌNa handaꞌ tatali datu. I wátáNa teukiꞌ hangaꞌNa, hai Ia peá to moisá lempóna hangaꞌ iti.

Pampetudeꞌá 2:18

Roo onoꞌ, nauliꞌ wopiꞌi Pueꞌ Iesu i kódóꞌ, “Nuꞌukiꞌ miꞌi laluita deꞌe haweꞌ i tadulako to mokádipurá jemaꞌa i kótá Tiatira: Deꞌe miꞌi laluitana Ánáꞌna Pueꞌ Ala to mewangkaꞌ mátáNa nodo roreꞌ api, hai bitiNa mengkilaꞌ nodo tembaga to hangko rageseꞌ.

Pampetudeꞌá 21:20

To kalima ia miꞌi watu unam to butitoꞌ bulá hai malei makámumu. To kaꞌini ia miꞌi watu sardis to malei mangkakaitiá. To kapitu ia miꞌi watu paramata to mabádáꞌ hai mengkilaꞌ. To kaꞌuwalu ia miꞌi watu beril to makodaraꞌ nodo tulu tádáhi timbokoꞌ. To kahahioꞌ ia miꞌi watu krisolit to mabádáꞌ ntepuꞌu hai mengkilaꞌ. To kahampuloꞌ ia miꞌi watu krisopras to makokodaraꞌ nodo lokaꞌ to tiꞌara mani mangka. To kahampuloꞌ hai isáꞌ ia miꞌi watu lasuardi to biru nodo langiꞌ. Hai to kahampuloꞌna hai rombuaꞌ ia miꞌi watu kecubung to meláni hai malei makámumu.