Danieli 10:13 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹³ Malaꞌeka to mokámpái kadatuá Peresia moewaꞌaꞌ rompuloꞌ hai hangalo kamaruena. Agáiáná Mikaeli, hadua hangko i oloꞌraꞌ tadulako malaꞌeka, mai motulungiaꞌ. Hangko ionoꞌ, kupálehi Mikaeli ionoꞌ mampombelindoꞌá datu-datu to ara i Peresia.

Danieli 10:13 Iomraidhean Croise

Danieli 12:1

Malaꞌeka to mewaruꞌ to bulá iti, mopaliliu laluitana, nauliꞌ, “I tempó onoꞌ, ina haweꞌ Mikaeli, malaꞌeka to mokámpái tampoꞌ Sáráeliꞌ. Hangko ionoꞌ, ina ara kapári to rumihi to tiꞌara mani hangkani mewaliꞌ, mantepuꞌu i tempóna tauna mopakeꞌ básá to montaniꞌ-ntaniꞌ. Agáiáná i tempó iti, upu-upu hangka toSáráeliꞌmu to teukiꞌ hangaꞌraꞌ i Surana Pueꞌ, ia miꞌi Sura Ngkatueꞌ, ina rapelaeheꞌ.

Epesu 6:12

Láwiꞌ i pombeala deꞌe, tiꞌarakeꞌ moewaꞌ tauna, agáiáná moewaꞌkeꞌ to makuasaꞌ to tiꞌara taita. Moewaꞌkeꞌ tadulako-tadulako kakáindiána to makuasaꞌ i duniáꞌ. Moewaꞌkeꞌ hinángkáꞌna setáꞌ ba tokadake to makuasaꞌ i laerawa.

Kolose 2:10

Mewaliꞌ, ane mohintuwuꞌkou hai Kerisitu, tiꞌara piꞌi ara kamakuraꞌmi, láwiꞌ upu-upu to ara i Kerisitu ara woꞌo i kómu, hai Ia miꞌi to melumbuꞌ kuasaꞌNa hangko i upu-upu to makuasaꞌ hai to mepárentá.

1 Peturuꞌ 3:22

Karoona Iesu rapatueꞌ huleꞌ, Ia mengkaoreꞌ lao i surugáꞌ, haneꞌi mehoda tándáꞌ i kuánána Pueꞌ Ala. Upu-upu malaꞌeka hai to makuasaꞌ hai to mepárentá, rapopengkoruꞌheꞌ i Iesu.

Iudasiꞌ 1:9

Tiꞌaraheꞌ hibali hai Mikaeli, hadua malaꞌeka to motadulakoi upu-upu malaꞌeka. Ia tiꞌara pebáiꞌ mopakeꞌ kuasaꞌna mosalaꞌi Datu Tokadake i tempóraꞌ mamposisalaꞌi wátámandoꞌna nabiꞌ Musa, ba heáná to ina moala, agáiáná nahángáꞌá peá Mikaeli, “Kupembiáꞌ bona Pueꞌ haduduáNa to ina mokambáróákoꞌ!”

Pampetudeꞌá 12:7

Hangko ionoꞌ, kuita pombeala to mahile i surugáꞌ. Handaꞌ malaꞌeka natadulakoiheꞌ Mikaeli moewaꞌ naga iti. Hai naga iti radurei woꞌo malaꞌekana to kadake moewaꞌ Mikaeli.