Danieli 10:12 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹² Hangko ionoꞌ, nauliꞌ wopiꞌi, “Ineeꞌkoꞌ malááꞌ, Danieli, láwiꞌ Pueꞌ Ala mampehádingi miꞌi upu-upu pekakaemu, mantepuꞌu hangko i rungu-rungumu mengkaiwóiꞌ hai nupári-pári moisá apa to Natudeꞌáꞌákoꞌ iti. Mewaliꞌ kahaweꞌkuꞌ deꞌe, ánti pembiáꞌmu moliu pekakaemu.

Danieli 10:12 Iomraidhean Croise

Danieli 10:11

Nauliꞌ, “Danieli! Io miꞌi hadua tauna to napokaꞌahiꞌ Pueꞌ Ala. Meángkáꞌmokoꞌ haneꞌi nupehádingi maroꞌa laluitangkuꞌ deꞌe. Kódóꞌ miꞌi deꞌe to nahuoꞌ Pueꞌ mai i hio.” Kanauliꞌna peá noꞌonoꞌ, kásáliu meángkáꞌaꞌ hai moridiꞌaꞌ ánti kamalááꞌkuꞌ.

Danieli 10:19

Nauliꞌ, “Io miꞌi hadua to napokaꞌahiꞌ Pueꞌ Ala, mewaliꞌ ineeꞌ bata-bata lalumu hai ineeꞌkoꞌ malááꞌ. Deꞌe-deꞌe hangaa-ngaa maróhókoꞌ.” Kaupuna peá nauliꞌ noꞌonoꞌ, kuhádiá kamantámbáina róhóngkuꞌ haneꞌi kuꞌuliꞌ, “Tuá, kupembiáꞌ bona io molaluitakoꞌ i kódóꞌ, láwiꞌ nupoweꞌimoꞌ róhó.”

Matiu 28:10

Nahángáꞌáheꞌ Iesu, “Ineeꞌkou malááꞌ! Laomokou hai nihángáꞌáꞌáheꞌ halaluNgkuꞌ bona laoheꞌ i Galilea, ina mohidupaꞌangkaiꞌ ionoꞌ.”

Matiu 28:5

Agáiáná nauliꞌ malaꞌeka i towawineheꞌ iti, “Ineeꞌkou malááꞌ. Kuisá to nipeliꞌ Ia miꞌi Iesu to rapakuꞌ i kau mombehape.

Marakusi 16:6

Agáiáná nauliꞌ ánáꞌntomoane iti, “Ineeꞌkou malááꞌ! Kuisá to nipeliꞌ Ia miꞌi Iesu toNasare to rapakuꞌ i kau mombehape. Ia tiꞌara piꞌi ara ieneꞌ. Ia tueꞌ miꞌi huleꞌ! Nipeita karawoliáNa.

Lukasi 1:13

Agáiáná nauliꞌ malaꞌeka iti, “Sakaria, ineeꞌkoꞌ malááꞌ, láwiꞌ pekakaemu nahádi miꞌi Pueꞌ Ala. Elisabeꞌ toinámu ina moánáka hadua ánángkóiꞌ tobaleilo to hangaa-ngaa nuhangaꞌ Iohane.

Lukasi 1:30

Nauliꞌ wopiꞌi malaꞌeka i hia, “Ineeꞌkoꞌ malááꞌ Maria, láwiꞌ kamaꞌahiꞌna Pueꞌ Ala tongawaꞌ i hio.

Lukasi 2:10

Nauliꞌ malaꞌeka iti, “Ineeꞌkou malááꞌ, láwiꞌ maiaꞌ moánti bámbári to maroꞌa i kómu. Bámbári iti ina mopagóeꞌ laluraꞌ upu-upu tauna.

Lukasi 24:38

Onoꞌ miꞌi haneꞌi nahángáꞌáheꞌ Iesu, “Moapa riꞌi haneꞌikou malááꞌ hai bata-bata mani lalumi?

Surona Pueꞌ Iesu 27:24

Nauliꞌ malaꞌeka iti node: ‘Paulu, ineeꞌkoꞌ malááꞌ, láwiꞌ bateꞌmu ina lao molindoꞌ Datu Mahile i Roma. Hai ánti kamaꞌahiꞌna Pueꞌ Ala i hio, tiꞌara ara haweꞌ hadua i duanga tahiꞌ deꞌe to ina mate.’

Pampetudeꞌá 1:17

KakuitáNa, kásáliu mopalumbáꞌaꞌ i bitiNa, nodoaꞌ tauna to mate. Hangko ionoꞌ, Napágá wátángkuꞌ hai tae kuánáNa, Nahángáꞌáꞌáꞌaꞌ, “Ineeꞌkoꞌ malááꞌ. Kódóꞌ miꞌi deꞌe to Pantepuꞌuána hai to Kahópóꞌána.