Danieli 10:1 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹ I pare katálu Datu Koresi mepárentá i Peresia, hampákáꞌ ngkóráꞌ rapatongawaꞌ i Danieli, to rauliꞌ woꞌo Beletasaꞌ. Ngkóráꞌ iti toꞌu, hai mopatongawaꞌ kaꞌina árána kapári to rumihi. Onoꞌ miꞌi haneꞌi napailalu ntepuꞌu ngkóráꞌ iti, hai napeliꞌ apa tunggáiána. Mewaliꞌ rapatongawaꞌá mpuꞌu miꞌi apa lempóna moliu pampetudeꞌá.

Danieli 10:1 Iomraidhean Croise

Pewaliꞌána 41:32

Rongkani miꞌi pueꞌkuꞌ Piraoꞌ mampaturuá. Lempóna, Pueꞌ Ala mopakanótó miꞌi peundeꞌáNa, hai kawiáꞌ kaꞌina Nabábehina.

Danieli 1:17

I ánáꞌntomoane to ibaheꞌ iti, Pueꞌ Ala mampoweꞌi kapánde, bona peisáheꞌ molempónga darita to teukiꞌ, hai handaꞌ to raisá kana i duniáꞌ. Hai Pueꞌ woꞌo mampoweꞌi kapánde i Danieli bona naisá molempónga mampopengaa paturu hai pampetudeꞌá.

Danieli 1:21

Danieli mobágóꞌ oaꞌ i támbi kadatuá, haweꞌ-haweꞌ i tempóna Datu Koresi hangko i Peresia monangiheꞌ toBábeli.

Danieli 1:7

Asepena to motadulakoi támbi kadatuá, mobáliki hangaꞌraꞌ hadua-hadua: Danieli mewaliꞌ Beletasaꞌ, Hanaia mewaliꞌ Sadara, Misaeli mewaliꞌ Mesaꞌ, hai Asaria mewaliꞌ Abeꞌnego.

Danieli 10:14

Tunggáiána kahaweꞌkuꞌ deꞌe, bona kuhángáꞌáꞌákoꞌ apa to ina mewaliꞌ i toSáráeliꞌ i alo to ina haweꞌ, láwiꞌ pampetudeꞌá deꞌe mokana i alo iti.”

Danieli 11:2

Malaꞌeka iti manguliꞌ, “Deꞌe-deꞌe ina kuhángáꞌáꞌákoꞌ apa to ina mewaliꞌ i katoꞌu-toꞌuána. Bona nuisá: i kadatuá Peresia, ina ara wopiꞌi tálu datu, hai datu to kaꞌibána ina molámbiꞌ kapebuku to melumbuꞌ hangko i datu to tálu iti. Ánti kapebukuna, ia ina makuasaꞌ ntepuꞌu, hai ina napári-pári moewaꞌ kadatuá Iunani.

Danieli 12:4

Nauliꞌ wopiꞌi malaꞌeka iti i kódóꞌ, “Danieli, nutuko miꞌi hampaiꞌ sura iti, hai nutandaꞌi hai petándái bona óntóꞌna tewuniángi haweꞌ i kahópóꞌána duniáꞌ. Handaꞌ tauna ina mampoinao mampegurui sura iti bona raisá apa to ina mewaliꞌ, hai kapánderaꞌ tauna ina mantámbái.”

Danieli 12:9

Agáiáná nahániki node: “Deꞌe-deꞌe, pohuꞌmokoꞌ Danieli, láwiꞌ upu-upu laluita deꞌe hangaa-ngaa ratuko hai rawuniángi haweꞌ-haweꞌ i kahópóꞌána duniáꞌ.

Danieli 2:21

Io makuasaꞌ mopakanótó upu-upu tempó. Io makuasaꞌ mampopengkaroo datu, hai molántiꞌ datu. Io to moweꞌi kapánde i tauna to bukeꞌ pekiri.

Danieli 4:8

Kahópóꞌána, Danieli to rahangaꞌ woꞌo Beletasaꞌ mouláꞌ hangaꞌ ánitungkuꞌ, mai i kódóꞌ. Ia nateteꞌ kuasaꞌ to magasaꞌ, mewaliꞌ kupodarita mpuꞌu miꞌi paturungkuꞌ i hia.

Danieli 5:12

Tauna iti mapánde ntepuꞌu hai bukeꞌ pekiri. Ia mapánde woꞌo molempónga paturu, mowungkeꞌ upu-upu to tewuniángi, hai naisá mopakanótó lempóna apa to maꞌángkárá rapekiri. Hangaꞌna tauna iti Danieli, agáiáná pueꞌmu hangkoia mobáliki hangaꞌna mewaliꞌ Beletasaꞌ. Maroꞌa ane nukióꞌ mai Danieli. Ia ina mopakanótó i datu apa lempóna ukiꞌ iti.”

Danieli 5:17

Nauliꞌ Danieli, “Ee pueꞌkuꞌ datu, maroꞌa miꞌi parasee to ina nuweꞌiaꞌ, nuweꞌimoheꞌ tauna to ntániꞌna, hai kehapiꞌ noꞌonoꞌ, bateꞌna ina kubásá ukiꞌ iti hai ina kuhángáꞌáꞌákoꞌ lempóna.

Danieli 6:28

Ia mepelae hai metulungi. Ia nabuku mobábehi tandaꞌ kuasaꞌ i langiꞌ hai i tampoꞌ. Ia miꞌi to mokábáhá Danieli hangko i singá to handaꞌ.”

Danieli 8:16

Roo onoꞌ, kuhádi wopiꞌi wambaꞌ tauna to ntániꞌna hangko i uwai Ulai to molaluita, nauliꞌ node: “Gábáráeliꞌ, nupakanótóá miꞌi tobaleilo iti bona naisá apa lempóna pampetudeꞌá deꞌe.”

Danieli 8:26

Mokana i pampetudeꞌá pohuhuꞌ popenómbá kalumbaꞌ hai mepulo, pampetudeꞌá iti toꞌu kaꞌina mewaliꞌna, agáiáná hangaa-ngaa nuwuniángi i heáná peá láwiꞌ pewaliꞌána deꞌe marue mani hangko mewaliꞌ riꞌi.”

Lukasi 1:20

Apa to kuhángáꞌáꞌámokoꞌ ininá, bateꞌna ina mewaliꞌ ane haweꞌ miꞌi tempóna. Mewaliꞌ láwiꞌ tiꞌara nupoinálái laluitangkuꞌ, mantepuꞌu deꞌe-deꞌe, tiꞌarapokoꞌ peisá molaluita duuꞌna tebukeki apa to kuꞌuliꞌ ininá.”

Pampetudeꞌá 19:9

Hangko ionoꞌ, nahángáꞌáꞌáꞌaꞌ malaꞌeka iti, “Nuꞌukiꞌ miꞌi node: Morasiꞌheꞌ tauna to rakióꞌ lao i posusa petauna, karataunána Ánáꞌ Dimbá.” Hai nauliꞌ wopiꞌi, “Iti miꞌi laluitana Pueꞌ Ala, hai bateꞌna toꞌu.”