Danieli 1:4 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁴ Hira iti ánáꞌntomoane to maroꞌa powátáraꞌ, malápákáheꞌ, mapángkáꞌ posikolaꞌraꞌ, mapándeheꞌ, handaꞌ ntepuꞌu to raisá, hai hintotoꞌheꞌ mobágóꞌ i támbi kadatuá. Asepena rahuoꞌ mopaturoꞌheꞌ mobásá hai moukiꞌ i lalu básáraꞌ toBábeli.

Danieli 1:4 Iomraidhean Croise

Danieli 2:10

Rahániki tauna to handaꞌ pangisáraꞌ iti, rauliꞌ, “I humalele duniáꞌ deꞌe, tiꞌara ara haweꞌ hadua tauna to nabuku mopahaweꞌ apa to napembiáꞌ datu iti, hai tiꞌara mani ara haweꞌ hadua datu, kehapiꞌ noumbá miꞌi peawaꞌna hai kamahilena kuasaꞌna, to membiáꞌ to noꞌonoꞌ hangko i tauna to moisá mampeita betue, topodoti, ba tauna to handaꞌ pangisáraꞌ.

Danieli 2:2

Mewaliꞌ ia mohuoꞌ bona upu-upu tauna to moisá mampeita betue, upu-upu topodoti, topebao, hai to handaꞌ pangisáraꞌ, rakióꞌ bona molempónga paturuna iti. Mewaliꞌ lao mpuꞌumoheꞌ i hia.

Danieli 3:8

Tempó iti, araheꞌ bahangapa tauna to handaꞌ pangisáraꞌ mampehángáꞌáheꞌ toIahudiꞌ i Datu Nebukanesa.

Danieli 4:7

Hangko ionoꞌ, upu-upu tauna to handaꞌ pangisáraꞌ, topebao, hai to moisá mampeita betue, maiheꞌ i kódóꞌ, haneꞌi kupodarita i hira paturungkuꞌ iti, agáiáná tiꞌara rabuku molempónga paturungkuꞌ iti.

Danieli 5:11

I lalu kadatuá deꞌe, ara hadua tauna to naporángá oaꞌ kuasaꞌ to magasaꞌ! I tempóna pueꞌmu mepárentá hangkoia, tauna iti tongawaꞌ ntepuꞌu kamanótóna laluna hai kamapándena nodo kamapánderaꞌ ánitu. Datu Nebukanesa pueꞌmu, moángkáꞌ tauna iti mewaliꞌ tadulakoraꞌ upu-upu tauna to handaꞌ pangisáraꞌ, topebao, hai tauna to moisá mampeita betue.

Danieli 5:7

Onoꞌ miꞌi haneꞌi ia molaluita napasimbuku bona upu-upu tauna to handaꞌ pangisáraꞌ, topebao hai upu-upu tauna to moisá mampeita betue, raꞌánti lao i hia. I kahaweꞌraꞌ peá, molaluita miꞌi datu, nauliꞌ, “Heáná peá to moisá mobásá ukiꞌ iti hai mopahaweꞌ lempóna, ina kuweꞌi kumbá kadatuá to makámumu, hai awóló rante to hangko i buláwá, tandaꞌ pebiláꞌkuꞌ i hia. Hai ina kuángkáꞌ mewaliꞌ tauna to katálu mepárentá hangko i datu.”

Danieli 9:1

Hangkani tempó, Dáriu ánáꞌna Ahasiwero toMedia, mewaliꞌ datu i Bábeli. I pare to kaꞌisáꞌ popárentána, kódóꞌ Danieli, mobásáꞌaꞌ apa to naukiꞌ nabiꞌ Ieremia mokana i kamagerona kótá Ierusale. Hai to kubásá, kamagerona kótá iti ina mewaliꞌ pitu puloꞌna parena kamaruena. Mewaliꞌ kupekiri oaꞌ apa to napahaweꞌ Pueꞌ i nabiꞌ Ieremia iti {láwiꞌ hungkuꞌ miꞌi hópóꞌ tempó pehuku}.

Surona Pueꞌ Iesu 7:20

I tempó iti, mesupaꞌ miꞌi Musa. Musa iti, hadua ánángkóiꞌ to malásáꞌ ntepuꞌu. Tálu peá wulána rakádipurá tosaena i lalu támbiraꞌ, hai roo onoꞌ, ratibe miꞌi.

Surona Pueꞌ Iesu 7:22

Ánti karakádipurána, upu-upu kapánderaꞌ toMásiriꞌ rapaguruá Musa, álána makuasaꞌ ntepuꞌu i polaluitana hai i bábehiána.

Epesu 5:27

Nabábehi woꞌo noꞌonoꞌ bona kitaꞌ upu-upu to mepoinálái, mewaliꞌkeꞌ taunáNa to magasaꞌ hai meawaꞌ, duuꞌna tiꞌara piꞌi ara kamasalaꞌtaꞌ ba kamakuraꞌtaꞌ, bona hintotoꞌkeꞌ ina Nakahaweꞌi.