Matéus 26:11 - Esaa-líat ɛ́ péná

¹¹ Átɔm nɛ́, ɓayɛ́ɛ́yɛ́ɛ bíg ɓɛ́ la ɓɛ́nɛ eceg sig, ndí ma, mi ŋgá ɓɛ́ ɓé pɛ ma la ɓɛ́nɛ eceg ɛ́sɛ.

Matéus 26:11 Iomraidhean Croise

Matéus 18:20

átɔm nɛ́, ápah ɓot bíɓáa tɔ bíŋháa ɓá kómān á jóō jáma, mi lɛ élɔŋ la ɓɔ́.»

Matéus 26:10

Ɛnɛ́ Yésus a yí nāŋ, aá la ɓɔ́ nɛ́: «Ányúū yéé maná lēgtánɛ́ nyɔ́ mindígá é? Ag sɔ́le ma lí ɓɔŋle lí élɔ́ŋgɔ jam.

Matéus 28:20

Miní yéglɛ́ ɓɔ́ li naŋɛ lí mam mísɛ ma yéglɛ́ ɓɛ́nɛ. Á yé ŋga légɓe ma, mi lɛ élɔŋ la ɓɛ́nɛ ɔlɔ́ sig, nɛ́-tɛ́ɛla á lísūg lí biceg.»

Málkus 14:7

Átɔm nɛ́, ɓayɛ́ɛ́yɛ́ɛ bí ɓot bí lɛ́ la ɓɛ́nɛ eceg sig, tɔ yɔɔ́yɔ́ɔ eceg maná diŋ, miníg la ɓɔ́ li ɓɔŋle lí m̀ɓɛɛŋ. Ndí ma, mi ŋgá ɓɛ́ ɓé mā la ɓɛ́nɛ eceg ɛ́sɛ.

Yohánɛs 12:8

Ɓayɛ́ɛ́yɛ́ɛ bí lɛ́ la ɓɛ́nɛ eceg sig, ndí ma, miní ŋgá ɓɛ́ ɓé la ma eceg ɛ́sɛ.»

Yohánɛs 13:33

Á ɓɔ́ɔ̄n ɓáma, mi ŋgí tɔ́ɔ̄ jā la ɓɛ́nɛ ányúū puh eceg. Miníg kɛ ma lí somo, ndí kaa ma lága ɓɔ́ɔ̄n bí Élōg-Yúda, ápah mi ŋga kɛ̄, miní ŋgá la ɓé lí pám wóŋ; ɓɛ́nɛ ki mag laga ɓɛ́nɛ nlemlem á jam vɔ́ŋɔ́ɔ.

Yohánɛs 14:19

Ɛ ŋgí tɔ́ɔ mā puh eceg, ámbúh yɔ, ɓot bí ŋkɔŋ-á-sí bí ŋgá ɛ́n ɓé pɛ ma; ndí ɓɛ́nɛ, miníg kɛ ma lí ɛ́n mi lɛ á éniŋ, ɓɛ́nɛ-mɛ̄n ki miníg kɛ li niŋ.

Yohánɛs 16:28

Ma pámléné á átē á Etāa li sɔ́ á ŋkɔŋ-á-sí, ndí nyí vɔ́ŋɔ́ɔ mag ɓógo á ŋkɔŋ-á-sí á li timan á yóg Etāa.»

Yohánɛs 16:5

Ndí nyí vɔ́ŋɔ́ɔ, mag kɛ á yóg mut a óm ma, ndí tɔ mut á elɔŋ yáná ah ɓāt ɓé ma nɛ́: ‹Ɔg kɛ véé é?›

Yohánɛs 17:11

Li ɓotle nyí vɔ́ŋɔ́ɔ, mi sē ɓé pɛ ma á ŋkɔŋ-á-sí, ndí, ɓɔ́ bíg yégle á ŋkɔŋ-á-sí, ányúū nɛ má mag timan á yóg yɔ́ɔ. Etāa nyɔ́ a lɛ Mpúán tát ɓɔ́ á jóō jɔ́ɔ, joó lí lɛ́ nɛ wa tí ma, á lí ɓɔŋ nɛ́ bí ɓɛ́ mut wa, ákaa ma la wa bi lɛ́ mut wa.

Misɔ́n mí Ɓáōmɓɛ 3:21

Nyɔ́ŋ Yésus a nyɛ́ɛ yágá li tɔɔ á lóō nɛ́-tɛ́ɛla á éceg mam mísɛ mí ŋga kɛ́ li tɛ́lɛ, mí Ɔlolómɛ̄ a lɛ́gɛ á minyu mí ɓápɔ́tle-bí-Ɔ́lolómɛ̄ ɓapúán bí kwakwáŋɛ.

Elōg-Gálátia 2:10

Bí lagléé jā ɓɛ́hɛ nɛ́ bih vólkágánɛ́ ɓé ɓɛ́hɛ ɓayɛ́ɛ́yɛ́ɛ bí Yélūsalɛm, náŋ ki nɛ́ ma nyɔ̄ŋ éceg lí ɓɔŋ.

Yohánɛs 1 3:17

Kíyáɓɛ́nɛ mut a yáhɛ la abyaŋ á ŋkɔŋ-á-sí, la nyɛ́ a ɛ́n mɔ́ɔ̄nyāŋ nyɔ́ a byɛ́ɛ̄ kóó la jam, ndí á létlé nyɛ m̀mím, nɛ láá hɔ́ ediŋ Ɔlolómɛ̄ ɛ lɛ́ nɛ yá ɓɛ́ la nyɛ́ é?