Lúkas 9:26 - Esaa-líat ɛ́ péná

²⁶ Ányúū nɛ́ nyɔ́ la nyɔ́ a kɔ̄n ɔsɔ́n ányúū yáma la biɓaŋgá byáma, Mɔɔ́n Mut nyɛ́g ag kɛ li kɔn lí ɔ́sɔ̄n ányúū yɛ́ɛ̄ eceg a ŋga kɛ́ li sɔ́ átē á lipém jɛ́ɛ́, jé lí Ɛ́sāŋɛ́ la jé lí áŋgɛl epúán.

Lúkas 9:26 Iomraidhean Croise

Matéus 16:27

Átɔm nɛ́ Mɔɔ́n Mut ag kɛ li sɔ́ elɔŋ la áŋgɛl yɛ́ɛ́ átē a lipém lí Ɛ́sāŋɛ́. La náŋ, ag kɛ li sála lí mut sig li oŋle la miɓɔŋɔg mɛ́ɛ́.

Matéus 25:31

«Eceg Mɔ́ɔ̄n Mut a ŋga kɛ́ li sɔ́ átē a lipém jɛ́ɛ́, elɔŋ la áŋgɛl ɛ́sɛ, váŋ nɛ̄ a ŋga kɛ́ li tɔɔ á étɔɓé-líkanʼyɛ yɛ́ɛ́.

Matéus 26:64

Yésus ɔ pélē nyɛ̄ nɛ́: «Wa nɛ́ wa pɔ́t nāŋ, jɔ́ nɛ́, mag laga ɓɛ́nɛ nɛ́, li ɓotle la lɛn miníg kɛ li ɛ́n lí Mɔ́ɔ̄n Mut a tɔ́ɔ̄ á m̀ɓɛ́nlómɛ á Ɛsáŋɛ́ á Ŋguu-Mísɛ ápah a ŋga kɛ́ li sɔ́le á lóō átē á mbaga.»

Málkus 8:38

Ányúū nɛ́ nyɔ́ la nyɔ́ a ŋga kɔ̄n ɔsɔ́n ányúū yáma la ányúū biɓaŋgá byáma ɔ́sū ví nyí nyɔŋɔn ɛ lɛn, nyí miɓé, nyí yāh tiŋɓe ɓé la Ɔlolómɛ̄, Mɔɔ́n Mut nyɛ́g ag kɛ li kɔn lí ɔsɔ́n ányúū yɛ́ɛ̄, eceg a ŋga kɛ́ li sɔ́ elɔŋ la áŋgɛl epúán átē a lipém lí Ɛ́sāŋɛ́.»

Yohánɛs 12:43

Á mbálɛ nɛ́, bí ŋgí ɛ́n lípēm lí ŋga sɔ́le ɓɔ́ la ɓot-bí-bínam nsɛ́ŋ li loo lí jé lí ŋga sɔ́le la Ɔlolómɛ̄.

Yohánɛs 5:44

Nɛ́-láá hɔ́ miní ŋga lá li yéɓe, kíyáɓɛ́nɛ miníg tíélán lipém ɓɛ́nɛ la ɓɛ́nɛ ndí manáh somó ɓé lípēm lí ŋga sɔ́le la Ɔlolómɛ̄ nyɛ́-ntámɛ́ é?

Misɔ́n mí Ɓáōmɓɛ 10:22

Bú pélē nyɛ nɛ́: «Kɔlnéya, ŋ̀kanʼyɛ nlɔŋ á eɓógo ɛ́ sónja, mut a tɛ́ɛ́ sim, a ŋga kɔ̄n Ɔlolómɛ̄ woŋ, nyɔ́ lilóm lí Élōg-Yúda lísɛ lí ŋga tíi mbóŋ élāām, nyɛ́ nɛ́ á óm ɓɛ́hɛ. Áŋgɛl Ɔlolómɛ̄ ya yɛ́ɛ́léné nyɛ nɛ́, ɔg nyɛɛ li kɛ á ndáá yɛ́ɛ̄, ɔ máŋlɛ́ nyɛ́ yé ɛ́sɛ ɔ byɛ́ɛ̄ á lí laga lí nyɛ.»

Elōg-Lóma 1:16

Mi ŋgá kɔn ɓé mā ɔ́sɔ̄n lí lɛgɛ lí Pɔ́l M̀ɓɛɛŋ, yɔ nɛ́ ɛ lɛ̄ ŋguu nyí Ɔlolómɛ̄ nyí ɛ ŋga sūŋ jóō nɛ mut a byɛ́ɛ̄ ŋyéɓé la nyɛ́, ɔ́sū la ɔsú ɓá bí lɛ̄ ɓɔ́ɔ̄n bí Élōg-Yúda, ámbúh, tɔ ɓá bí sē ɓé ɓɔ́ɔ̄n bí Élōg-Yúda ɓɔ́g bíg yíg oŋ.

Elōg-Kɔlínto 2 12:10

Jɔ́ hɔ́ nɛ́ mi ŋga kɔ̄n mivag átē a áɓɔt, átē a mióó, á mam bí ŋga kágyɛ ma, á ndútu la mitaka ányúū Nyɔ́-a-Pɔ́hlɛ! Átɔm nɛ́ eceg mi lɛ̄ ntɔt, váŋ hɔ́ nɛ mi byɛ́ɛ́ ŋguu.

Elōg-Gálátia 6:14

Ndí ma, mbásá nyí Ɛtáŋɛ wahá Yésus Kilístus nɛ́ ɛ lɛ̄ ma ɛ́yáma ewáhlé-ŋgáŋ. La yɔ nɛ́ ŋkɔŋ-á-sí wá tomlɛ́ á mbásá ányúū yáma, nlemlem ákaa mág ma tōmlɛ́ á mbásá ányúū ŋkɔŋ-á-sí.

Timotéo 1 5:21

Yé mi ŋga víhyɛ wa lí laga ɔ́sū ví Ɔlolómɛ̄, ɔ́sū ví Yésus Kilístus, la ɔ́sū ví mípɔ̄hlɛ́gɛ mí áŋgɛl ɛ́ lɛ́ nɛ́, ɔ óglé míŋ mitiŋ ɛ́h ɓɛ́ ɓé mɔ li tɔ́tɔ, ɔ ɓɔŋɔ́g ɓé ki tɔ jam la ŋgamá.

Timotéo 2 1:12

Ányúū náŋ nɛ́ mi ŋga ɔ́hánɛ bíŋ bisɔghe. Ndí náŋ a ŋgá kɔnɛ ɓé ma ɔ́sɔ̄n, átɔm nɛ́ mag yí la nzáá ma yéɓe, mi lɛ ki mbáki nɛ́ a byɛ́ɛ́ ŋguu li naŋɛ lí yé a byéehɛ́ ma nɛ́-tɛ́ɛla á ɔ́lɔ̄ vá tiile.

Timotéo 2 2:12

Kíyáɓɛ́nɛ ɓaá sɔghé elɔŋ la nyɛ́, elɔŋ la nyɛ́, biíg kɛ ki li kanʼyɛ. Kíyáɓɛ́nɛ ɓa táŋɓán nyɛ́, nyɛ́g ag kɛ ɓɛ́hɛ li táŋɓan.

Elōg-Hébɛl 11:26

A yéɓé lí kuh lí mbɔɔla kaa yé Nyɔ́-a-Pɔ́hlɛ a ŋga nyɛ́ɛ yɔ li kuh, nyí ɛ lɛ̄ ákaa abyaŋ nyú á ŋga lóo miɓɛɛŋ mí Égípto, átɔm nɛ́ a tiŋíí miíh á mbáglé a ŋgí laaŋke.

Elōg-Hébɛl 13:13

Bi pám hɔ́ á lí ɓoman la nyɛ́ ápah ɓot bí sē ɓé, bi yéɓé ki mióó ɓá óŋó nyɛ,

Yúde 1:14

Ányúū yāɓá ki nɛ́ Hénɔk, mut a yáhɛ́ nzambúwá ámbúh Ádam a pɔ́tɔ́ɔ́ á jóō lí Ɔ́lolómɛ̄ eceg a ŋgí laga nɛ́: «Léɓyán sig, Nyɔ́ŋ-Ɛsáŋɛ́ ag sɔ́ elɔŋ la milɔŋ mipúán mɛ́ɛ́ mí wélan, adun ndí ádun,

Biyɛ́ɛ́léné 1:7

Léɓyán sig, ag kɛ li sɔ́ até á mbaga; joó nɛ́ diíh líg kɛ nyɛ́ li ɛ́n, nlemlem la ɓá bísɛ ɓá ól nyɛ́, ɓot bí mílōmɛ mí ŋkɔŋ-á-sí bísɛ bíg kɛ li lee ányúū yɛ́ɛ́. Ɔɔ, ɛ́ ɓɛ́ náŋ!»

Biyɛ́ɛ́léné 20:11

Váŋ hɔ́ nɛ ma ɛ́n m̀ɓáláŋ á épūpúɛ á étɔɓé-líkanʼyɛ, la mut nyɔ́ a tɔɔ́ múŋ. Sí la lóō bú nyɔ́ŋ ɔ́sū vɛ́ɛ́ ɛ́h ɓɛ́ ɓé lí yíg lí ndembye.

Biyɛ́ɛ́léné 21:8

Ndí, ányúū aɓɔɓɔŋga á ɓot, ɓot ɓáh tiŋɓe ɓé la ma, ɓaɓéé-mam, ɓot bí miólan, ɓot bí mpuŋgú, ɓot bí míkaŋ, ɓaɓégɛ-bisát la ɓot bí minaa bísɛ; bíg kɛ li kɛ á ébúle yé nzáan la nzuhú. Náŋ nɛ́ a lɛ nyɛmb ya yáhɛ́ ɛ́ɓáa nyí ya tíile.»

Biyɛ́ɛ́léné 3:5

Náŋ nɛ́ ǹdí-cíŋ a ŋga kɛ́ li jál lí bípúpúɛ bí mbɔ́tí. Mi ŋgá kɛ ɓé ma lí sáá lí jóō jɛ́ɛ́ a kálati eniŋ; mag kɛ nyɛ́ lí lem ɔ́sū ví Etāa la ɔ́sū ví áŋgɛl yɛ́ɛ́.