Lúkas 8:31 - Esaa-líat ɛ́ péná

³¹ Ndí mɔ́ mú sɔ́hyé Yésus nɛ́ ah ómóg ɓé mɔ átē á eɓél-écɛ̄hɛ.

Lúkas 8:31 Iomraidhean Croise

Matéus 25:41

Ámbúh náŋ, káísa ag kɛ hɔ́ lí laga lí ɓot bí ŋga ɓɛ́ nyɛ́ á m̀ɓɛ́ŋgáa nɛ́: ‹Nɛŋlán la ma, á mílɔgɔ́g mí ɓot mí! Kɛnán á éɓēl-nzáan nyí ɛ́ ŋgá dím ɓé, yé lɛ́ m̀ɓoŋhágan ányúū ǹsɔhɔ la áŋgɛl yɛ́ɛ́.

Lúkas 8:28

Ɛnɛ́ a ɛ́n Yésus, ɔ kúēlé nyɛ á míkoo, ɔ tɛ́ɛ́ nlón la ŋguu nɛ́: «Yéé ɔ ŋgɔ sōmle ma é? Á Yésus, Mɔɔ́n Ɔlolómɛ̄ Nyɔlɛ! Mag sɔ́hye wa, ɔh sɔ́ɔ́g ɓé ma lí ɓɔgɔ.»

Lúkas 8:32

Á nyɔ́ŋ voóm, liɓembá lícɛ̄ŋ lí ŋgoo lí ɓɛ́ɛ́ lí ŋgí dí váŋ á míɓēt mí ɔ́kolá. Mimbúl míɓē mú sɔ́hyé Yésus nɛ́ a mwáhɛ́ mɔ́ mí níŋgí yíŋ ŋgoo á nyúū. La nyɛ́ ɔ yéɓe.

Elōg-Lóma 10:7

Tɔ nɛ́: ‹Nzáá a ŋga kɛ́ li suh á eɓél-écɛ̄hɛ é›? Li laga náŋ lí lɛ́ nɛ lá somó lí mínɛ nɛ́: li suh á lí pámɛ lí Nyɔ́-a-Pɔ́hlɛ á ŋkɔŋ á ɓá ɓá wū é?»

Biyɛ́ɛ́léné 11:7

Ndí eceg ɛ́ ŋga kɛ́ li manɛ lí li tíi lí mbóŋ yaɓá, tít nyí ŋga pámléne á eɓél-écɛ̄hɛ ɛg kɛ yɔ́ lí duhɛ, ɛg dí yíŋ mbóŋ cíŋ la yɔ ɛ ól yɔ́.

Biyɛ́ɛ́léné 17:8

Tít wa ɛ́n, ɛ ɓɛ́ɛ́, ndí ɛ sē ɓé pɛ. Ɛg kɛ li pámléne á eɓél-écɛ̄hɛ, la yɔ ɛ kɛ́ á njáŋgá. Ɓatɔɓene bí ŋkɔŋ-á-sí, ɓá moó máh ciiɓɛ ɓé á kálati nyí eniŋ li ɓotle á míɓōtlé mí ŋkɔŋ-á-sí, bíg kɛ li nyág eceg bí ŋga ɛ́n nyíŋ tít; átɔm nɛ́, ɛ ɓɛ́ɛ́ á kwaŋ, ɛ sē ɓé pɛ, ndí ɛg kɛ pɛ li sɔ́.

Biyɛ́ɛ́léné 19:20

La tít yu byéelɓɛ́ ŋkómá, bú byeé ki m̀pɔ́tle-a-Ɔlolómɛ̄ a minaa nyɔ́ a ɓɔŋɔ́ɔ́ mínɛ́ŋ ɔ́sū ví tít, ányúū li jáŋɛ lí ɓot bí kuhúú ndembye nyí tít la li ɓégɛ lí edíŋgɛ́-díŋgɛ yɛ́ɛ́. Tít la m̀pɔ́tle-a-Ɔlolómɛ̄ a minaa bú lééɓɛ́ bíg vɛɛɓan átē á éɓēl-nzáan nyí ɛ ŋgá dím ɓé, nyí nzuhú ɛ ŋga lóŋɛ.

Biyɛ́ɛ́léné 9:11

Áŋgɛl nyí eɓél-écɛ̄hɛ nɛ́ ɛ ɓɛ́ɛ́ ákaa káísa yaɓá, nyí ɛ ŋga yáŋlɛ la mpɔ́t á Élōg-Hébɛl nɛ́ «Abádon» la mpɔ́t á Gelékia ki nɛ́ «Apóliyon» náŋ ag mínɛ nɛ́: «ǹcɛ́hɛ.»