Lúkas 7:6 - Esaa-líat ɛ́ péná

⁶ Yésus ɔ kɛ́ elɔŋ la ɓɔ́. Ɛnɛ́ ɓá pám ɓɛ́ɓɛ la nlɛ́ɛ́, ŋ̀kanʼyɛ nlɔŋ á éɓōgo sónja ɔ óm míwāndá mɛ́ɛ́ lí laga lí Yésus nɛ́: «Ɛtáŋɛ, ɔh teeŋgɛ́gɛ́ ɓé nyúū yɔ́ɔ, átɔm nɛ́ mih kɔ́ɔ́ ɓé ma nɛ́ mi lɛ́glé wa á yóg yáma.

Lúkas 7:6 Iomraidhean Croise

Matéus 20:28

Náŋ ki nɛ̄ Mɔɔ́n Mut ah sɔ́ ɓé nɛ bí ɛɛlé nyɛ́, ndí a sɔ́ nɛ a ɛ́ɛ́lé ɓot, la li tíi lí éniŋ yɛ́ɛ́ á ésɛsɛ́ma á lí tɔ́hɔ lí ɔ́bul ví límut.»

Matéus 3:11

«Ma, mag tíi ɓɛ́nɛ nzoɓan átē a mindím nyí ɛ ŋga étɛ nɛ́ maná tám áɓē wáná, munú vēŋé bílɛ̄m, ndí nyɔ́ a ŋga sɔ́ ámbúh yáma ag loo ma ŋguu. Mih kɔ́ɔ́ ɓé ma nyɛ́ li ɓógtɛ lí bítāmbí. Ndí nyɛ́, ág kɛ ɓɛ́nɛ li tíi lí nzóɓan nyí nzáan la nyí M̀búl Mpúán.

Málkus 5:24

Yésus ɔ kɛ elɔŋ la nyɛ́, ndí limut licɛ́ŋ lí ŋgí oŋ nyɛ́, lú pagtánɛ́ nyɛ.

Lúkas 5:8

Ɛnɛ́ Símɔn Pétlos a ɛ́n naŋ, ɔ ɓɛ́hán á míkoo mí Yésus, ɔ sɔ́hyé nyɛ́ nɛ́: «Ɛtáŋɛ, kɛnɛ́g, nɛŋɛ́ la ma, átɔm nɛ́ mí lɛ m̀ɓɔŋ-miɓé.»

Lúkas 7:4

Eceg ɓá pám á ŋgwáāg Yésus, bú sɔ́hyé nyɛ ŋgandag, bí byɛ́la nyɛ́ nɛ́: «A kɔ́ɔ́ nɛ́ ɔ ɓɔ́ŋlé nyɛ́ náŋ,

Lúkas 7:5

ányúū nɛ a dīŋ ékombo yáhá, Nyɛ́ nɛ́ a óŋ ɓɛ́hɛ ndáá-miɓomán.»

Lúkas 7:7

Ányúū náŋ, mā-mɛ̄n ma ɔ́ŋɔ́ nɛ́ mih kɔ́ɔ́ ɓé ma li siŋgle ápah ɔ lɛ. Ndí pɔ́t ja eɓaŋgá yá, m̀ɓɔŋle wama ag tɔɔ mbólí;

Lúkas 8:49

Yésus a ɓɛ́ɛ́ a ŋgí pɔ́tɔg, mut wa ɔ sɔ́léné á yóg ŋ̀kanʼyɛ ndáá-miɓomán, aá la Yálius nɛ́: «Ŋgɔn yɔɔ ya wú, ɔh teeŋgɛ́gɛ́ ɓé pɛ Ŋ̀yéglɛ.»

Misɔ́n mí Ɓáōmɓɛ 10:38

Miníg yí nɛ́, nyɔ́ Yésus a Názalɛt, Ɔlolómɛ̄ a kúúlé nyɛ ŋguu la M̀búl Mpúán. A ŋgí ɓɔ̄ŋ m̀ɓɛɛŋ á ɓávoóm bísɛ a ŋgí loole, ag tɔɔyɛ ɓot bísɛ mbólí, ɓá ǹsɔhɔ a vá á sí likanʼyɛ jɛ́ɛ́, ányúū nɛ Ɔlolómɛ̄ a ɓɛ́ɛ́ la nyɛ́.

Yákop 4:10

Ɓɛ́án la esuhɛ-nyuú á ŋgwáāg Nyɔ́ŋ-Ɛsáŋɛ́, ag kɛ ɓɛ́nɛ li ɓétɛ.

Yákop 4:6

Ndí, Ɔlolómɛ̄ a tí ɓɛ́hɛ likaale licɛ́ŋ lítām, ányúū náŋ nɛ́ Lícii-Lipúán lí ŋga yó nɛ́: «Ɓot bí kúmba, Ɔlolómɛ̄ ag letle ɓɔ́ m̀mím, ndí ag ɓɔt m̀mím ányúū ɓá bí esuhɛ-nyuú.»