Lúkas 7:28 - Esaa-líat ɛ́ péná

²⁸ Mag laga ɓɛ́nɛ nɛ́, á ɓot bísɛ ɓá pámléné á líbum lí míndīgá, tɔ wa a lɛ mut ǹcɛ́ŋ ákaa Yohánɛs a sē ɓé. Ndí yíán nɛ́, á Ékombo Ɔlolómɛ̄, mut a lóohán lí ɓɛ́ lí ntɔ́ga wóŋ ag loo Yohánɛs.»

Lúkas 7:28 Iomraidhean Croise

Matéus 11:11

La mbálɛ, mag laga ɓɛ́nɛ nɛ́, á ɓot bísɛ ɓá pámléné á líbum lí míndīgá, tɔ wa á póla yaɓá ah pám ɓé á ɔ́vega ví Yohánɛs Ǹtíi-nzoɓan. Ndí yíán nɛ́, á Ékombo-lóō, mut a lóohán li ɓɛ́ lí ntɔ́ga wóŋ ag loo Yohánɛs.

Matéus 3:1

Múŋ á nyúŋ alɔ́, Yohánɛs Ǹtíi-nzoɓan ɔ pámlé á éyāŋ yé Yúdēa, ag tɛ́ɛ́ likálo nɛ́:

Lúkas 3:16

Ndí nyɛ́ ɔ pélē ɓɔ́ nɛ́: «Ma, mag tíi ɓɛ́nɛ nzoɓan nyí mindím, ndí nyɔ́ a ŋga sɔ́ ámbúh yáma ag loo ma ŋguu. Mih kɔ́ɔ́ ɓé ma li kúhu lí míkɔɔ mí bítāmbí byɛ́ɛ́. Nyɛ́ ág kɛ ɓɛ́nɛ li tíi lí nzóɓan nyí nzáan la M̀búl Mpúán.

Lúkas 7:27

Ányúū yɛ́ɛ̄ nɛ yá ciiɓɛ́ nɛ́: ‹Légɓé sig, mag óm ǹlɛgɛ-njɛn wama ɔ́sū vɔ́ɔ á lí ɓoŋhan lí wa nzen.›

Lúkas 7:29

Ɓot bísɛ bí ɓɛ́ɛ́ bí ŋgí ámble Yohánɛs, nɛ́-tɛ́ɛla ɓakomanɛ-ŋkuh-á-gɔ́mna, bú sɔ́ŋtánɛ́ nɛ Ɔlolómɛ̄ a lɛ mbálɛ. Váŋ nɛ́ mut sig a yéɓé lí kuh lí nzoɓan nyí Yohánɛs.

Lúkas 9:48

a byɛ́la ɓɔ́ nɛ́: «Tɔ nzáá a lɛ́glé nyɔ́ mɔɔ́n á jóō jáma, a lɛ́glé ma; tɔ nzáá ki a ŋga lɛ́gle ma, a lɛ́glé nyɔ́ a óm ma. Átɔm nɛ́ nyɔ́ a lóohán lí ɓɛ́ lí ntɔ́ga á póla yaná ɓɛ́nɛ bísɛ, nyɛ́ nɛ́ a lɛ mut ǹcɛ́ŋ.»