Lúkas 6:12 - Esaa-líat ɛ́ péná

¹² Múŋ á nyúŋ alɔ́, Yésus ɔ ɓét á lóō lí ɔ́kolá á míkánɛ. La nyɛ́ ɔ lōɛ́ díɓe lísɛ á li kánɛ lí Ɔlolómɛ̄.

Lúkas 6:12 Iomraidhean Croise

Matéus 5:1

Eceg Yésus a ɛ́n ɔ́bul ví límut vú yálan, ɔ ɓét á lóō lí ɔ́kolá. Ɛnɛ́ a tɔ́ɔ̄, ɓayége ɓɛ́ɛ́ bú sīŋglé nyɛ á ŋgwáāg.

Matéus 6:6

Ndí wa, eceg ɔ ŋgɔ sómo li kánɛ, níŋgí á tuúm ndáá yɔ́ɔ, ɔ lēg likooká, ɔ kánɛ Ɛsɔ́ŋɛ́, Loó jɔ́ɔ nyɔ́ a lɛ váŋ á nsɔlɓɛ́. La náŋ, Ɛsɔ́ŋɛ́ nyɔ́ a ŋga ɛ́n wa á nsɔlɓɛ́ ag kɛ wa lí sála.

Málkus 1:35

Yésus ɔ tɛ́lɛ́ la miyɛ́ mí kítí, ɔ pám, ɔ kɛ́ á liɛ́g; ɔ ɓōtlé lí kánɛ wóŋ.

Málkus 3:13

Yésus ɔ ɓét á ɔ́kolá, ɔ yáŋa ɓot a ŋgí somo, la ɓɔ́ bú sīŋglé nyɛ á ŋgwáāg.

Málkus 6:46

Ɛnɛ́ a mánɛ jɔ́ li soɛ, ɔ ɓét á ɔ́kolá á míkánɛ.

Lúkas 5:16

La Yésus ɔ yíg ɓɔ, ɔ kɛ́ á míkánɛ enɛŋɛ́ á líɛ̄g ápah mut tɔ wa a sē ɓé.

Lúkas 6:11

Náŋ ɔ lóohán lí ályɛ lí Elōg-Falísái la ɓayí-mbéndá; la ɓɔ́ bú ɓōtlé lí ɓatan ɓɔ́ lá ɓɔ́ yéé ɓá nyɛɛ́ li ɓɔŋ la Yésus.

Lúkas 6:17

Eceg Yésus a ŋgí suh ɔkolá la jóom jɛ́ɛ́ lí ɓáōmɓɛ la bíɓáa, ɔ tɛ́lɛ́ á voóm á tɛ́gɛ́. Ɔ kɔ́p ŋgandag yɛ́ɛ́ ɓáyēge bí tɛ́ɛ la ɔbul ví límut, jé lá sɔ́léné á míkɔŋ mí Yúdēa, Yelúsalɛm, mikɔŋ mí Tíil la Sídon mí mí lɛ́ á sáwá.

Lúkas 9:18

Ɔlɔ́ vá, Kasig Yésus a ŋgí kánɛ á mɓagɓanɛ́, ɓayége ɓɛ́ɛ́ bí ɓɛ́ɛ́ elɔŋ la nyɛ́. Váŋ nɛ́ a bíhī ɓɔ́ nɛ́: «Ɓot bíg yó nɛ́ mi lɛ nzáá é?»

Lúkas 9:28

Jam ákaa alɔ́ mwaam ámbúh nyúŋ ŋkwɛl, Yésus ɔ kɛ́ elɔŋ la Pétlos, Yohánɛs la Yákop, bú ɓét á ɔ́kolá vícɛ̄ŋ á míkánɛ.

Lúkas 9:29

Eceg Yésus a ŋgí kánɛ, asú wɛ́ɛ́ wú vēŋ la mbɔ́tí yɛ́ɛ̄ yu púú nɛ pɛ́ŋ ákaa mipúú mí vaŋgá.

Yohánɛs 6:3

Ányúū náŋ nɛ́ Yésus a ɓétéé á lóō lí ɔ́kolá, ɔ tɔ́ɔ̄ wóŋ la ɓayége ɓɛ́ɛ́.

Elōg-Kólóso 4:2

Miní tiŋɓé á míkánɛ, miní ɓɛ́ pɛɛ átē á nzag miní ŋga ɓāt Ɔlolómɛ̄ la li tíi lí nyɛ mitamlan á yé ɛ́sɛ a ŋga ɓɔ̄ŋle ɓɛ́nɛ.

Elōg-Hébɛl 5:7

Nyɔ́-a-Pɔ́hlɛ nɛ́, á éniŋ yɛ́ɛ́ mú á sí vaŋgá, átē a ŋgandag mílōn la bíya, a kánɛ, ɔ ɓétɛ́ ki nzag á yóg mut a ŋgí la nyɛ́ lí suŋ á nyɛmb, la Ɔlolómɛ̄ ɔ yáhɛ́ nzag yɛ́ɛ́ ányúū esuhɛ-nyuú yɛ́ɛ́.