Lúkas 4:25 - Esaa-líat ɛ́ péná

²⁵ Kɔɔ la mbálɛ, mag laga ɓɛ́nɛ nɛ́ á eceg yé m̀pɔ́tle-a-Ɔlolómɛ̄ Elías, mikúh mí ɓondígá mí ɓɛ́ɛ́ ŋgandag á Íslāɛl. Eceg lóō lí legɓáán mímbú míŋháa la sóŋ ɛ́sáama, nzal ecɛ́ŋ yú ɓɛ́hán á ékombo,

Lúkas 4:25 Iomraidhean Croise

Matéus 20:15

Ɓaá, mih byɛ́ɛ́ ɓé kundɛ li ɓɔŋle lí ábyaŋ wáma ákaa kóó yama é? Tɔ nɛ́ liɓɛ́ɛg jáma lí élɔ́ŋgɔ mut líg ályɛ wa é!›

Lúkas 10:21

Á nlemlem á eceg, M̀búl Mpúán ɔ yáhɛ́ Yésus la mivag, la nyɛ́ ɔ yó nɛ: «Mag tíi wa mítamlan Etāa, Ɛtáŋɛ nyɔ́ á sí la lóō, ányúū jam wa sɔ́ɔ ɓot-bí-peg la ɓá bí éyī, ndí wu yɛ́ɛ́lé jɔ ɓot bí lɛ ákaa ɓɔɔ́n ɓátɔ̄ga. Ɔɔ, Etāa, nzɛ́ wa sómo nɛ ɛ́ ɓɛ́ náŋ.

Elōg-Lóma 9:15

Ákaa ɛ́sɛ, a yó Móse nɛ́: «Mut mi ŋga kɛ́ li diŋ lí lí kɔnle lí ŋgɔ́ɔ́, nɛ́ mi ŋga kɔnle ŋgɔ́ɔ́, mag kɛ li ɓɛ́ lí élɔ́ŋgɔ á ŋgwáāg nyɔ́ mi ŋga dīŋ lí ɓɛ́ lí élɔ́ŋgɔ.»

Elōg-Lóma 9:20

Wā mut-a-binam, ɔ lɛ́ hɔ́ nzáá á lí kál la Ɔ́lolómɛ̄ é? Ɓaá, m̀ɓaŋāg-á-jam ág la li ɓat lí m̀ɓaŋ jɔ́ nɛ́: «Ányúū yéé wa ɓāŋ ma ná é?»

Elōg-Éféso 1:11

Á ŋ̀atanɛ́ wāhá la Nyɔ́-a-Pɔ́hlɛ nɛ́ ɓaá kuh ɛ́jāhá joga lí émbāmbá, ányúū nɛ Ɔlolómɛ̄ a tɛ́ɛ́yɛ́ ɓɛ́hɛ á ɔ́sū ví éceg li oŋle la peg yɛ́ɛ́ a vúl. Ag ɓɔ̄ŋ joó nɛ jam ákaa a súgɛ la ákaa a ɔ́ŋɔ.

Elōg-Éféso 1:9

A yɛ́ɛ́léné ɓɛ́hɛ mbaŋ nyí nsom wɛ́ɛ́, ɔ yɛ́ɛ́léné ki ɓɛ́hɛ peg a vúl la m̀mím á m̀ɓɛɛŋ ɔ́sū ví eceg á jóō lí Nyɔ́-a-Pɔ́hlɛ.

Yákop 5:17

Elías m̀pɔ́tle-a-Ɔlolómɛ̄ a ɓɛ́ɛ́ jā mut kaa ɓɛ́hɛ, ɔ kánɛ taŋ-taŋ nɛ́ mbeŋ ɛh nɔ́ɔ́g ɓé, la mbeŋ yu tɔ́ɔ mimbú míŋháa la epah ɛ́h ɓɛ́ ɓé lí nɔ́.

Biyɛ́ɛ́léné 11:6

Yíŋ mbóŋ ɛ́ byɛ́ɛ́ ŋguu li leg lí lóō á li ɓɔŋ nɛ́ mbeŋ ɛh nɔ́ɔ́g ɓé eceg ɛ́sɛ ɛ́ ɓɛ́ ɛ́g yíhɛ mam mí Ɔlolómɛ̄ mí ŋga kɛ́ li sɔ́. Ɛ́ byɛ́ɛ́ ŋguu li yaanɛ lí mindím mícii la li óm lí nyaa la nyaa bisɔghe á ŋkɔŋ-á-sí ákaa ɛ́ ŋga díiŋ.