Lúkas 3:11 - Esaa-líat ɛ́ péná

¹¹ Nyɛ́g ɔ pélē ɓɔ nɛ́: «tɔ nzáá a byɛ́ɛ̄ mbɔ́tí ɛ́ɓáa, a tí nyɔ́ ah byɛ́ɛ́ ɓé; nyɔ́ ki a byɛ́ɛ̄ lídī, a ɓɔ̄ŋ nlemlem á jam.»

Lúkas 3:11 Iomraidhean Croise

Matéus 25:40

Káísa ag kɛ ɓɔ́ lí pele nɛ́: ‹La mbálɛ, mag laga ɓɛ́nɛ nɛ́, eceg sig maná ɓɔŋlé wa mú á ɓá ɓatɔ́ga, ɓá bí lɛ́ élōgyāŋ, ɛnɛ ma nɛ́ maná ɓɔŋlé nāŋ›.

Lúkas 11:41

Tíán ja ɓot bí ŋgɔ́ɔ́ yéé ɛ lɛ átē a bisóá byáná, váŋ nɛ́ mam mísɛ míg ŋga kɛ́ li ɓɛ́ lí mípūū ányúū yáná.

Lúkas 18:22

Ɛnɛ́ Yésus a ámblé náŋ, ɔ lága nyɛ nɛ́: «Jam jáhjá nɛ̄ lí ŋgí tɔɔ́ wa; nuŋú yé ɛ́sɛ ɔ byɛ́ɛ̄, ɔ káahánɛ́ ɓayɛ́ɛ́yɛ́ɛ nyúŋ ŋkuh, la váŋ, ɔg kɛ li kuh lí ábyaŋ á lóō. Ámbúh náŋ, sɔ́, ɔ ōŋ ma.»

Lúkas 19:8

Váŋ nɛ́ Sakíyo a sīŋglé ɓɛ́ɓɛ la Nyɔ́ŋ-Ɛsáŋɛ́, a byɛ́la nyɛ́ nɛ́: «Légɓé sig Ɛtáŋɛ! Mag kaale ɓayɛ́ɛ́yɛ́ɛ epah yé ábyaŋ wáma. Kíyáɓɛ́ ki nɛ́ mi kɛ́tléé tɔ li kágtan lí jam lí mut, mag tímanɛ nyɛ́ jɔ́ náŋ ŋgele ɛ́náa.»

Yohánɛs 13:29

Kasig Yúdas nɛ́ a ɓɛ́ɛ́ ǹnaŋɛ-ŋkuh, jogo lí ɓáyēge lú ɔ́ŋɔ nɛ Yésus a óm nyɛ li sóm lí yé ɛ́ ŋga sōmlɛ ányúū ŋgand; tɔ nɛ́ lí tíi lí ɓáyɛ̄ɛ̄yɛ́ɛ byoóm.

Misɔ́n mí Ɓáōmɓɛ 10:2

A ŋgí tiŋɓe la Ɔlolómɛ̄ ŋgandag, nyɛ́ la ndáá yɛ́ɛ̄ bíg yéɓe la Ɔlolómɛ̄, bíg kɔn ki nyɛ́ woŋ. Bíg kánɛ nyɛ́ eceg ɛ́sɛ. A ŋgí tíi ki ɓayɛ́ɛ́yɛ́ɛ bí Élōg-Yúda mikaale ŋgandag.

Misɔ́n mí Ɓáōmɓɛ 10:31

a byɛ́la ma nɛ́: ‹Á Kɔlnéya, Ɔlolómɛ̄ a lɛ́glé míkánɛ mɔ́ɔ, āh vólánɛ ɓé ki ŋgandag yɔ́ɔ míkaale wa tí ɓáyɛ̄ɛ̄yɛ́ɛ.

Misɔ́n mí Ɓáōmɓɛ 10:4

Váŋ nɛ̄ a tīŋ yɔ miíh, la nyɛ́ ɔ kɔ̄n woŋ, ɔ pélē yɔ nɛ́: «Ɛtáŋɛ, Yéé ɛ́ ŋgá kɛ ɓé é?» Áŋgɛl yu tímánɛ̄ nyɛ nɛ́: «Ɔlolómɛ̄ a ɔ́ŋɔ míkánɛ mɔ́ɔ, la ŋgandag yɔ́ɔ míkaale wa tí ɓáyɛ̄ɛ̄yɛ́ɛ; la náŋ, āh vólánɛ ɓé wa.

Elōg-Éféso 4:28

Nyɔ́ la nyɔ́ a ŋgí yíí, ah yííg ɓé pɛ, ndí a nyɔ̄ŋ eceg li sál á nyaa ɛ tɛ́ɛ́ la mɔ mɛ́ɛ́, nɛ́ ndí nyɛ́g a kūh yé a ŋga lá li kaan la nyɔ́ ah byɛ́ɛ́ ɓé.

Timotéo 1 6:17

Ɓéhyɛ́ mimbyaŋ-mí-ɓot mí nyú ŋkɔŋ-á-sí nɛ́ míh ɓɛ́ɛ́g ɓé kúmba tɔ li vá lí lípitá jáɓá á ábyaŋ nyú a ŋgá lɔ́ɓe, ndí mí válé jā lípitá jáɓá la Ɔlolómɛ̄, nyɔ́ a ŋga tíi ɓɛ́hɛ míɓɛɛŋ ɔbul nɛ́ ndí bi ɓɛ́la mívag á m̀mím.

Timotéo 1 6:18

Mimbyaŋ-mí-ɓot mí ɓɔŋ m̀ɓɛɛŋ, abyaŋ wáɓá á ɛ́nyéné á mísɔ̄n mí m̀ɓɛɛŋ. Mí ɓɛ́ ɓot bí ŋga káa, mí yéɓé lí kaan lí yé mí byɛ́ɛ̄ la ɓáŋá ɓátām.

Elōg-Hébɛl 6:10

Ákaa ɛ́sɛ, Ɔlolómɛ̄ ag ɓɔŋ jā mam mí tɛ́ɛ́, a ŋgá la ɓé lí vólánɛ lí nsɔ́n wáná, ndí tɔ ediŋ maná étɛ́ á ŋgwáāg yɛ́ɛ̄ li oŋle la yé miní ɓɔŋléé ndog-Ɔlolómɛ̄ á kwakwáŋɛ, la yé miní lɛ̄ yɔ li ɓɔŋle nyí lɛn.

Yákop 1:27

Taŋ li ɓɔŋle lí éɓasɛ átē a mípūū ŋgíla ɔnɛ́g á miíh mí Ɔlolómɛ̄ Etāa wahá ɛ lɛ́ já: Li óŋgánɛ lí ɓɔ́ɔ̄n-bí-nyul la mikúh mí ɓóndīgá ɓá bí lɛ́ á ndútu la li yíhe nɛ́ mam mí ŋkɔŋ-á-sí míh vínhɛ̄gɛ́ ɓé mut.

Yákop 2:14

Á élōgyāŋ, nsɛ́ŋ á yéé lí sɛgɓan nɛ́ mi byɛ́ɛ ŋyéɓé, kíyáɓɛ́nɛ náŋ a ŋgá ɛ́ni ɓé á mísɔ̄n é? Ɓaá, nyíŋ nyaa ŋyéɓé ɛg la li suŋ lí mut é?

Yohánɛs 1 3:17

Kíyáɓɛ́nɛ mut a yáhɛ la abyaŋ á ŋkɔŋ-á-sí, la nyɛ́ a ɛ́n mɔ́ɔ̄nyāŋ nyɔ́ a byɛ́ɛ̄ kóó la jam, ndí á létlé nyɛ m̀mím, nɛ láá hɔ́ ediŋ Ɔlolómɛ̄ ɛ lɛ́ nɛ yá ɓɛ́ la nyɛ́ é?

Yohánɛs 1 4:20

Kíyáɓɛ́nɛ mut ag laga nɛ́: «Mag diŋɛ Ɔlolómɛ̄», ndí ag síŋgɛ mɔɔ́nyāŋ, ɛnɛ a lɛ́ mut-a-minaa. La mbálɛ, nyɔ́ la nyɔ́ a ŋgá diŋɛ ɓé mɔ́ɔ̄nyāŋ nyɔ́ a ŋga ɛ́n, a ŋgá la ɓé tɔ li diŋɛ lí Ɔ́lolómɛ̄ nyɔ́ a ŋgá ɛ́n ɓé.