Lúkas 24:47 - Esaa-líat ɛ́ péná

⁴⁷ Á jóō jɛ́ɛ́, bíg kɛ li lɛgɛ lí Pɔ́l M̀ɓɛɛŋ, ányúū mveŋghanɛ́ a bilɛ́m la elaakɛ-miɓé á mílōm mísɛ, li ɓotle á Yélūsalɛm.

Lúkas 24:47 Iomraidhean Croise

Matéus 28:19

Kɛnán á mílōm mísɛ, miní yáanɛ́ ɓot ɓayége ɓáma. Tíán ɓɔ́ nzóɓan á jóō lí Ɛ́sāŋɛ́, la Mɔɔ́n, la M̀búl Mpúán.

Matéus 3:2

«Támán aɓé wáná miní vēŋé bílɛ̄m, átɔm nɛ́ Likanʼyɛ lí lóō li lɛ́ ɓɛɓɛ!»

Matéus 9:13

Kɛnán hɔ́ miní somó lí yí yéé ná a ŋga mínɛ nɛ́: ‹Mi byɛ́ɛ́ ja kóó la ekɔnan-ŋgɔ́ɔ́, ndí ah la nsúlé ɓé, átɔm nɛ́ māh sɔ́ ɓé ma lí yáŋa lí ɓá bí tɛ́ɛ́ sim, ndí ɓaɓɔŋ-miɓé›.»

Lúkas 13:34

Á Yélūsalɛm, á Yélūsalɛm, wa nyɔ́ ɔ ŋgɔ ól ɓápɔ́tle-bí-Ɔ́lolómɛ̄, ndí ɔg ól ki ɓot ɓá ómɓɛ́ wa la ŋgɔg. Légɓé tɛɛla á vɔɔ́vɔ́ɔ ɔvega ma sómo nɛ mi kómánɛ ɓɔɔ́n ɓɔ́ɔ, ákaa m̀mín á kúú á ŋga kómanɛ, la li bútyɛ lí ɓɔ́ɔ̄n ɓɛ́ɛ́ á sí mípaa, ndí maná ɓen náŋ!

Misɔ́n mí Ɓáōmɓɛ 10:43

Nyɛ́ nɛ́ ɓapɔ́tle-bí-Ɔ́lolómɛ̄ bísɛ bí ŋga tíi nyí mbóŋ nɛ: ‹Tɔ nzáá a byɛ́ɛ̄ ŋyéɓé la Nyɛ́, ag kɛ li kuh lí élaakɛ-miɓé á jóō jɛ́ɛ́›.»

Misɔ́n mí Ɓáōmɓɛ 11:18

Ɛnɛ́ ɓot ɓá ámblé bíŋ biɓaŋgá, bú tɔ́ɔ̄ pií, bú ɓōtlé lí ɓégɛ lí Ɔ́lolómɛ̄ la li laga nɛ́: «Ɛ́ lɛ́ mbálɛ, Ɔlolómɛ̄ a tí ki milóm mí sē ɓé mí mí Élōg-Yúda póla nɛ́ mí vēŋé bílɛ̄m la mɔ́ mí kuh eniŋ éɓem.»

Misɔ́n mí Ɓáōmɓɛ 13:46

Póol la Balnábas bí ŋgí kwɛl ɛ́h ɓɛ́ ɓé woŋ tɔ wá, bí ŋgí laga nɛ́: «Ɓɛ́nɛ yágá nɛ ɓá nyɛɛ́ lí dúgu lí lɛgɛ lí éɓaŋgá Ɔlolómɛ̄. Kasig miní ŋga pún yɔ́, miníg ɛ́n ki ɓɛ́nɛ-mɛ̄n nɛ́ miníh kɔ́ɔ́ ɓé la eniŋ éɓem, jɔ́ nɛ́ ɓɛ́hɛ bi ŋga kɛ́ á mbóg ɓot bí sē ɓé ɓɔ́ɔ̄n bí Élōg-Yúda.

Misɔ́n mí Ɓáōmɓɛ 2:38

Pétlos ɔ pélē ɓɔ́ nɛ́: «Miní vēŋé bilɛ́m, mut sig ki á élɔŋ yáná a kūh nzoɓan á joó lí Yésus Kilístus ányúū elaakɛ-miɓé mɛ́ɛ́, la náŋ miníg kɛ li kuh lí M̀búl Mpúán kaa likaale.

Misɔ́n mí Ɓáōmɓɛ 20:21

Mbóŋ yáma ya yíglé ɓɔ́ɔ̄n bí Élōg-Yúda la ɓá bí sē ɓé ɓɔ́ɔ̄n bí Élōg-Yúda nɛ́ bí vēŋé bílɛ̄m la ɓɔ́ bí yéɓé Ɛtáŋɛ wahá Yésus.

Misɔ́n mí Ɓáōmɓɛ 26:18

á lí lege lí mɔ̄ miíh la li ɓógtɛ lí mɔ́ á lívito li kɛla lí mɔ á mipúú, li ɓógtɛ lí mɔ̄ á mɔ mí Sátan, li kɛla lí mɔ̄ á yóg Ɔlolómɛ̄, nɛ́ ndí mí kuh elaakɛ-miɓé la li nyɔŋ lí joga á émbāmbá elɔŋ la ndog ɓayéɓe li oŋle la ŋyéɓé bí byɛ́ɛ̄ la ma.›

Misɔ́n mí Ɓáōmɓɛ 26:20

Á mveŋghanɛ́, ma ɓōtlé jā lí lɛgɛ lí ɓot bí Dámas, ɓá bí Yélūsalɛm, á Yúdēa yɔ ɛsɛ̄ la míŋí mílōm mí mí sē ɓé mí Élōg-Yúda nɛ́ bí véŋē eniŋ, bí tímān la Ɔlolómɛ̄, bí niŋléné á nyɔ́ŋ mveŋghanɛ́.

Misɔ́n mí Ɓáōmɓɛ 28:28

Póol ɔ kondyé sīg-pɛ nɛ: «Yíán hɔ́ nɛ, lisuŋga lí Ɔ́lolómɛ̄ lá sɔ́ ja ányúū ɓot bí sē ɓé ɓɔ́ɔ̄n bí Élōg-Yúda, ɓɔ́, bíg kɛ nyɛ́ lí ámblé!» [

Misɔ́n mí Ɓáōmɓɛ 3:19

Miní vēŋé hɔ́ éniŋ, miní tímān la Ɔlolómɛ̄, á li ɓɔŋ nɛ́ a láákɛ́ miɓé máná.

Misɔ́n mí Ɓáōmɓɛ 4:12

Lisuŋga tɔ já lí ŋgá sɔ́le ɓé voóm ntám amáh sig la nyɛ́, átɔm nɛ́, mú á sí vaŋgá, Ɔlolómɛ̄ āh tíi ɓé ɓot-bí-bínam joó lítām tɔ já lí ŋga sɔ́la ɓɛ́hɛ lisuŋga.»

Misɔ́n mí Ɓáōmɓɛ 5:31

Nyɛ́ nɛ́ Ɔlolómɛ̄ a ɓétɛ́ á lóō la ŋguu yɛ́ɛ̄, ɔ tɛ́ɛ́yɛ́ nyɛ kaa Ŋ̀kanʼyɛ la Ǹsuŋ, á lí ɓɔŋ nɛ́ lilóm lí Íslāɛl lí vēŋé bilɛ́m la jɔ́ lí kuh elaakɛ-miɓé.

Elōg-Lóma 5:20

Kaa mbéndá ya sɔ́, ányúū náŋ nɛ́ áɓē wá bul. Ndí, ápah aɓé wá bul, váŋ ki nɛ́ ékɔnan-ŋgɔ́ɔ́ yé Ɔ́lolómɛ̄ yɔ́g yá loohán lí bul.

Elōg-Éféso 1:6

Bi lɔ́ŋgɛ́ hɔ́ lipém lí Ɔlolómɛ̄, ányúū taŋ míkaale a tí ɓɛ́hɛ la m̀mím nláám á ŋ̀atanɛ́ wāhá la edidíŋɛ yɛ́ɛ́ Mɔ́ɔ̄n Yésus Kilístus.

Elōg-Éféso 3:8

Tɔ náŋ ákaa ma nɛ́ mi lɛ nyɔ́ a lóohán lí tígi átē á ndog-Ɔlolómɛ̄ yɔ ɛsɛ̄, ma pɔ́n nɛ ma kūh líkaale jé lí lí lɛgɛ lí mílōm mí sē ɓé ɓɔ́ɔ̄n bí Élōg-Yúda pɔ́l abyaŋ á ŋgíla lisúg nyú á Nyɔ́-a-Pɔ́hlɛ,

Elōg-Kólóso 1:27

A sómó lí yíhɛ lí ndog yɛ́ɛ̄ líɓɛ́ɛg lí nyíŋ mbaŋ la abyaŋ wɛ́ɛ́ á ŋgwáāg ɓot bí sē ɓé ɓɔ́ɔ̄n bí Élōg-Yúda. Nyíŋ mbaŋ ɛ lɛ́ nɛ́, Kilístus a lɛ̄ la ɓɛ́nɛ, la nyɛ́ nɛ́ miní byɛ́ɛ́ lipitá nɛ miníg níŋgi á lipém lí Ɔ́lolómɛ̄.

Yohánɛs 1 2:12

Á ɓɔ́ɔ̄n ɓáma, mag ciile ɓɛ́nɛ ányúū nɛ́, Miɓé máná má kuh élaakɛ á jóō lí Yésus.