Lúkas 24:30 - Esaa-líat ɛ́ péná

³⁰ Eceg a tɔɔ á téɓeli la ɓɔ́, ɔ nyɔ̄ŋ ékɔgá, ɔ lómbó yɔ, ɔ búg yɔ la nyɛ́ ɔ tí ɓɔ yɔ́.

Lúkas 24:30 Iomraidhean Croise

Matéus 14:19

Ɔ kānʼyɛ́ limut nɛ́ lí tɔ́ɔ̄ á lóō lí bíkāā. Ámbúh náŋ, ɔ nyɔ̄ŋ bíŋ bikɔgá bítáan la yíŋ kɔh ɛ́ɓáa. Ɛnɛ́ a ɓétɛ́ miíh á lóō, ɔ tí Ɔ́lolómɛ̄ mítamlan, ɔ búg bíkɔgá ɔ tí byɔ́ ɓayége ɓɛ́ɛ́ nɛ bí kaa byɔ́ la limut.

Matéus 15:36

la nyɛ́ ɔ nyɔ̄ŋ bíŋ bikɔgá nzambúwá la kɔh; ɛnɛ́ a tí Ɔ́lolómɛ̄ mítamlan, ɔ búg byɔ la nyɛ́ ɔ lōɛ́ byɔ ɓayége ɓɛ́ɛ́ nɛ bí kaa byɔ́ la jéŋ limut.

Matéus 26:26

Ɛnɛ́ éceg lí dí yá kɔlan, Yésus ɔ nyɔ̄ŋ ékɔgá, ɔ lómbó yɔ, ɔ búg yɔ, la nyɛ́ ɔ káahánɛ́ yɔ ɓaómɓɛ ɓɛ́ɛ́, aá la ɓɔ́ nɛ́: «Nyɔŋán, díán, nyuú yáma nyí.»

Málkus 14:22

Á eceg li dí, Yésus ɔ nyɔ̄ŋ ékɔgá, ɔ lómbó yɔ, ɔ búg yɔ, la nyɛ́ ɔ káahánɛ́ ɓɔ yɔ́; ɔ lága nɛ: «Nyɔŋán, nyuú yáma nyí.»

Málkus 6:41

Yésus ɔ nyɔ̄ŋ bíŋ bikɔgá bítáan la yíŋ kɔh ɛ́ɓáa, ɔ ɓétɛ́ miíh á lóō, ɔ tí Ɔ́lolómɛ̄ mítamlan, ɔ búg byɔ, ɔ tí byɔ ɓayége ɓɛ́ɛ́ nɛ bí kaa byɔ́ la ɓot; ɔ nyɔ̄ŋ ki nyíŋ kɔh ɛ́ɓáa, ɔ káa yɔ la ɓot bísɛ.

Málkus 8:6

Váŋ nɛ́ a kānʼyɛ́ jéŋ limut nɛ́ lí tɔ́ɔ̄ á sí, ɔ nyɔ̄ŋ bíŋ bikɔgá nzambúwá. Ɛnɛ́ a tí Ɔ́lolómɛ̄ mítamlan, ɔ búg byɔ la nyɛ́ ɔ tí byɔ ɓayége ɓɛ́ɛ́ nɛ bí kaa byɔ́ la ɓot bísɛ; la ɓɔ́ bú ɓɔ̄ŋ náŋ.

Lúkas 22:19

Ámbúh náŋ ɔ nyɔ̄ŋ ékɔgá, ɔ tí Ɔ́lolómɛ̄ mítamlan, ɔ búg yɔ, ɔ káahánɛ́ ɓɔ yɔ́, ɔ laga nɛ́: «Nyuú yáma nyí, nyí ya tíéɓɛ́ ányúū yaná; ɓɔŋán náŋ á li ɔ́ŋɔ́ɔ lí ma.»

Lúkas 24:29

Ndí ɓɔ́ bú díit nyɛ li laga nɛ́: «Tɔɔ́ elɔŋ la ɓɛ́hɛ átɔm nɛ́ lóō lá ɓét, la ki nɛ́ díɓe lá ɓōtlé lí vín.» La nyɛ́ ɔ níŋgí li tɔɔ elɔŋ la ɓɔ́.

Lúkas 24:35

La ɓɔ́g bú lága ɓɔ yé yá lóō á nzen, la ákaa ɓá lem Yésus eceg a búg ékɔgá.

Lúkas 9:16

Yésus ɔ nyɔ̄ŋ bíŋ bikɔgá bítáan la yíŋ kɔh ɛ́ɓáa, la nyɛ́ ɔ ɓétɛ́ miíh á lóō, ɔ tí Ɔ́lolómɛ̄ mítamlan, ɔ búg byɔ, la nyɛ́ ɔ tí byɔ ɓayége ɓɛ́ɛ́ nɛ́ bí káahánɛ̄ byɔ́ límut.

Yohánɛs 6:11

Váŋ nɛ́ Yésus a nyɔ̄ŋ bíŋ bikɔgá bítáan, ɔ tí Ɔ́lolómɛ̄ mítamlan la nyɛ́ ɔ tí byɔ ɓot bí ɓɛ́ɛ́ váŋ. Ɔ ɓɔ̄ŋ nlemlem la kɔh, ɔ tí ɓɔ̄, mut sig ɔ dí kaa kóó yɛ́ɛ̄.

Misɔ́n mí Ɓáōmɓɛ 2:42

Ɔlɔ́ sig, ɓayéɓe bí ŋgí tiŋɓe á yé ɓáōmɓɛ bí ŋgí yéglɛ ɓɔ́, á lí niŋ kaa linyaŋ, á lí kaan lí ékɔgá, la li kánɛ lí élɔŋ.

Misɔ́n mí Ɓáōmɓɛ 2:46

Ɔlɔ́ sig, kaa mut wa, ɓɔ́ bísɛ bí ŋgí kɛ á ndáá-ēcɛ́ŋ-Ɔlolómɛ̄, bí ŋgí kaan ekɔgá á ndáá yáɓá, bíg dí átē a mivag la m̀mím á nsaŋ.

Misɔ́n mí Ɓáōmɓɛ 27:35

Muŋ á bíŋ biɓaŋgá, Póol ɔ nyɔ̄ŋ ékɔgá, ɔ tí Ɔ́lolómɛ̄ mítamlan ɔ́sū ví ɓot bísɛ, la nyɛ́ ɔ búg yɔ, ɔ ɓōtlé lí dí.