Lúkas 23:2 - Esaa-líat ɛ́ péná

² Bú ɓōtlé nyɛ li sɔ́mánɛ la li laga nɛ́: «Ɓaá kɔ́p nyɔ́ mut ag kóm lísandá á ékombo yáhá. Ag céŋɛ ɓot nɛ́ bíh sáálág ɓé káísa táas a ŋga ɓāt, la li katɓan nɛ́ a lɛ Nyɔ́-a-Pɔ́hlɛ, ɔ ɓɛ́ ki káísa.»

Lúkas 23:2 Iomraidhean Croise

Matéus 17:27

Jɔ́ nɛ́, á lí pún nɛ́ náŋ ah teeŋgɛ́gɛ́ ɓé ɓáɓat-táas, kɛɛ́n á ébúle, lɛŋgɛ́ nlɔ́ɔ́ á ɔ́sōō. Kɔh ɔsú ɔ ŋgɔ ól, legé anyu wɛ́ɛ́, ɔg kɔ́p épah ɛ́ kápa múŋ; nyɔ̄ŋ yɔ́, ɔ tí yɔ́ ɓáŋ ɓot ányúū yáma la ányúū yɔ́ɔ.»

Matéus 22:21

Bú pélē nyɛ̄ nɛ́: «Káísa ecɛ́ŋ.» Ɔ lāgá ɓɔ́ nɛ́: «Miní tímānɛ hɔ́ káísa ecɛ́ŋ yé ɛ́ lɛ́ yé káísa ecɛ́ŋ, miní tímānɛ ki Ɔlolómɛ̄ yé ɛ́ lɛ́ yé Ɔ́lolómɛ̄.»

Matéus 27:11

Bú kɛ́lā Yésus ɔ́sū ví gɔ́mna licɛ́ŋ Piláto. Gɔ́mna licɛ́ŋ ɔ ɓōtlé nyɛ li bihi, aá la nyɛ́ nɛ́: «Ɓaá wa nɛ́ ɔ lɛ káísa nyí Elōg-Yúda é?» Yésus ɔ pélē nyɛ nɛ́: «Wa nɛ́ wa pɔ́t jɔ!»

Málkus 12:17

Yésus a byɛ́la ɓɔ nɛ́: «Miní tímánɛ Káísa ecɛ́ŋ yé ɛ lɛ yé Káísa ecɛ́ŋ, miní tímānɛ ki Ɔlolómɛ̄ yé ɛ lɛ yé Ɔlolómɛ̄.» Ndí ɓáŋ ɓot bísɛ bú nyág ŋgandag la mbele yɛ́ɛ̄.

Málkus 15:2

Piláto ɔ ɓāt nyɛ nɛ́: «Ɓaá wa nɛ́ ɔ lɛ káísa nyí Elōg-Yúda é?» Yésus ɔ pélē nyɛ nɛ́: «Ákaa wa pɔ́t!»

Lúkas 23:14

ɔ lága ɓɔ nɛ́: «Maná sɔ́la ma nyɔ́ mut ákaa m̀ɓógtɛ lilóm á nzen ɛ tɛ́ɛ́. Ndí ma, ma kááhɛ́ nyɛ́ ɔ́sū váná, māh kɔt ma nyɛ́ ɔ́vuha tɔ vá ví kɔɔ́ la ekɔ́ghɛ á sɔ́mɔn yáná ɛ́sɛ.

Lúkas 23:5

Ndí ɓɔ́ bú víhyɛ́ ja li laga nɛ́: «Ag tíi ɓot bí Yúdēa bísɛ kúmba la esukúlu yɛ́ɛ́, li ɓotle á Galiléa li pám nɛ́-tɛ́ɛ la vá.»

Yohánɛs 18:29

Váŋ nɛ́ Piláto, a sɔ́ɔ́ ɓɔ́ li kɔ́p á ápūū, ɔ bíhī ɓɔ nɛ́: «Yɔɔ́yɔ́ɔ sɔ́mɔn miní byɛ́ɛ̄ likɔlɓan la nyɔ́ mut é?»

Yohánɛs 18:30

Bú pélē nyɛ nɛ́: «Kí ɓɔŋ nɛ́ yé yoóm-mut ɛ́h ɓɔŋɔg ɓé áɓē, ɓaá, kí ɓaá sɔ́ la yɔ́ á yóg yɔɔ é?»

Yohánɛs 19:12

Ɛnɛ́ Piláto a ámblé náŋ, ɔ sómo nyɛ́ li mwahɛ nɛ́ a kɛ́nɛ́g, ndí ɓakanʼyɛ bí Élōg-Yúda bú ɓōtlé lí lón, bíg laga nɛ́: «Kíyáɓɛ́nɛ wá mwáhɛ́ nyɛ, ɛnɛ wāh wɛɛ ɓé pɛ kaa liwándá lí káísa ecɛ́ŋ! Átɔm nɛ́ tɔ nzáá a ŋga kātɓan nɛ́ a lɛ káísa, ɛnɛ ag tɛ́ŋgánɛ káísa ecɛ́ŋ.»

Misɔ́n mí Ɓáōmɓɛ 24:13

Nyí vɔ́ŋɔ́ɔ, ɓá ɓot bí sē ɓé hɔ́ nɛ ɓá étɛ́ njɔm sɔ́mɔn bí byɛ́ɛ̄ la ma.

Misɔ́n mí Ɓáōmɓɛ 24:5

Ɓaá sɔ̄m nɛ nyɔ́ mut a lɛ mut m̀ɓé taŋ taŋ, átɔm nɛ́ ag sɔ́la mpuŋgú a póla ɓɔɔ́n bí Élōg-Yúda bí ŋkɔŋ-á-sí ásɛ la ki nɛ́ a lɛ ŋ̀kanʼyɛ nlɔŋ a ɓot bí Názalɛt.

Elōg-Lóma 13:7

Tíán ŋ̀kanʼyɛ sig yé ɛ́ ŋga sōmlɛ nɛ́ miní tí nyɛ́. Miní sálá táas á yóg nyɔ́ mut a ŋga lɛ́gle yɔ, miní sálá bíkondo mbéndá ya tɛ́ɛ́yɛ kí mut a búú yɔ á yóg nyɔ́ a ŋga lɛ́gle yɔ́. Miní óglé ɓá miní ŋga nyɛ́ɛ li ógle, miní dítɛ̄ ɓá miní ŋga nyɛ́ɛ li ditɛ. Sáálán mut sig yé miní byɛ́ɛ̄ nyɛ́ kaa epíl.