Lúkas 22:2 - Esaa-líat ɛ́ péná

² Ɓakanʼyɛ ɓatíi-nsúlé la ɓayí-mbéndá bí ŋgí somo nzen á li ól lí Yésus, átɔm nɛ́ bí ŋgí kɔn lilóm woŋ.

Lúkas 22:2 Iomraidhean Croise

Matéus 12:14

Eceg ɓá pámlé á ndáá-miɓomán, ɓot bí Falísái bú tɔ́ɔ̄ á émɔga á lí ɔ́ŋɔ nɛ̄-láá ɓá nyɛɛ́ lí ólhánɛ lí Yésus.

Matéus 21:38

Ndí ɛnɛ́ ɓáɛŋ ɓá ɛ́n nyɔ́ŋ mɔɔ́n á páam, bú laglán nɛ: Ŋ̀yéglan-embámbá nyɔ́, sɔ́án! Bi ól nyɛ́, bi yéglán émbāmbá.

Matéus 26:2

Mɔɔ́n Mut ag kɛ li nuŋlɛ, bí tōmó nyɛ́ á mbásá.»

Málkus 14:1

Alɔ́ áɓáa ɔ́sū ví ŋgand Páska la nyí bikɔgá bí ŋgíla esaŋɛ, ɓakanʼyɛ ɓatíi-nsúlé la ɓayí-mbéndá bí ŋgí somo nsóómbá á li byee lí Yésus nɛ́ bí ól nyɛ́.

Lúkas 20:19

Á ékūyá-kúyá ɓayí-mbéndá la ɓakanʼyɛ ɓatíi-nsúlé bú somó nyɛ li byee, átɔm nɛ́ bí sɔ́ŋtáánɛ nɛ́ ányúū yaɓá nɛ a kánɛ víŋ ɔŋgaáŋgan, ndí bú kɔn limut woŋ.

Yohánɛs 11:57

Ɓakanʼyɛ ɓatíi-nsúlé la Elōg-Falísái bú tí ndag nɛ́, nyɔ́ la nyɔ́ a ŋga yí voóm Yésus a lɛ, a lagá á li ɓɔŋ nɛ́ bí byee nyɛ́.

Misɔ́n mí Ɓáōmɓɛ 4:27

Kɔɔ la mbálɛ, Elóde la Pɔ́nsio Piláto, bikombo la milóm mí Íslāɛl ɓá kómān á nyí tísɔn, nɛ́ bí tɛ́ŋgánɛ Yésus, m̀ɓɔŋle wɔɔ mpúán nyɔ́ ɔ pɔhléé.