Lúkas 18:7 - Esaa-líat ɛ́ péná

⁷ Ɓaá, Ɔlolómɛ̄ nyɛ́ a ŋgá kɛ ɓé lí tíi lí mbag nyí ɓot a pɔ́hɔ, ɓá bí ŋga lónle nyɛ́ díɓe la nzámuh é? Ɓaá, ag kɛ li bíŋhan lí lí óŋgánɛ lí ɓɔ é?

Lúkas 18:7 Iomraidhean Croise

Matéus 24:22

Ki ɓɔ̄ŋ nɛ́ Ɔlolómɛ̄ ah tunɓɛgɛ ɓé nyúŋ alɔ́, kí mut tɔ wa a ŋgá kɛ ɓé lí niŋ; ndí ányúū ɓot a pɔ́hɔ nɛ́ a ŋga kɛ́ li tunɓɛ lí nyúŋ alɔ́.

Matéus 24:24

Ákaa ɛ́sɛ, mipɔ̄hlɛ́gɛ mí ɓot-bí-mínaa la ɓapɔ́tle-bí-Ɔ́lolómɛ̄ bí mínaa, bíg kɛ li tɛ́lɛ á lí ɓɔŋ lí mínɛ̄ŋ la binanaŋga bí mam, á lí jáŋɛ lí ɓot, kí ɓɔ̄ŋ nɛ́ bí ŋga lā, kí bí ŋga jáŋɛ ki ɓá Ɔlolómɛ̄ a pɔ́hɔ.

Matéus 7:11

Ɓɛ́nɛ biɓéɓéyɛ bí ɓot hɔ́, kíyáɓɛ́nɛ miníg yí lí tíi lí ɓɔ́ɔ̄n ɓáná byoóm bílāām, ɛbuu-la-ŋgele yáŋvéé la Ɛsɔ́ŋɛ́ wāná a lɛ á lóō, nyɛ́ ag kɛ li tíi lí ɓot byoóm bílāām bí ŋga ɓāt nyɛ́.

Lúkas 11:13

Ɓɛ́nɛ biɓéɓéyɛ bí ɓot hɔ́ kíyáɓɛ́nɛ miníg yí li tíi lí ɓɔ́ɔ̄n ɓáná byoóm bílāām, ɛbuu-la-ŋgele yáŋvéé la Etāa nyɔ́ a lɛ á lóō a ŋga kɛ li tíi lí M̀búl Mpúán ɓá bí ŋga ɓāt nyɛ́ wɔ́.»

Lúkas 21:28

«Eceg míŋ mam mí ŋga ɓōtlé li ɓɔŋɓɛ, tɛ́lɓán m̀ɓɛɛŋ, miní tɛ́ɛ́yɛ́ɛ mimú, ánsī nɛ lisuŋga jáná lí lɛ́ ɓɛ́ɓɛ.»

Elōg-Lóma 8:33

Nzáá a ŋga kɛ́ li la lí li sɔ́mánɛ lí ɓá Ɔlolómɛ̄ a pɔ́hɔ é? Tɔ mut, átɔm nɛ́ Ɔlolómɛ̄ nɛ a yáanɛ́ ɓɔ ɓá bí tɛ́ɛ́ sim!

Elōg-Kólóso 3:12

Kasig Ɔlolómɛ̄ a pɔ̄hɔ́ ɓɛ́nɛ, kasig miní lɛ́ ndog yɛ́ɛ̄, kasig miní lɛ́ bídidíŋɛ byɛ́ɛ́ bí ɓɔ́ɔ̄n, ɓɛ́án hɔ́ la m̀mím a ŋgɔ́ɔ́, ɓɛ́án la ediŋ, esuhɛ-nyuú, ewú-m̀mím, la eɔ́hánɛ.

Elōg-Tésaloníka 1 3:10

Jɔ́ nɛ́, díɓe la nzámuh, eceg bi ŋga kánɛ, biíg yīgyɛ li ɓat lí nyɛ́ nɛ́ a ɓɔ̄ŋ nɛ́ bi la sīg-pɛ ɓɛ́nɛ li ɛ́n, la lí yáhɛ lí yé ɛ́ ŋga sōmlɛ á ŋyéɓé wáná.

Elōg-Tésaloníka 2 1:6

Ɔɔ, náŋ a tɛ́ɛ́ nɛ́ Ɔlolómɛ̄ a sɔ̄ghɛ́ ɓot bí ŋga sɔ̄ghɛ ɓɛ́nɛ.

Timotéo 1 5:5

Ndí, nyɔ́ a lɛ̄ ŋkúh á míndīgá nyú á lɛ́ kɔɔ ŋgíla mut, ag vále lípitá jɛ́ɛ́ la Ɔlolómɛ̄. Ag tiŋɓe á nzɔ́hyé la li kánɛ lí nyɛ díɓe la nzámuh.

Timotéo 2 1:3

Mag tíi Ɔlolómɛ̄ ŋgandag mítamlan, nyɔ́ mi ŋga sále la cíŋ-m̀mím ɛ ŋga púú, nlemlem ákaa ɓatáŋɛ ɓá ɓɔŋ, eceg sig mi ŋga símhánɛ wa á míkánɛ máma díɓe la nzámuh.

Timotéo 2 2:10

Ányúū náŋ nɛ́ mi ŋga ɔ́hánɛ mam mísɛ ányúū ɓot Ɔlolómɛ̄ a pɔ́hɔ, nɛ́ ndí ɓɔ́g bi kuh lisuŋga jé lí lɛ́léné á Yésus Kilístus, bí kuh ki lipém lí éɓem.

Títo 1:1

Ma Póol, m̀ɓɔŋle a Ɔlolómɛ̄, mi lɛ ŋ̀ómɓɛ a Yésus Kilístus á lí wɛɛla lí ɓot Ɔlolómɛ̄ a pɔ́hɔ nɛ́ bí ɓɛ́la ŋyéɓé, nɛ́ mi yíhɛ́ ɓɔ́ mbálɛ, nɛ́ ndí bí tiŋɓé la Ɔlolómɛ̄,

Pétlos 1 1:1

Ma Pétlos, ŋ̀ómɓɛ a Yésus Kilístus, mag ciile ɓot Ɔlolómɛ̄ a pɔ́hɔ, ɓá bí lɛ́ ɓácɛn-bí-ɓot ɓá cámān á épah-ékombo yé Pɔ́nto, yé Galátia, yé Kapadóse, yé Ásia la yé Bitínia.

Pétlos 2 3:9

Nyɔ́ŋ-Ɛsáŋɛ́ a ŋgá bíŋhan ɓé lí yáhɛ lí mikakanɛ mɛ́ɛ́, tɔ náŋ ákaa ɓot ɓatám bí ŋga ɔ́ŋɔ nɛ́ a lóohán bíŋhan. Ndí, ányúū yaná, Nyɔ́ŋ-Ɛsáŋɛ́ a byɛ́ɛ eɔ́hánɛ, nsom wɛ́ɛ́ a sē ɓé nɛ́ jogo á póla yaná bí jáŋɛ́ eniŋ yáɓá, ndí, nɛ́ ɓɛ́hɛ bísɛ bi la li veŋe lí éniŋ.

Biyɛ́ɛ́léné 18:20

Á lóō, sophɛ́gɛ́ hɔ́ la mivag ányúū ecɛ́hɛ yɛ́ɛ́! Ɓɛ́nɛ ki, á ndog-Ɔlolómɛ̄, á ɓáōmɓɛ la ɓapɔ́tle-bí-Ɔ́lolómɛ̄, miní sōphɛ́ɛ átɔm nɛ́ Ɔlolómɛ̄ a kááhɛ́ nyíŋ tísɔn ányúū aɓé ɛ ɓɔŋléé ɓɛ́nɛ.

Biyɛ́ɛ́léné 6:10

Bí ŋgí lón la ŋguu nɛ́: «Á Ɛtáŋɛ nyɔ́ a lɛ́ mpúán, á taŋ Ɛtáŋɛ, ɔ ŋgí laaŋkégé tɛɛla ǹjén á lí kááhɛ lí ɓot bí ŋkɔŋ-á-sí, la li pun lí mícii máhá é?»

Biyɛ́ɛ́léné 7:15

Ányúū náŋ nɛ́ bí tɛ́ɛ́ ɔ́sū ví étɔɓé-líkanʼyɛ yé Ɔlolómɛ̄, á lí ɓɔŋle lí nyɛ esaa púán díɓe la nzámuh átē a ndáá-ēcɛ́ŋ-Ɔlolómɛ̄ yɛ́ɛ̄. Ndí nyɔ́ a tɔɔ́ á étɔɓé-líkanʼyɛ, ag kɛ ɓɔ́ lí bútyɛ á líndūm jɛ́ɛ́.