Lúkas 18:13 - Esaa-líat ɛ́ péná

¹³ Ŋ̀komanɛ-ŋkuh-á-gɔ́mna, nyɛ́g a ɓɛ́ɛ́ a tɛ́ɛ́ enɛŋɛ́ náŋáá, ɛ́h ɓɛ́ ɓé nyɛ li cege lí li ɓétɛ li miíh á lóō; ndí ɔ lɔ́g wɔ á tól la li laga nɛ́: ‹Á Ɔlolómɛ̄, kɔɔ́n ma ŋgɔ́ɔ́, ányúū nɛ mi lɛ m̀ɓɔŋ-miɓé.›»

Lúkas 18:13 Iomraidhean Croise

Matéus 10:3

Filípo la Baltelémia, Tómas la Matéus ŋ̀komanɛ-ŋkuh-á-gɔ́mna, Yákop mɔɔ́n Álfe la Tadéo

Matéus 6:5

«Eceg miní ŋga kánɛ, miníh ɓɛ́ɛ́g ɓé kaa ɓot bí ɔ́taɓa, ɓá bí ŋga dīŋ li kánɛ lí bítɛ̄tɛ́lí á ndáá-míɓomán la á míkāndán mí nzen, á lí somo nɛ́ ɓot bísɛ bí ɛ́n ɓɔ́. La mbálɛ, mag laga ɓɛ́nɛ nɛ́, ɓá man lí kuh lí nsála wáɓá.

Matéus 9:13

Kɛnán hɔ́ miní somó lí yí yéé ná a ŋga mínɛ nɛ́: ‹Mi byɛ́ɛ́ ja kóó la ekɔnan-ŋgɔ́ɔ́, ndí ah la nsúlé ɓé, átɔm nɛ́ māh sɔ́ ɓé ma lí yáŋa lí ɓá bí tɛ́ɛ́ sim, ndí ɓaɓɔŋ-miɓé›.»

Málkus 11:25

La náŋ, eceg miní tɛ́ɛ́ miníg kánɛ, kíyáɓɛ́nɛ miníg álye mut, laakánɛ̄ nyɛ́ á lí ɓɔŋ nɛ́ Ɛsɔ́ŋɛ́ waná nyɔ́ a lɛ á lóō nyɛ́g a láákɛ́ ɓɛ́nɛ avuha wáná.» [

Lúkas 17:12

Á míníŋgi mɛ́ɛ́ á ŋkɔŋ wá, jóom lí ɓot bí mívɛlɛ bú sɔ́ li ɓoman la nyɛ́, la ɓɔ́ bú tɛ́lɛ́ nyɛ enɛŋɛ́.

Lúkas 22:41

La nyɛ́ ɔ ɓáglán la ɓɔ́, ɔ kɛ́ puh enɛŋɛ́ jam ákaa muúmítáan mí méta, ɔ úm míɓɔ̄ŋ á sí, ɔ kánɛ́ nɛ:

Lúkas 23:48

Ɓot bísɛ ɓá bí ɓɛ́ɛ́ bí kómānɛ váŋ á li légɓe ákaa Yésus a ŋgí tomlɛ á mbásá, ɛnɛ́ ɓá ɛ́n yé yá loo, bú tímān á mímbóg máɓá bíg síítan la evínɛ-m̀mím.

Lúkas 5:8

Ɛnɛ́ Símɔn Pétlos a ɛ́n naŋ, ɔ ɓɛ́hán á míkoo mí Yésus, ɔ sɔ́hyé nyɛ́ nɛ́: «Ɛtáŋɛ, kɛnɛ́g, nɛŋɛ́ la ma, átɔm nɛ́ mí lɛ m̀ɓɔŋ-miɓé.»

Misɔ́n mí Ɓáōmɓɛ 2:37

Bíŋ biɓaŋgá bú síiɓán ɓa-ámble nyúŋ ŋkwɛl, bú nyág la ɓɔ́ bú ɓāt Pétlos la ɓáŋá ɓáōmɓɛ nɛ́: «Á élōgétāŋ, yé ɓaá nyɛ́ɛ lí ɓɔŋ é?»

Elōg-Lóma 5:8

Ndí, ndembye nyí ɛ ŋga étɛ nɛ́ Ɔlolómɛ̄ ag diŋ ɓɛ́hɛ yɔ nyí nɛ́: Nyɔ́-a-Pɔ́hlɛ a wú ányúū yāhá, kí bi ŋgí lɛ ɓáɓɔŋ-miɓé.

Elōg-Kɔlínto 2 7:11

Léɓyán hɔ́ sig yé evínɛ-m̀mím Ɔlolómɛ̄ a tɛ́ɛ́yɛ yá sɔ́la ɓɛ́nɛ. Mɔɔ́ a! Sē míkwásí á mbyēleg ē! Sē lí yí lí lí suŋ lí nyúū ē! Sē líyɔ̄t kí mut ɔ ɓɔ̄ŋ jam ɓé ē! Sē woŋ á lí ɓéé lí lí ɓɔŋ ē! Sē évēhé yé lí ɛ́n lí mā sīg-pɛ ē! Sē ákwāā ē! Sē pɛ́lɛ-pɛ́lɛ ekɔ́ghɛ ányúū m̀ɓéé lí ɓɔŋ ē! Ndí, maná étɛ́ ɓɛ́nɛ-mɛ̄n á nyaa yɔ́ ɛ́sɛ nɛ́ miní lɛ́ mípūū á nyúŋ ŋkwɛl.

Timotéo 1 1:15

Yé eɓaŋgá ɛ́ ŋga lága nɛ́: «Yésus Kilístus a sɔ́ á ŋkɔŋ-á-sí ányúū li suŋ lí ɓáɓɔŋ-miɓé», yéŋ eɓaŋgá ɛ́ kɔ́ɔ́ nɛ́ ɓot bí váléné yɔ́ lípitá, ɓɔ́ bísɛ ki bí lɛ́glé yɔ́ ákaa ɛ́ ŋga sōmlɛ. Átē á ɓáŋ m̀ɓɔŋ-miɓé, ma nɛ́ mi lɛ nyɔ́ ɔsú.

Elōg-Hébɛl 4:16

Bi síŋglé hɔ́, ɛ́h ɓɛ́ ɓé woŋ tɔ wá ɓɛɓɛ la étɔɓé-líkanʼyɛ yé Ɔ́lolómɛ̄ nyɔ́ a byɛɛ́ elɔ́ŋgɔ m̀mím, á lí ɓɔŋ nɛ́ a étɛ́ ɓɛ́hɛ ekɔnan-ŋgɔ́ɔ́ yɛ́ɛ́ la elɔ́ŋgɔ yɛ́ɛ́ m̀mím, nɛ́ ndí bi kuh lióŋgánɛ á éceg ɛ́ kɔ́ɔ̄.

Elōg-Hébɛl 8:12

Mag kɛ ɓɔ́ lí laakɛ lí ávuha wáɓá, tɔ míɓē máɓá ki mi ŋgá kɛ ɓé pɛ ma mɔ́ lí ɔ́ŋɔ.»