Lúkas 13:14 - Esaa-líat ɛ́ péná

¹⁴ Ndí ŋ̀kanʼyɛ ndáá-miɓomán, ah ɛ́nɛ́ɛ ɓé náŋ m̀ɓɛɛŋ nɛ́ Yésus a mánɛ mut ɔkɔn á ɔlɔ́ ví évɛɛɓan. La nyɛ́ ɔ nyɔŋ ŋkwɛl, a byɛ́la limut nɛ́: «Alɔ́ ásáama á lɛ ányúū nsɔ́n. Múŋ á nyúŋ alɔ́ nɛ maná nyɛ́ɛ lí sɔ́ li kuh lí mítāālán, ndí á ɔ́lɔ̄ ví évɛɛɓan ví Élōg-Yúda ɓé.»

Lúkas 13:14 Iomraidhean Croise

Matéus 12:2

Ɛnɛ́ ɓot bí Falísái ɓá ɛ́n naŋ, bú lāgá Yésus nɛ́: «Ɛ́n sig yé ɓayége ɓɔ́ɔ́ bí ŋga ɓɔ̄ŋ á m̀bya á évɛɛɓan, náŋ a lɛ écila.»

Málkus 5:22

Váŋ nɛ́ ŋ̀kanʼyɛ wa átē a ɓakanʼyɛ ndáá-miɓomán bí ŋga yáŋa nɛ́ Yáīlos a ɛ́n nyɛ, ɔ sɔ́, ɔ kúēlé nyɛ á míkoo;

Lúkas 6:11

Náŋ ɔ lóohán lí ályɛ lí Elōg-Falísái la ɓayí-mbéndá; la ɓɔ́ bú ɓōtlé lí ɓatan ɓɔ́ lá ɓɔ́ yéé ɓá nyɛɛ́ li ɓɔŋ la Yésus.

Lúkas 6:7

Ɓayí-mbéndá, la ɓot bí Elōg-Falísái bí ŋgí légɓé Yésus á lí ɛ́n kíyáɓɛ́nɛ ag tɔɔyɛ mut mbólí á ɔlɔ́ ví évɛɛɓan. Bí ŋgí somle nyɛ́ njɔm nyí sɔ́mɔn.

Lúkas 8:41

Váŋ nɛ́ mut wa bí ŋga yáŋa nɛ́ Yálius a nyɛ́g; a ɓɛ́ɛ́ ŋ̀kanʼyɛ a ndáá-miɓomán. Ɔ kú Yésus á sí míkoo, ɔ sɔ́hyé nyɛ́ nɛ́ a sɔ́ á mbóg yɛ́ɛ̄,

Misɔ́n mí Ɓáōmɓɛ 13:15

Ɛnɛ́ lísɔ́ŋgɔ á kálati Mbéndá la á kálati yí ɓapɔ́tle-bí-Ɔ́lolómɛ̄ lá man, ɓakanʼyɛ ndáá-miɓomán bú lāgá ɓɔ nɛ́: «Á élōgétāŋ, kíyáɓɛ́nɛ miní byɛ́ɛ́ eɓaŋgá á lí tíi lí lílōmɛ mikúndá, nyɔŋán mpɔ́t!»

Misɔ́n mí Ɓáōmɓɛ 18:17

Ɓɔ́ bísɛ bú byeé hɔ́ Sóstɛn, ŋ̀kanʼyɛ ndáá-miɓomán, bú búté nyɛ ɔ́sū ví ndáá-mikál, ndí náŋ āh laga ɓé Gálion tɔ jam.

Misɔ́n mí Ɓáōmɓɛ 18:8

Kilípus nyɔ́ a ɓɛ́ɛ́ ŋ̀kanʼyɛ a nyíŋ ndáá-miɓomán, ɔ yéɓe la Nyɔ́ŋ-Ɛsáŋɛ́, nyɛ́ la ndáá yɛ́ɛ́ ɛ́sɛ. Ɛnɛ́ ŋgandag ɓot bí Kɔlínto ki ɓá ámblé Póol ag pɔ́t, bú yaán ɓayéɓe la ɓɔ́ bú kūh nzóɓan.

Elōg-Lóma 10:2

Átɔm nɛ́, mi lɛ mbóŋ nɛ bí byɛ́ɛ́ akwáá ányúū nsɔ́n Ɔlolómɛ̄. Ndí nyúŋ akwáá wáɓá á lɛ́ nyú á ŋgíla éyī.